Eksodo 20:25 - Mawu a Mulluku

²⁵ Koma mwaakimakellaka nikuwa namalluku, muhaasemeke mallukwaayo kaambiiwa mwaawaasemaka ni mukoko, muneeroripiha nikuwanno.

Eksodo 20:25 Iomraidhean Croise

1 Mamwene 6:7

Enyumbeeyo yamakiwa ni malluku oosemasema wi vihiiweye mahamala, akottokwa apaalle erive echipangizo yamukoko.

Eksodo 20:24

Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo.

Eksodo 24:4

Nave Mose aalemba mawu mattheene a Apwiya. Nave aavenya moopeha ohinase aamba omaka nikuwa museresere mwa mwaango. Nave ahiimesa malluku khumi ni meelli a malloko khumi ni meelli a Aisraele.

Ezekiele 40:42

Matebulo masese a mukutho wooshellelliha yaari a malluku oosema. Orekama ni okhuveya wa arive tebulo waari masentimita 75 nave oya muddullu wiwa waari masentimita 50. Vatebulonimvo yaanahiyavo ezipangizo ddawiiphellana enama ddamukutho wooshellelliha ni mikutho ddimodda.

Yoswa 8:31

Aanimaka moollikana ni malangizo ayo Mose oorumeyella a Apwiya awinnyalleeye Aisraele ni moollikana ni ddoolembiwa mu nibukhu na malamulo a Mose oollota wi, “Nikuwa nikhalle namalluku oohisema ni ezipangizo dda mikoko.” Va nikuwanno yaavelleellavo mikutho ddooshellelliha wa Apwiya nave yaavelleella mikutho ddamurendelle.