Eksodo 20:17 - Mawu a Mulluku

¹⁷ “Ohisilile enyumba ya mukhwaawo. Ohimusilile mwaara a mukhwaawo, mullupa muttekwaaye aamullopwana, mullupa muttekwaaye aamutthiyana, eng'ombaaye, bulwaaye apaalle erive ello ya mukhwaawo.”

Eksodo 20:17 Iomraidhean Croise

Genesis 14:23

wi ngiwa kikusa olusi naari mukwe wa esapato, sika wi ohaambeelle ollota wi, ‘Tti mi kaamuvahille eyuuma Abramu.’

Genesis 3:6

Vano mutthiyanooyo oonilleeye wi muteekhooyo waari wooreera, ezipasonnddo ddaari ddoophwanella oddiva voochani nave wi ezipasonnddo ttuumweeriha wi akhalle eezeru, sika aarukullawo ezipaso dda muteekhooyo nave aacha. Vano ddimodda aaya amuvaha mamune nave olliyettho aacha.

Genesis 34:23

Ethiyo nndda kheddinattaphullella wi eziweto ddiwa ni katundwiiwa ddinaakhalle ddaahu? Sika vano hankoni naakhullelle wi ekhalleke variyari vahu.”

Yobu 31:1

Kaakeraatthiha echipangano ni miitthwaaka, ngiwa kimuweha namwalli moomusilila.

Yobu 31:9

Murimaaka wakuseya ni mutthiyana, kiipittha otiyerella va mullako va mukhwaaka,

Masalimo 10:3

Muthu oonanara anniitukhulla ni ddoopaalla ddaye, oottutthuwa ennaatembelela ni waakhoota Apwiya.

Masalimo 119:36

Keeriheni wi kikondeke malamulwaanyu, woohikhalla eyuuma.

Miyambo 4:23

Wehera murimaawo okhwaranya ddittheddene oriiwena vawi okumaawo okonne mwemmo.

Miyambo 6:29

Sika tti emoddamoddave yeeyo wa mullopwana oyo anakona ni mwaara a mukhwaaye. Khaavo muthu ahinaallakiwe amuttannyille mwaara a mukhwaaye.

Oollalleya 4:8

Vaakhalla muthu mmodda oyo aari yeekhaaye, oohikhalla ni mwaana apaalle mwanamunne. Mitteko ddaye kheddaamalla nave miitthwaaye kheyaakwakhwanihiwa ni eyuumaaye, khiikoha naari vang'ono wi, “Ethiyo mutteko kinaphareemoolla apaalle oddiimmana ddoohakallallihanngu kinamweerella aani?” Ddenndda khaddinna mutteko navettho tti ddoohihakallalliha.

Yesaya 33:15

Anaawore weera ddennddo tti yooyove aneera ddoolungama ni ollota ddawoona, oyo ananariwa ni eyuuma yoophwanya mwawoottottha, oyo anattattha mattaaye wi ahaakhelle ddamukaphwani, oyo anatiyella maarwaaye wi ahiiwe mawu awiiwanana ddoowiipha amodda navettho oyo anaminyalla wi ahoone ddoonanara.

Yesaya 57:17

Kaasha murima ekaamba ya osilila wiwa woonanara nave kahaallaka ni waareya etulli komave yaavirellella ohiiwellella ni wummiha murima ni othwara ettilla ddiwa.

Yeremiya 22:17

Koma maganizwaawo ni murimaawo ddiri va mphuro wawoottha, va ddoowiipha oohichimwa ddeekuku ni waahoosa athu.

Yeremiya 5:8

Arive muthu anamuthamakella mwaara a mukhwaaye wonanko akavalo oovona ni oovihesesa mwiilli.

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Mika 2:2

Ennaakha emata enaddisililiiwa nave ennaakhattho enyumba enaddikhumbiiwa. Ennamukatamiha muthu ni nibanja naye ni owaakha yoohallaniiwa.

Habakuku 2:9

Otulli wa oyo ari ni eyuuma yoovenyera mu yoophura yoophwanyeya moohilungama, annayikusella o enyumbaaye yavaddullu vooganizani wi ookhalla ni murendelle.

Mateyu 20:15

Khonaakhullelliwa wa miyaano weera yeeyo kinapaalleemi ni makobiraaka? Apaalle onakikhallella ehache kaambiiwa miyaano kiri aphaama?’ ”

Mateyu 5:28

Koma miyaano kinuulleellani wi, arive muthu anamuweha mutthiyana navettho anamupaalla, ooraruwana khalle m'murimani mwaye.

Luka 12:15

Nave aallota wi, “Chenjerani, muhikhalle a nrima vawi okumi wa muthu khonallikana ni waata wa ddeko ariiyena naari arina eyuuma yinchichi.”

Luka 16:14

Afarisi* yiiwalliiwa ddenndda, yaanyindulla eyano ddiwa wa Yesu vawi alliwaayo yaari ookonda makobiri.

Mitteko 20:33

Ngaapanlle makobiri apaalle ddoowara dda arive muthu.

Mitteko 5:4

Ohinakullihe emateeyo yaari yaawo nave oyikullihalle makobiraayo yaari aawo. Kaambiiwa tini, waganizalleewe weera ello yeella? Khowoottotthille athu koma omoottotthille Mulluku!”

Aroma 13:9

Malamulo awi, “Ohiraruwe, ohiiphe, ohiiye, ohisilile” malamulo yaalla ni malamulo mamodda manchichi enahuruwelliwa mu lamulo nimodda nawi, “Waakondeke akhwaawo wonanko mmo oniikondelleewe weekha.”

Aroma 7:7

Vano ninaallote tini? Ethiyo ninaallote wi malamulo tti machimo? Khe ddiiddo! Koma malamulo yaariki ehikhallewo, ngaadduwelle machimo. Nave ngaadduwelle osilila malamulo yaariki ehillote wi, “Ohisilile.”

1 Akorinto 6:10

apaalle allupaawiiya apaalle anrima apaalle oolezela apaalle oolalata, khaavo a yaalla anaawaakhelle omwene wa Mulluku.

Aefeso 5:3

Vawi nyuwaano tti athu a Mulluku, khe waphaama wi oraruwa apaalle yooripiha apaalle nrima ddillotiweke variyari vanyu.

Aefeso 5:5

Vawi mudduwelle wi khaavo muthu ooraruwa, aweera yooripiha apaalle anrima (vawi nrima niri wonanko ollapella mafano) anaakhellena omwene wa Khrisitu ni wa Mulluku.

Deuteronomo 5:21

“Ohimusilile mwaara a mukhwaawo. Ohisilile enyumbaaye, emataaye, mullupa muttekwaaye aamullopwana, mullupa muttekwaaye aamutthiyana, eng'ombaaye, bulwaaye apaalle erive ello ya mukhwaawo.

Deuteronomo 7:25

Mwaashellellihe mafanwiiwa mattheene nave muhimusilile siliva apaalle golide oyo yamupangenlliiwa mafanwaayo. Muhiwe muddikusa ddenndda wi muhiphariwe m'musamphani vawi ddinnaananara Apwiya Mullukwaanyu.

Afilipi 3:19

Yaalla eneeromallihella mu gehena kaambiiwa tti anrima nave mullukwiiwa tti erukullu ddiwa. Enakotella nnddo yaphwanenlliiwa wi ewulliwekena muru nave enaganiza dda ddeko dda va ellapo yavatthive.

Akolose 3:5

Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

Yoswa 7:21

Variyari va eyuumeelle, kahoonavo mukanjo wooreera wa o Babiloni ni makilogaramu meelli a siliva navettho mwitthi wa golide woollemella hafu kilogaramu. Ddittheddenenndda kaaddipaalla wunchichi nave kaaddaakha. Muneeroddiphwanya variyari va musasaaka mvo kiddivitthalleemi. Muneeromuphwanya siliva vatthi va ddeko ddimoddannddo.”

1 Samuele 12:3

Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

1 Samuele 15:19

Kaambiiwa tini muhiiwellelleenyu mawu a Apwiya? Kaambiiwa tini mwathamakenlleenyu ddawaakha okhotoni ni weera ddoonanara vamiitthoni va Apwiya?”