Eksodo 20:18 - Mawu a Mulluku

¹⁸ Athu attheene yaaniiwa ogugudeya wa murimu ni winlla wa nipallapata, nngu yoonaka ettari ni mwiisi vamwaangonimvo nave yaanoova enatthukumella, yiimellille voorekamella

Eksodo 20:18 Iomraidhean Croise

Genesis 15:17

Nndduwa nivollowille wene, epiphi yaambaka, moorurumusa vahooneya embawula yoothuwa mwiisi ni mutthiko wookhara nave ddeko piillinndda ddaavira variyari va enama ddoophaddiwanndde.

Genesis 3:10

Mullopwanooyo ahaakhulla wi, “Kaawiiwani m'matanimmu koma kaamoova, sika kahiipittha ekaamba yawi kiri epwillimwinddive.”

Masalimo 81:7

Mwaariinyu mu ddookatamiha mwaakiithana, nave miyaano kahuuvullusani. Kaawaakhullani kiri moovittheya mu ogugudeya wa murimu, kaaweesani omaaddini a Meriba

Yeremiya 23:23

Apwiya enallota wi, “Ethiyo kiri Mulluku a vakhuviru ohiri Mulluku a voorekamella?

Deuteronomo 18:16

“Va nllapo nne mwatthukumanilleenyu va mwaango wa Horebu, mwaaveka wi muhiwiiwettho Apwiya Mullukwaahu ellotaka naari woonattho munllo wawoopiha woova wi muneerokhwa.

Deuteronomo 4:36

Apwiya yahaakhullella wi mwiiwe mawiiwa ovenyera oddullu wi yuuhuddiheni. Va ellapo yavattheella Apwiya yaawoonihani munllo muullupalli nave mwahiiwa ellotaka ni nyuwaano eri m'munllonimmo.

Deuteronomo 5:23

“Nave mwiiwalleenyu mawu oovenyera mwiipiphini mwaango muttheene okharaka munllo, oohoollellaanyu ni attekweene a mallokwiiwa yaawa wa miyaano

Deuteronomo 5:25

Koma ethiyo nikhwelle tini wuno? Munllo wawoopihoolla oneeronoononga! Nineerokhwa nawiiwa Apwiya Mullukwaahu evirellellaka ollota ni hiyaano.

Deuteronomo 5:27

Nyuwaano Mose sika munaatamellewo wi mwiiwe ddittheddene nnddo Apwiya Mullukwaahu enaallotiiwa. Vatulli viwa muwe wi munilleelle attheenehi nnddo enaawuulleelleniiwa nave hiyaano nineerewiiwa ni weera.’

Deuteronomo 5:5

Enthawi yeelle miyaano kahiimella variyari va nyuwaano ni Apwiya kinuulleellani mawu a Apwiya kaambiiwa nyuwaano moova munllo nave khemwaawenlle vamwaangoni.” “Apwiya yaallota wi,