Eksodo 20:2 - Mawu a Mulluku

² “Mi tti Apwiya Mullukwaawo oyo kuukhumihalle mu okaporo o Iguputo.

Eksodo 20:2 Iomraidhean Croise

1 Mamwene 18:39

Vano athu attheene yoonille ddennddo yaamoriha ekhove ddiwa vatthi ellota mookhuwa wi, “Apwiya sika Mulluku! Apwiya sika Mulluku!”

2 Mamwene 17:12

Sika yaallapella mafano waachimwella Apwiya ayo yaalleellille khalle wi, “Muhiwa mweera ddenndda.”

2 Mamwene 17:7

Nndda ddaheereya ekaamba yawi Aisraele yahaachimwella Apwiya Mullukwiiwa ayo yaakhumihalle mu Iguputo, waavenyiha m'mattani mwa mwene Farao. Aisraelaayo yaanallapella milluku ddimodda

2 Epilli 28:5

Sika ekaambiiwa Apwiya Mullukwaaye yamuvelleelliiwa Ahazi wa mwene a o Siriya oyo amugonjihalle nave athu anchichi yaaphariwa okaporo oya o Damasiko. Aavelleelliwattho m'mattani mwa mwene a o Israele oyo amugonjihalle voomwiiphani.

Masalimo 50:7

“Nyu athwaaka ngiiwani, miyaano kineerollota, kineerovelleella omboni wawuuvaanyihani Aisraele. Mi tti Mulluku, Mullukwaanyu.

Masalimo 81:10

Mi tti Apwiya Mullukwaanyu, oyo uukhumihalleni mu ellapo ya Iguputo, atthamani, miyaano kineerewuuchihani.

Masalimo 81:11

Koma athwaaka kheyaawiiwellelle mawaaka, nave Israele aakivevulla.

Masalimo 81:7

Mwaariinyu mu ddookatamiha mwaakiithana, nave miyaano kahuuvullusani. Kaawaakhullani kiri moovittheya mu ogugudeya wa murimu, kaaweesani omaaddini a Meriba

Eksodo 13:14

Muhoollo, aniinyu yuukohani wi, ‘Ethiyo ddenndda ddinattaphullella tini?’ Vano nyuwaano muwaakhulle wi, ‘Apwiya yaanikhumiha o Iguputo, mu ellapo ya okaporo ni nnatta niwa namasiva.

Eksodo 13:3

Vano Mose ahaalleella athu wi, “Muupuwelleke nllapo nno mwakhumalleenyu o Iguputo, mu ellapo ya okaporo kaambiiwa Apwiya yahuukhumihani ni nnatta niwa namasiva. Muhiche erive ello yookhalla ni yisiti.

Eksodo 15:13

“Koma athu ayo mwawoopollilleenyu, mwahaahoollella ni echikondaanyu yoohimalla, mwahaahoollella ni masivaanyu, oya onipuroni nanyu naweella.

Eksodo 15:16

Attheenaayo ennoova wunchichi. Ekaamba ya masivaanyu muullupalli, alliwaayo eri ellapo tuu wonanko nlluku, ophiyera athwaanyu, nyu Apwiya, eviralle, athu mwawooponlleenyu wuukaporoni.

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Eksodo 20:1

Vano Mulluku aallota mawu mattheenaalla wi,

Eksodo 29:46

Eneerodduwella wi mi tti Apwiya ayo kaakhumihalle o Iguputo wi kikhalle variyari viwa. Mi tti Apwiya Mullukwiiwa.

Eksodo 6:6

Sika weyaano waalleelle Aisraele mawaaka awi, ‘Mi tti Apwiya. Nave kineerewuukhumihani mu okaporo m'mattani mwa Aiguputo nave kineerewuuvullusani o mutteko wa kalavulagaga. Nave kineerowoopollani ni nnatta naka namasiva ni ollaka wawoopiha.

Yesaya 43:3

Mi tti Apwiya Mullukwaawo, Aweella a Israele, Oovullusaawo. Kinamvelleella Iguputo voowoopollani weyaano, kinamvelleella Kushi ni Seba munipuroni mwa weyaano.

Yeremiya 16:14

Sika ekaambiiwa Apwiya enallotiiwa wi, “Mallapo enimawa mvo athu khellupellakattho wi, ‘Vamiitthoni va Apwiya Ookumi ayo yaakhumihalle Aisraele o ellapo ya Iguputo.’

Yeremiya 2:6

Kheyaapwathille dda mi Apwiya naari kaakhumihalle o Iguputo ni waahoollella mu echipululu, mu ellapo yawumma ni yookateyakateya, mu ellapo yeettalla ni yeepiphi yinchichi, mu ellapo yoohivireya ni muthu, nko ohinakhalla muthu.

Yeremiya 31:1

Apwiya enallota wi, “Va enthawi yeeyo kineerokhalla Mulluku a mabanja mattheene a Israele nave alliwa eneerokhalla athwaaka.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Yeremiya 34:13

allalleye wa athu mawu a Apwiya awi, “Kaakeraatthiha echipangano ni makhollwaanyu va nllapo nne kaakhumihalleemi o ellapo ya Iguputo o enyumba yookaporo.

Ezekiele 20:19

Kaallota wi, ‘Mi tti Apwiya Mullukwaanyu, muthwareke malamulwaaka ni wiiwellella malangizwaaka.

Ezekiele 20:5

Vatulli viwa waalleelle mawaaka awi, ‘Va nllapo nno kuutthoollilleemi we Israele, kaallupella wa edduullu dda Yakobo nave kaadduupullulla wa alliwa o Iguputo. Kaallupella kaalleella wi, “Mi tti Apwiya Mullukwaanyu.” ’

Ezekiele 20:7

Kahaalleella attheene wi, ‘Arive muthu atathille ddoonanara ddaye ddittheddene nnddo ddamuhakallalliha nave ahiiripihe ni mafano a o Iguputo, Mi tti Apwiya Mullukwaanyu.’

Hoseya 12:10

Kaallota ni anamallotella. Tti miyaano kawoonihelle masomphenya manchichi. Kaallota m'maphwanaphwaniho oweella mwa alliwa.

Hoseya 13:4

Apwiya enallota wi, ‘Miyaano kookhalla Apwiya Mullukwaanyu ovenyera enthawi elle kuukhumihalleemini mu ellapo ya Iguputo nave khemwaaphwanenlle omudduwella mulluku mmodda koma meeneve nave oovullusaanyu tti meeneve.

Levitiko 11:45

Vawi mi tti Apwiya oyo yuukhumihalleni mu ellapo ya Iguputo wi kikhalle Mullukwaanyu. Vano mukhalle aweella vawi mi tti aweella.”

Levitiko 19:36

Milingo ddanyu ddittheddene ddikhalleke ddoolungama. Mi tti Apwiya Mullukwaanyu oyo uukhumihalleni mu ellapo ya Iguputo.

Levitiko 23:43

wi edduullu ddanyu ddidduwelle wi tti miyaano kaweerihalle Aisraele wi ekhalle m'misasani, kaakhumihalleemi mu ellapo ya Iguputo. Mi tti Apwiya Mullukwaanyu.”

Levitiko 25:38

Vawi mi tti Apwiya Mullukwaanyu oyo uukhumihalleni mu ellapo ya Iguputo wi kiwinnyeni ellapo ya Kanani wi kikhalle Mullukwaanyu.”

Levitiko 25:42

Aisraele tti oorumeyellaaka ayo kaakhumihalleemi mu ellapo ya Iguputo, sika ehikullihiwe wonanko akaporo.

Levitiko 25:55

Vawi wa miyaano Aisraele tti oorumeyellaaka ayo kaakhumihalleemi mu ellapo ya Iguputo. Mi tti Apwiya Mullukwaanyu.”

Levitiko 26:1

“Muhiniipangella mafano, muhiimese ddoophwanaphwaniha ddoosema, malluku awuupuwelliha apaalle apoto amalluku oosema moophwanaphwanihella mu ellapwaanyu wi muddillapelleke. Mi tti Apwiya Mullukwaanyu.

Levitiko 26:13

Mi tti Apwiya Mullukwaanyu oyo uukhumihalleni mu ellapo ya Iguputo wi muhikhalle akaporwiiwa. Koopwesa nigoli* nanyu wi mweeteke mwawookowa.”

Amosi 2:10

Kahuukhumihani mu Iguputo, kahuuhoollellani mu echipululu miyakha 40, kahuuvahani ellapo ya Aamori wi ekhalle yoohallanaanyu.

Aroma 10:12

Nndda tti dda arive muthu kaambiiwa khuwaavo ohiyana variyari va Ayuda ni athu ayo ehiri Ayuda vawi attheene eri ni Apwiya amodda a athu attheene nave annaadalisa wunchichi attheene enamwiithana olliyooyo.

Aroma 3:29

Ethiyo Mulluku tti a Ayudave? Ethiyo kahiyottho Mulluku a athu ayo ehiri Ayuda? Ddawoona, tti Mullukuttho a athu ayo ehiri Ayuda.

Deuteronomo 13:10

Mumwiiphe ni malluku ekaamba yawi olliye apaalla wuuhollosani wi muhiyane ni Apwiya Mullukwaanyu ayo yuukhumihalleni o Iguputo ni owoopollani o ellapo ya okaporo.

Deuteronomo 15:15

Muupuwelleke wi nyuwaano mwaari akaporo o Iguputo nave Apwiya Mullukwaanyu yaawoopollani. Ella sika ekaambiiwa kinawinnyeemini lamulo nenna ollellova.

Deuteronomo 20:1

“Mwaya woowana ekhoto ni adanaanyu nave moona wi magaretiiwa, akavalwiiwa ni akhotwiiwa tti anchichi wuukhwaranyani nyuwaano, muhiwoove. Apwiya Mullukwaanyu ayo yuuvullusalleni o Iguputo eneerokhalla ni nyuwaano.

Deuteronomo 5:15

Nave wuupuwelleke wi waari kaporo o Iguputo ni wi Apwiya Mullukwaawo yahuukhumihawo ni muwono wa masiva muullupalli. Ella sika ekaambiiwa Apwiya Mullukwaawo yuulamulelliiwa wi osungeke nllapo na Sabata.

Deuteronomo 5:6

Mi tti Apwiya Mullukwaawo oyo kuukhumihalle mu okaporo o Iguputo.

Deuteronomo 7:8

Koma tti ekaamba yawi Apwiya yahuukondani nave ennasunga lonjezo yallupenlliiwa ni makhollwaanyu. Sika yaawoopollani ni masiviiwa muullupalli vawuukhumihani mu okaporo wa Farao, mwene a o Iguputo.

Oweeruza 2:1

Mungelo a Apwiya aaya o Bokimu ovenyera o Giligala. Nave ahaalleella Aisraele wi, “Kahuukhumihani mu ellapo ya Iguputo ni wuuvollochihani mu ellapo eyo kallupenlleemi wi kineerewaavaha makhollwaanyu. Kaallota wi, ‘Ngiwa kitathilla echipanganwaaka ni nyuwaano.

Oweeruza 6:10

Kahuulleellani wi mi tti Apwiya Mullukwaanyu, muhinallapella milluku dda Aamori ayo munakhalleenyu mwiillaponi mwiwa koma khamwaapwathille mawaaka.’ ”