Eksodo 20:4 - Mawu a Mulluku

⁴ “Ohiipangelleke nifano noophwanaphwana ni erive ello yooddullu apaalle erive ello ya va ellapo yavatthi apaalle erive ello ya m'maaddini a vatthi va ellapo.

Eksodo 20:4 Iomraidhean Croise

1 Mamwene 12:28

Vano Yerobowamu aganizalle ddenndda, aasema mafano agolide meelli a asaanaang'ombe. Nave ahaalleella athu wi, “Mookhalla muyaaka o Yerusalemu woollapella wa enthawi yoorekama. Nyu Aisraele attheene, milluku ddanyu dduukhumihalleni mu ellapo ya Iguputo tti nndda.”

2 Mamwene 17:12

Sika yaallapella mafano waachimwella Apwiya ayo yaalleellille khalle wi, “Muhiwa mweera ddenndda.”

2 Epilli 33:7

Aahiya mu enyumba ya Mulluku nifano noosema. Enyumba eyo Apwiya yamulleelliiwa Davide ni mwanaye Solomoni wi, “Mu enyumba yeella ni mu Yerusalemu sika kitthoonlleemi variyari va malloko mattheene a Israele wi ekillapellekemo wa enthawi yoohimalla.

Masalimo 78:58

Alliwa yaamushiha murima Mulluku, ni mapurwiiwa oollapellamo. Yaamweeriha ehache ekaamba ya mafanwiiwa oosema.

Masalimo 97:7

Attheene oollapella milluku ddawoottha, awiitikhulla ni mafano oohikhalla ni mutteko, ennawullihiwa muru. Nyu milluku ddittheddene, akokhorelleni Apwiya.

Eksodo 20:23

Muhiipangelle weekhiinyu milluku dda siliva apaalle dda golide wi muddillapelleke moopweserera ni miyaano.

Eksodo 32:1

Athu yoonille wi Mose oollekellawo omwaangoni wulle ahikitthakawo, yaatthukumana emwaapheella Aroni nave yaamulleella wi, “Noopelle mulluku awi anihoollelleke vawi khaninadduwella emweereyelle Mose, oyo anikhumihalle o Iguputo.”

Eksodo 32:23

Alliwaalla yaakilleella wi, ‘Noopelle mulluku awi anihoollelleke vawi khaninadduwella emweereyelle Mose, oyo anikhumihalle o Iguputo.’

Eksodo 32:4

Sika Aroni aamwaakhella golidooyo ovenyera wa athwaayo nave aamweeka, amoopa musaanaang'ombe mu echikombole. Nave athu yahaamba okhuwa wi, “Aisraele, olla sika mullukwaahu oyo anikhumihalle o Iguputo.”

Eksodo 32:8

Aahiya khalle mwawaakuva ddittheddene kaalamulelleemi wi eddeereke. Yooddoopella weekhiiwa musaanaang'ombe a golide aweeka nave enimamullapella ni omuvelleellella mikutho ni ollota wi, ‘Aisraele, olla sika mullukwaahu oyo anikhumihalle o Iguputo.’ ”

Eksodo 34:17

“Muhiipangelle milluku dda mikoko.

Yesaya 42:17

Attheene oororomella mafano, enallota wa mafanwaayo wi, ‘Muri milluku ddahu,’ eneerovevulliwa ni owullihiwa muru.”

Yesaya 42:8

Mi tti Apwiya, nnddina naka tti nenno khaavo kinakawaneemina ntitimiho naka nginakawana ntitimiho naka ni mafano.

Yesaya 45:16

Attheene ayo enapanga mafano aneerewaawulliha muru ni waavevulla, eneeromwareya yaapheelle muru.

Ezekiele 20:7

Kahaalleella attheene wi, ‘Arive muthu atathille ddoonanara ddaye ddittheddene nnddo ddamuhakallalliha nave ahiiripihe ni mafano a o Iguputo, Mi tti Apwiya Mullukwaanyu.’

Ezekiele 8:10

Sika kaavollowa nave vasirinimvo kahoonavo ddoosema dda ddeko ddoohiyanahiyana ddawaapadda, enama ddooripihiwa navettho dda mafano mamodda mattheene ayo Aisraele yaallapelliiwa.

Ezekiele 8:3

Aattaphurusa ello yookhalla wonanko nnatta akipharana meehi va muru. Vaavo Munepa a Mulluku aakivaviha. Mookhalla wonanko kinamoona Mulluku m'masomphenya, akikusella o Yerusalemu akihiya va mullako woovollowella muwari, ompoto nko nifano noottatthamulla osha murima wa Mulluku.

Levitiko 19:4

Muhinahokollweella o mafano apaalle wiipangella milluku dda mikoko. Mi tti Apwiya Mullukwaanyu.”

Levitiko 26:1

“Muhiniipangella mafano, muhiimese ddoophwanaphwaniha ddoosema, malluku awuupuwelliha apaalle apoto amalluku oosema moophwanaphwanihella mu ellapwaanyu wi muddillapelleke. Mi tti Apwiya Mullukwaanyu.

Numeri 12:8

Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

Mitteko 17:29

Ekaamba yawi niri anamwani a Mulluku, nihiganizeke wi ari wonanko mafano a golide apaalle siliva apaalle nlluku, ddoopangiwa ni ezeru ni matta a athu.

Aroma 1:23

Enahiya omullapella Mulluku Ookumi woohimalla koma enallapella mafano a athu, epallame, enama apaalle ddawaapadda nnddo ddihinna okumi woohimalla.

Deuteronomo 16:22

Nave muhiimeseke malluku oopatuleya vawi Apwiya Mullukwaanyu enniitanana ddenndda.”

Deuteronomo 27:15

“ ‘Atembeleliwe arive muthu oopanga nifano noosema apaalle nawoopa, ello yoopangiwa ni muthu eeruso, ello yawaananara Apwiya ni yoollapella mwawiipittheya.’ “Nave athu attheene yaakhulle wi, ‘Amen!’

Deuteronomo 5:8

“Ohiipangelleke nifano noophwanaphwana ni erive ello yooddullu apaalle erive ello ya va ellapo yavatthi apaalle erive ello ya m'maaddini a vatthi va ellapo.

Yawuupullulla 16:2

Mungelo awaamba aaya ahella embalaaye va ellapo yavatthi. Makhwata oohoosa ni oovoreya yaakhuma vamiillini va athu attheene ayo yaakhenlle echidindo ya enama yuullupalli yawoopiha ni va ayo yallapenlle nifano niwa.

Yawuupullulla 9:20

Athu attheene oohalla ayo ehiniiphiwe ni millillinndde kheyaahiyalle mafano yapangilliiwa ni mattiiwa. Kheyaahiyalle ollapella minepa ddoonanara naari mafano agolide, asiliva, amukuwa, malluku ni miteekho ayo ehinawora woona wiiwa apaalle weeta.

Oweeruza 17:3

Vano olliyooyo ahaahokollosella amennya makobiri mattheene. Vano amennyaayo yaallota wi, “Kinaapatula makobiri a silivaalla wi ekhalle a Apwiya, epharihiwe mutteko woosema nifano ni onihuruwella ni siliva. Sika kinimuuhokollosella makobiraalla.”