Eksodo 20:20 - Mawu a Mulluku

²⁰ Vano Mose awaakhulla wi, “Muhoove vawi Mulluku oophiya wi aweeseni wi mumooveke m'murimani mwanyu navettho wi muhichimwe.”

Eksodo 20:20 Iomraidhean Croise

Genesis 20:11

Abrahamu ahaakhulla wi, “Kaganiza wi wuno tti onipuroni noohimoova Mulluku nave wi eneerokiipha wi emukuse mwaarakoolla.

Genesis 22:1

Vatulli viwa Mulluku aamweesa Abrahamu. Aamwiithana wi, “Abrahamu!” Nave Abrahamu ahaakhulla wi, “Ee Apwiya.”

Genesis 22:12

Mungelooyo aallota wi, “Ohinamwiipha mwaanooyo apaalle omweerana erive ello. Vano koodduwella wi weyaano onnamwiiwellella Mulluku vawi khokiimanne mwanawo mmoddave yooyo.”

Nehemiya 5:15

Koma enduna nnddo ddaarivo miyaano kihinakhallevo ddaanaahoosa athu vawaallivellihani yoocha, vinyo ni makobiri 40 a siliva. Naari owaarumeyelliiwa yaanaahoosattho athu. Koma miyaano ngeerille ddennddo vawi kaanamoova Mulluku.

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

Eksodo 14:13

Vano Mose aawaakhulla athwaayo wi, “Muhoove! Llipani murima nave mweerekemoona oweha mmo Apwiya enaawuuvulluselleniiwa. Vawi Aiguputo ayo munawooneenyu ollello, khamuwa muwoonattho.

Miyambo 1:7

Owoova Apwiya tti waamba wa ezeru. Ookarangeyave sika enavevulla ezeru ni malangizo.

Miyambo 16:6

Ekaamba ya wiivelleella ni ororomelleya muthu aneerokhululukelliwa machimwaaye. Ekaamba ya owoova Apwiya annarapa ddoonanara.

Miyambo 3:7

Ohinaddoonaka wonanko muthu eezeru koma owooveke Apwiya nave ohiye ddoonanara.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yesaya 41:13

Mi Apwiya Mullukwaawo kinnuuphara nnatta, kinuulleella wi, ‘Ohoopopiheye, kineerewuukavihera.’ ”

Yesaya 8:13

Koma Apwiya Amasiva Mattheene muweeseke aweella nave oophwanella owoova ni waatthukumellella

Deuteronomo 10:12

“Vano nyu Aisraele, ngiiwani nnddo Apwiya Mullukwaanyu enuulleelliiwani wi muwooveke ni weeta ettilla ddiwa ddittheddene, mwaakondeke nave mwaarumeyelleke ni murimaanyu muttheene ni okumaanyu muttheene.

Deuteronomo 13:3

nyuwaano muhiiwellelle ddennddo vawi Apwiya Mullukwaanyu enapaalla eweeseni wi yoone mwaarimi mwaakondaka ni okumaanyu muttheene.

Deuteronomo 4:10

Mwaatthopoollelleke dda nllapo nne mwiimenlleenyu vamiitthoni va Apwiya Mullukwaanyu o mwaango wa Horebu. Wenko Apwiya yaakilleella wi ‘Waatthukumanihe athu. Kinapaalla wi yiiwe nnddo kinaalloteemi wi ehuddere okoova enthawi ddittheddene dda okumiiwa va ellapo yavatthi. Vatulli viwa yaahuddihekettho aniiwa emoddamoddave yeeyo.’

Deuteronomo 6:2

Enthawi ettheene ya okumaanyu, nyu ni edduullu ddanyu, muwooveke Apwiya Mullukwaanyu nave mwiiwellelleke malamulo ni malangizwiiwa mattheene alla kinuulamuleemini wi enthawi ya okumaanyu erekame.

Deuteronomo 6:24

Nave Apwiya Mullukwaahu yaanilamula wi niiwellelleke malamulo mattheenaalla nave wi niwooveke alliwaayo wi alliwa eteteze ni odalisa mutundwaahu moollikana ni mmo eneerelliiwammu ollello.

Deuteronomo 8:16

Yahuuvahani mana muchipululuni wi muche, yoocha eyo makhollwaanyu yahiyidduwenlliiwa wi yuuyeviheni ni oweesani wi vatulli viwa yuudaliseni.

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

Yoswa 24:14

“Vano nyuwaano, mwaavahe olemu Apwiya nave mwaarumeyelleke mwawoona nave moororomelleya. Venyihani milluku nnddo makhollwaanyu yaddillapelliiwa okhopella wa mihinje wa Yufurate ni o Iguputo nave mwaarumeyelle Apwiya.

1 Samuele 12:20

Samuele ahaalleella wi, “Muhoove, ochimwa moochimwa koma muhinahiya waathwara Apwiya. Mwaarumeyelleke ni murimaanyu muttheene.