Eksodo 20:24 - Mawu a Mulluku

²⁴ Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo.

Eksodo 20:24 Iomraidhean Croise

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

2 Samuele 6:12

Vano Davide ahiiwa wi Apwiya aamudalisa Obedi Edomu ni nibanja naye nittheene ni ddeko ddaye ddittheddene aariiyena ekaamba ya nibokosi na echipanganonno. Sika aayaawo akusawo nibokosi na echipangano ovenyera o enyumba ya Obedi Edomu, ayaana o muzinda woowaniwa, Yerusalemu, ahakallallaka.

1 Mamwene 8:29

Weherakani enyumbeella otthaana ni mahiiyu, nipuro nno mwaanithoollilleenyu wi nnddina nanyu nikhalleke mwemmo wi mwiiwe nivekello nno anaavekelle oorumeyellaanyu onipuroni wuno.

1 Mamwene 8:43

nyu mwiiwe oddullu munakhalleenyuwo nave mweere nnddo mulletooyo uuvekilleeyeni. Mweere ddenndda wi athu attheene a va ellapo yavatthi edduwelle nnddina nanyu nave ewoovekeni monga eneerella Aisraele athwaanyu nave edduwelle wi enyumba ella kiyimankeemi enadduwanyeya ni nnddina nanyu.

1 Mamwene 9:3

Vano Apwiya yaamulleella wi, “Kohiiwa nivekello nawo ni okhuwa wawo weerilleewe vamiitthoni vaka. Kooyipatula enyumba oyimakilleeweella nave koohiyamo nnddina naka wi athu ekillapellekemo wa enthawi yoohimalla. Miitthwaaka ni murimaaka ddinaakhalle mwemmo enthawi ddittheddene.

2 Mamwene 5:17

Vano Naamani aallota wi, “Mwaakhoota, mukaakhullelle mi kaporwaanyu wi kikusewo ethaya yookwakhwana otukhulliwa ni abulu eelli kirowekena. Vawi waambeella ollello mi ngiwa kivelleellakattho mukutho wooshellelliha apaalle orive mukutho wa mulluku mmodda koma wa Apwiya.

2 Epilli 12:13

Vano mwene Rehobowamu aakeraatthiha omwenaaye mu Yerusalemu nave aalamulella. Aari ni miyakha 41 aambeeye olamulella nave aalamulella miyakha 17 mu Yerusalemu, muzinda oyo yatthoollille Apwiya variyari va malloko mattheene a Israele wi yaallapellekewo. Amennya yaari Naama Muamoni.

2 Epilli 6:6

Koma vano kimutthoollille Yerusalemu okhalla nipuro nawi ekillapellekemo nave kimutthoollille Davide wi aalamulelle Aisraele athwaaka.’ ”

2 Epilli 7:16

Vawi vano kootthoolla ni opatula enyumbeella wi nnddina naka nititimihiwekemo wa enthawi yoohimalla. Miitthwaaka ni murimaaka ddinaakhalleke mwemmo enthawi ddittheddene.

Ezara 6:12

Mulluku oyo atthoollille Yerusalemu wi akhalle nipuro noomullapellawo amugonjihe arive mwene apaalle orive mutundu oyo onaasinthe ddenndda apaalle woononga enyumba ya Mulluku mu Yerusalemu. Miyaano Dariusi kookeraatthiha lamulonna nave arive muthu iiwellelle ni murima muttheene.”

Nehemiya 1:9

koma Mwahokollowella wa miyaano ni wiiwellella malamulwaaka ni oweera, kineerewuutthukumanihani ni wuuphiyihani o nipuro katthoonlleemi wi athu ellapellekewo nnddina naka naari mupallalleyelle o mamallihello wa ellapo yavatthi.’ ”

Masalimo 101:2

Kineerothwara mweezeru ettilla yaphaama. Vano munaakiweelle niini? Kineereweeta mu enyumbaaka ni murima waphaama,

Masalimo 122:2

We Yerusalemu, manyallwaahu enniimella muwari mwa millako ddawo.

Masalimo 128:5

Apwiya yuudalise ovenyera o Ziyoni, woone ddaphaama dda Yerusalemu, mallapo mattheene a okumaawo.

Masalimo 134:3

Apwiya yaphatusalle oddullu ni ellapo yavatthi, yuudalise ovenyera o Ziyoni.

Masalimo 74:7

Enyumbaanyu yaayihella munllo, nipuro nno mwakhalleenyumo, yaaniripiha voonikumullani.

Masalimo 76:2

Enyumbaaye eri o Yerusalemu, nipuro naye niri o mwaango wa Ziyoni.

Masalimo 78:68

Koma anithoollille nlloko na Yuda, mwaango wa Ziyoni oyo awukondeeye.

Eksodo 10:25

Mose aallota wi, “Vanothi nyuwaano sika munaanivahe eziweto ddoovelleellella mukutho wooshellelliha wa Apwiya Mullukwaahu.

Eksodo 18:12

Sika Yetero aaheraatthi wa Mulluku mukutho wooshellelliha ni mikutho ddimoddattho. Nave Aroni ni oohoollella a Aisraele yaawa wi eche ni Yetero vamiitthoni va Mulluku.

Eksodo 20:25

Koma mwaakimakellaka nikuwa namalluku, muhaasemeke mallukwaayo kaambiiwa mwaawaasemaka ni mukoko, muneeroripiha nikuwanno.

Eksodo 24:4

Nave Mose aalemba mawu mattheene a Apwiya. Nave aavenya moopeha ohinase aamba omaka nikuwa museresere mwa mwaango. Nave ahiimesa malluku khumi ni meelli a malloko khumi ni meelli a Aisraele.

Eksodo 24:5

Vano ahaaruma asombwe a Aisraele wi yavelleelle mikutho ddooshellelliha ni wiipha eng'ombe wi yavelleelle wa Apwiya mikutho ddeeyaattano.

Eksodo 27:1

“Opange nikuwa na mukutho wooshellelliha na matabwa akesha. Nikhalle noorekama masentimita 229, okhuveya wiwa okhallettho masentimita 229 nave oya muddullu wiwa okhalle masentimita 137.

Yesaya 64:5

Munnawaakhella attheene ookonda echilungamo, aweeseesa weeta moollikana ni opaalla wanyu. Ddawoona, mwaanishella murima komave hiyaano naavirellella ochimwa. Noochimwa wa enthawi yoorekama. Ethiyo vano ninoopolliwe mwawiidde?

Levitiko 17:9

aahiwaana va mullako wa musasa wamutthukumano ayivelleelle vamiitthoni va Apwiya, muthu yooyo avenyihiwe variyari va Aisraele attheene.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Mateyu 18:20

Vawi eelli naari araru yawa etthukumana ekaamba yawi tti oohudderaaka, miyaano kiri wenko variyari viwa.”

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Deuteronomo 12:11

Sika Apwiya eneerotthoolla nipuro noollapellavo wi ekeraatthihevo nnddina niwa nave muneerekowaana wenko ddittheddene kuulamulalleemini monga mikutho ddanyu ddooshellelliha, mikutho ddanyu ddimodda, ddoovelleella ddanyu ddaneekhumi, ddoovelleella ddoohiwatiheriwa navettho ddoovelleella ddanyu ddoollupella.

Deuteronomo 12:21

Nipuro nno Apwiya Mullukwaanyu enaatthoolliiwa narekamella, ttuuwiipha erive echiwetwaanyu eyo Apwiya yuuvahilliiwani nave ttuuyicha m'muzi mwanyu mmo munapaallelleenyu moollikana ni mmo kuulleelleemini.

Deuteronomo 12:5

Apwiya eneerotthoolla nipuro nimodda mwiillaponi mwanyu wi ekeraatthihemo nnddina niwa nave athu attheene eneerekollapella va nipuro nenno. Wenko muneeroyaawo

Deuteronomo 14:23

Vatulli viwa muye mwakhalle va nipuro nimodda nno Apwiya Mullukwaanyu yaatthoollilliiwa. Nave ezigawo ddittheddenenndda dda tirigu, vinyo ni makhura a olivi vamodda ni dda anamwani awaamba a eziweto muchelle vamiitthoni va Apwiya Mullukwaanyu. Mweereke ddenndda wi muhuddere owoova Apwiya Mullukwaanyu enthawi ddittheddene.

Deuteronomo 16:11

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo munakhalleenyuna m'muzi mwanyu, alleto, akhwaadduni ni anaamukhwelle ayo enakhalla variyari vanyu.

Deuteronomo 26:2

arive muthu mwa nyuwaano ddoohata nnddo aneereeye addiphwanyeke akusekewo ddawaamba ni oddihiya munidenguni. Nave ayeekena o nipuro noollapellavo nno Apwiya Mullukwaanyu yatthoollilliiwa.

Deuteronomo 7:13

Eneerewuukondani ni wuudalisani ophiyera mwaatille ni waayara anamwani anchichi. Eneeroddidalisa emata ddanyu vawuuvahani tirigu, vinyo ni makhura. Eneerewuudalisanittho vawuuvahani eziweto ddinchichi. Eneerewuuvahani ddittheddenenndda mu ellapo eyo yallupenlliiwa waavaha makhollwaanyu.

1 Timoteo 2:8

Kinapaalla wi allopwana evekelleke m'mapuroni muttheene ni owelliha muddullu matta aweella moohivaanyihana apaalle moohikangana.