Eksodo 2:25 - Mawu a Mulluku

²⁵ Sika Mulluku aawoona Aisraelaayo nave aamoriwa ethakaraka.

Eksodo 2:25 Iomraidhean Croise

2 Samuele 16:12

Apaalle Apwiya eneerewoona ddookatamiha ddaka nave eneerokihokollosella ddaphaama ekaamba ya oruwaniwanngu.”

Yobu 33:27

Vano muthooyo aneerewiipa wa amodda wi, Kaachimwa, ngeenre ddoolungama koma ngaahokolloselliwe moollikana ni mitteko ddaka.

Masalimo 1:6

Apwiya ennapwatha meetello a athu oolungama koma ettilla ya athu oochimwa eneerewoonongeya.

Masalimo 10:14

Komathi nyuwaano munnamoona, munnadduwella ddookatamiha ni ddoohoosa nave munneeravo ello. Oopaalla okaviheriwa enniivelleella wa nyuwaano, alliwattho akhwaadduni munnaakavihera.

Masalimo 31:8

Khamukihiyalle m'mattani mwa adanaaka, koma mookihiya va nipuro namurendelle.

Masalimo 55:22

Areye Apwiya ddookhupanya ddawo, alliwa eneerewuuseera, kheyaakhullella wi oolungamiiwa atikheye.

Eksodo 1:8

Vatulli viwa o Iguputo waavollochihiwa mwene mmodda oyo ahimudduwellille Yosefe.

Eksodo 18:8

Nave Mose aamutthopoollella ddittheddene nndde Apwiya yamweerelliiwa Farao ni Aiguputo ekaamba ya Aisraelaayo. Aamutthopoollellattho dda ddookatamiha nnddo yakumananiiwana muttilla ni ddittheddene nnddo Apwiya yeerilliiwa wi yaavulluse.

Eksodo 3:9

Miyaano kohiiwa okhuwa wa Aisraele nave kohoonesesa ddoohoosa nnddo Aiguputo enaweerelliiwa.

Eksodo 4:31

Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

Mateyu 7:23

Vano kineerewaalleella wi, ‘Nguudduwenlleni naari vang'ono. Mukivenyerevo, nyu athu aweera ddoonanara!’

Luka 1:25

Aallota wi, “Omamallihello wiwa Apwiya aakeerella echifundo, aakivenyihella owulliwa muru waka variyari va athu.”

Mitteko 7:34

Kohoona ohoosiwa wa athwaaka o Iguputo. Kohiiwa okhuwa wiwa nave kookittha wi kaavulluse. Vano waawo, kuurume o Iguputo.’

Deuteronomo 26:7

Vaavo hiyaano nahinllella wa Apwiya Mulluku a makhollwaahu wi enikavihere. Alliwa yaaniiwa nave yahoona ohoowa wahu, mutteko wootopiha oyo Aiguputwaalle yanipharihiiwa navettho okumaahu woopaneyooyo.

1 Samuele 1:11

Hana aallupella wi, “Apwiya Amasiva Mattheene, miyaano kiri mullupa muttekwaanyu, moone ohoowa waka nave mukaakhullelle ovekella waka, kinallota ddawoona wi mwakivaha mwaana aamullopwana kineeromuvelleella wa nyuwaano, Apwiya, mallapo mattheene a okumaaye nave ngimuchema.”