Eksodo 20:3 - Mawu a Mulluku

³ “Ohikhalleke ni milluku ddimodda koma meeneve.

Eksodo 20:3 Iomraidhean Croise

1 Mamwene 11:4

Vano Solomoni uulluvanlleeye awariyaayo yaamurukunusa murima wi allapelleke milluku ddimodda. Olliye khaari oororomelleya wa Apwiya mullukwaaye wonanko Davide attiitthinnya.

Masalimo 29:2

Titimihani oriiheya wa nnddina na Apwiya, llapellani oreera wa weella wiwa.

Masalimo 73:25

Ethiyo kiri ni aani oddullu mwaahikhalla nyuwaano? Vatthimva kheviri erive ello eyo kinayipaalleemi koma nyeeneve.

Masalimo 81:10

Mi tti Apwiya Mullukwaanyu, oyo uukhumihalleni mu ellapo ya Iguputo, atthamani, miyaano kineerewuuchihani.

Masalimo 81:9

Vihiwe vikhalla mulluku eelleto variyari vanyu, muhiwe mumullapella mulluku mmodda.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Eksodo 20:23

Muhiipangelle weekhiinyu milluku dda siliva apaalle dda golide wi muddillapelleke moopweserera ni miyaano.

Eksodo 22:19

“Arive muthu anakonana ni enama iiphiwe.

Eksodo 23:24

Sika muhiddikokhorelle milluku ddiwa apaalle oddillapella. Muheerekena nnddo eneeresa athu yaayo. Moonongelleetu milluku ddiwa navettho mwakumulle apotwiiwa oollapellavo.

Eksodo 32:8

Aahiya khalle mwawaakuva ddittheddene kaalamulelleemi wi eddeereke. Yooddoopella weekhiiwa musaanaang'ombe a golide aweeka nave enimamullapella ni omuvelleellella mikutho ni ollota wi, ‘Aisraele, olla sika mullukwaahu oyo anikhumihalle o Iguputo.’ ”

Eksodo 34:14

“Muhillapelleke milluku ddimodda, ekaamba yawi Apwiya ayo nnddina niwa tti Nahache, tti Mulluku eehache.

Yesaya 26:4

Aroromelleni Apwiya wa enthawi yoohimalla ekaamba yawi Apwiya Mulluku tti nlluku noohimalla.

Yesaya 42:8

Mi tti Apwiya, nnddina naka tti nenno khaavo kinakawaneemina ntitimiho naka nginakawana ntitimiho naka ni mafano.

Yesaya 43:10

Nyu Aisraele, muri ambonaaka, muri oorumeyellaaka ayo kuutthoollilleemini wi mukidduwelle ni okiroromella, mwiiwesese wi meekhave sika Mulluku. Kihinakhallewo khavaari mulluku mmodda, vatulli vaka khaviwa vikhallattho mmodda.

Yesaya 44:8

Muhitathille murima, muhoove. Ethiyo ovenyera khallekhalle nguulleelleni ni wuusimikizellani ddenndda? Nyuwaano muri ambonaaka. Ethiyo ookhallavottho Mulluku mmodda okihiya miyaano? Iyaayi, khaniivottho nlluku nimodda, nginadduwella naarimi nirivo nimodda.”

Yesaya 46:9

Muupuwelle ddakhallenndde, miyaano sika Mulluku, khaavottho mmodda. Ddawoona, Mulluku tti miyaano, khaavottho mmodda wonanko miyaano.

Yeremiya 25:6

Muhithwareke milluku ddimodda munaddirumeyella ni oddillapella. Muhittatthamulleke owalli wa mi Apwiya ni mafano oopangiwa ni mattaanyu wi kihiwoonongeni.

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Yeremiya 7:9

Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

Daniele 3:18

Koma aaheera ddiiddo, dduwellani amwene wi khanirumeyellave milluku ddanyu ni ollapella nifano nanyu nagolide mwaniimesilleenyu.”

Hoseya 13:4

Apwiya enallota wi, ‘Miyaano kookhalla Apwiya Mullukwaanyu ovenyera enthawi elle kuukhumihalleemini mu ellapo ya Iguputo nave khemwaaphwanenlle omudduwella mulluku mmodda koma meeneve nave oovullusaanyu tti meeneve.

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

1 Akorinto 8:4

Sika vano kinuulleellani dda ocha ddoocha ddooheraatthiwa mukutho wa mafano. Ninnadduwella wi nifano khe ello eyo eri ni okumi; ninnadduwella wi Mulluku tti mmoddave.

1 Akorinto 8:6

wa hiyaano arivo tti Mulluku mmodda. Olliyooyo tti Attiitthiihu, Oophatusa ddeko ddittheddene nave ninnakhalla ni okumi wi nimurumeyelleke. Nave erivo Apwiya amoddave, Yesu Khrisitu. Ddeko ddittheddene ddaaphatusiwa mwa olliye navettho mwa olliye ninnakhalla ni okumi.

Aefeso 5:5

Vawi mudduwelle wi khaavo muthu ooraruwa, aweera yooripiha apaalle anrima (vawi nrima niri wonanko ollapella mafano) anaakhellena omwene wa Khrisitu ni wa Mulluku.

Deuteronomo 5:7

“Ohikhalleke ni milluku ddimodda koma meeneve.

Deuteronomo 6:14

Muhillapelleke milluku ddimodda nnddo ddinallapelliwa ni athu ayo ewaapheelleni.

Deuteronomo 6:5

Nave mwaakondeke Apwiya Mullukwaanyu ni murimaanyu muttheene ni okumaanyu muttheene navettho ni masivaanyu mattheene.

Afilipi 3:19

Yaalla eneeromallihella mu gehena kaambiiwa tti anrima nave mullukwiiwa tti erukullu ddiwa. Enakotella nnddo yaphwanenlliiwa wi ewulliwekena muru nave enaganiza dda ddeko dda va ellapo yavatthive.

Akolose 2:18

Muhaakhullelle wi mweeruziweke ni athu ayo eniiyeviha weekhiiwa mwawoottha, enaallapella angelo nave eniitukhulla ni woona ddamuhoollo. Ddenndda tti ddoohikhalla ni mutteko kaambiiwa athu yaalla aaddalliwa ni ezeru dda omuthu.

Yawuupullulla 19:10

Kaakokhora vamiitthoni vaye wi kimullapelle koma olliye aakilleella wi, “Oheere ddennddo! Mi tti oorumeyella mukhwaawo nave mmodda a asinno ni arokoriyo, attheene ayo enakhallella omboni dda Yesu. Mullapelle Mulluku!” Vawi okhallella omboni dda Yesu tti ollotella.

Yawuupullulla 22:9

Koma aakilleella wi, “Oheere ddennddo! Mi tti oorumeyella mukhwaawo navettho a asinno anamallotella ni attheene ayo enathwara ddilembiwe mu nibukhunna. Mullapelle Mulluku!”

Oweeruza 6:10

Kahuulleellani wi mi tti Apwiya Mullukwaanyu, muhinallapella milluku dda Aamori ayo munakhalleenyu mwiillaponi mwiwa koma khamwaapwathille mawaaka.’ ”