Eksodo 20:22 - Mawu a Mulluku

²² Nave Apwiya yaamulamula Mose wi, “Khawe waalleelle Aisraele wi, Mohoona wi mi Apwiya koollota ni nyuwaano kiri oddullu.

Eksodo 20:22 Iomraidhean Croise

Nehemiya 9:13

Mwaakitthella va mwaango wa Sinai, mullota ni alliwa ovenyera oddullu nave mwahaavaha malangizo, malamulo ni ehuddiho ddaphaama ni ddawoona.

Deuteronomo 4:33

Ethiyo ookhallavo muthu oyo akhanlleve ni okumi iiwalle mawu a Mulluku ari m'munlloni wonanko mwiiwelleenyu?

Deuteronomo 4:36

Apwiya yahaakhullella wi mwiiwe mawiiwa ovenyera oddullu wi yuuhuddiheni. Va ellapo yavattheella Apwiya yaawoonihani munllo muullupalli nave mwahiiwa ellotaka ni nyuwaano eri m'munllonimmo.

Deuteronomo 5:24

ellota wi, ‘Apwiya Mullukwaahu yaanooniha ottekweeniiwa ni ntitimiho niwa nave naawiiwa ellotaka eri m'munlloni. Sika ollello nohoona wi muthu ttuukhallave ni okumi naari Mulluku allotille ni olliye.

Deuteronomo 5:26

Ethiyo ookhallavo muthu oyo akhanlleve ni okumi vatulli vawiiwani mawu a Mulluku Ookumi ari m'munlloni wonanko namwiiwelleehu hiyaano?