Eksodo 20:9 - Mawu a Mulluku

⁹ Va mallapo matthanu ni nimodda ophareke mitteko ddawo.

Eksodo 20:9 Iomraidhean Croise

Eksodo 16:26

Muyiwolleke wa mallapo matthanu ni nimodda. Koma va nllapo naneetthanu ni piilli, nllapo na Sabata, khamuyiphwanyaka.”

Eksodo 23:12

“Ophareke mutteko mallapo matthanu ni nimodda koma va nllapo naneetthanu ni piilli ohiphareke mutteko wi eng'ombe ddawo ddiithuuweke ni abulwaaweene nave wi masiva ehokollweelle mwa akaporwaawo ni alleto.

Eksodo 31:15

Muthu aphareke mitteko ddaye ddittheddene mallapo matthanu ni nimodda koma nllapo naneetthanu ni piilli tti na Sabata nawiithuuwa, nllapo noopatuleya na Apwiya. Arive muthu oophara mutteko va nllapo nenna iiphiwe.

Eksodo 34:21

“Muphareke mitteko ddanyu wa mallapo matthanu ni nimodda koma va nllapo naneetthanu ni piilli muhiphareke mutteko naari enthawi yoollima apaalle yoohata.

Eksodo 35:2

Muthu aphareke mitteko ddaye ddittheddene mallapo matthanu ni nimodda koma nllapo naneetthanu ni piilli tti na Sabata nawiithuuwa, nllapo noopatuleya na Apwiya. Arive muthu oophara mutteko va nllapo nenna iiphiwe.

Eksodo 35:3

Va Sabata muhikhariheke naari munllo mpa mwanyu.”

Ezekiele 46:1

“Mi Apwiya Mulluku kinallota wi, ‘Mullako wa wookhuma nndduwa wa nthato namuwari onaakhalle woowalla mallapo oophara mutteko matthanu ni nimodda. Ehulliweke nllapo Nasabatave ni nllapo na Ehakallallo ya Wooneya wa Mweeri.

Levitiko 23:3

Va mallapo matthanu ni nimodda ophareke mitteko ddawo koma nllapo naneetthanu ni piilli tti nllapo na Sabata, nllapo nawiithuuwa, nllapo na mutthukumano woopatuleya. Tti nllapo na Sabata na Apwiya nave onisungeke orive weko onaakhallekeewe.

Luka 13:14

Vano muttekweene a mu enyumba yamavekello mulle aasha murima kaambiiwa Yesu aachiriha va nllapo na Sabata nave ahaalleella athu attheene wi, “Vookhalla mallapo matthanu ni nimodda oowaakhullelliwa ophara mutteko, muweeke mallapo yaalla muchirihiweke, ohikhalla va nllapo na Sabata!”

Deuteronomo 5:13

Va mallapo matthanu ni nimodda ophareke mitteko ddawo.