Eksodo 20:8 - Mawu a Mulluku

⁸ “Osungeke nllapo na Sabata wi nikhalle noopatuleya.

Eksodo 20:8 Iomraidhean Croise

Genesis 2:2

Va nllapo naneetthanu ni nimodda, Mulluku aamalliha mitteko ddaye ddittheddene aphareeye nave ahiithuuwa nllapo naneetthanu ni piilli.

Genesis 2:3

Mulluku aadalisa nllapo naneetthanu ni piilli, aaneelliha ekaamba yawi tti nllapo nno iithuuwalleeye amallihalle muttekwaaye muttheene woophatusa.

Nehemiya 13:15

Enthawi yeeyo kaawoona athu mu Yuda empangaka vinyo nllapo na Sabata. Amodda yaanakusa vinyo, mpesa, namukuyu navettho katundu oohiyanahiyana enaareya abulu oyaana o Yerusalemu va nllapo na Sabata. Vano kahaachenjeza wi ehikulliheke erive ello va nllapo na Sabata.

Nehemiya 9:14

Mwahaahuddiha osunga Sabata naweella nave mwahaavaha malamulwaanyu oweella mwa oorumeyellaanyu Mose.

Eksodo 23:12

“Ophareke mutteko mallapo matthanu ni nimodda koma va nllapo naneetthanu ni piilli ohiphareke mutteko wi eng'ombe ddawo ddiithuuweke ni abulwaaweene nave wi masiva ehokollweelle mwa akaporwaawo ni alleto.

Eksodo 31:12

Apwiya yaamulleellattho Mose wi,

Eksodo 35:1

Mose aawiithana Aisraele attheene aalleella wi, “Apwiya enimuulamulani wi,

Yesaya 56:2

Oodala tti muthu oyo aneera ddenndda, anallipihella oddeera, anasunga nllapo na Sabata oohiiripiha ni wiihiiha ddoonanara.”

Yesaya 58:13

Apwiya enallota wi, “Mwiivaanyiheke weera ddawuuddivellani, muhiphareke mitteko ddanyu nllapo na Sabata. Nllapo na Sabatanna mweereke ello yoohakallalliha nave nllapo naweella na Apwiya ello yooriiheya. Munivaheke olemu nllaponna vooheeteetani, voohipharani mitteko ddanyu navettho voohillotani miyaha ddoohikhalla ni mutteko.

Yeremiya 17:21

Apwiya enallota wi mwapaalla osunga okumaanyu pwathani phaama nllapo na Sabata, muhimutukhulle katundu apaalle ovollowana va millako dda Yerusalemu.

Yeremiya 17:22

Muhimutukhulle arive katundu okhumana mpa mwanyu apaalle ophara orive mutteko va nllapo na Sabata. Koma musungeke nllapo na Sabata wi nikhalle noopatuleya moollikana ni mmo kaalamulelleemi makhollwaanyu.

Yeremiya 17:24

Vano Apwiya enallota wi, “Koma nyu mukiiwellelleke mi, muhiye omutukhulla katundu apaalle ovollowana va millako dda muzindoolla va Nllapo Sabata nave munisungeke oohiphara mutteko va nllapo nenno.

Ezekiele 20:20

Muriiheke mallapwaaka a Sabata wi ekhalle oopatuleya ni echizindikiro variyari va miyaano ni nyuwaano. Sika muneerodduwella wi mi tti Apwiya Mullukwaanyu.’

Levitiko 19:3

Arive muthu aavaheke olemu amennya ni attiitthinnya. Musungeke nllapo na Sabata. Mi tti Apwiya Mullukwaanyu.

Levitiko 19:30

Musunguke Nllapo naka Sabata ni oriiha nipuro naka naweella. Mi tti Apwiya.

Levitiko 23:3

Va mallapo matthanu ni nimodda ophareke mitteko ddawo koma nllapo naneetthanu ni piilli tti nllapo na Sabata, nllapo nawiithuuwa, nllapo na mutthukumano woopatuleya. Tti nllapo na Sabata na Apwiya nave onisungeke orive weko onaakhallekeewe.

Levitiko 26:2

Musungeke nllapo naka Sabata ni oriiha nipuro naka naweella. Mi tti Apwiya.”

Numeri 15:32

Aisraele yaariiwa mu echipululu yaamuphwanya muthu aashaka ekhuni nllapo na Sabata.

Deuteronomo 5:12

“Osungeke nllapo na Sabata wi nikhalle noopatuleya moollikana ni mmo Apwiya Mullukwaawo yuulamulelliiwa.