Eksodo 2:23 - Mawu a Mulluku

²³ Viviralle enthawi yoorekama wunchichi mwene a o Iguputoolle aakhwa. Nave Aisraelaalle yaavirellella winlla ekaamba ya okaporwiiwoolle nave yaakhuwa wi ekaviheriwe, sika okhuwa wiwa wahiiweya wa Mulluku.

Eksodo 2:23 Iomraidhean Croise

Genesis 16:11

Vano oneerokhalla ni mwaana aamullopwana nave onaamuvahe nnddina nawi Ishmaele vawi Apwiya ahiiwa winlla wawo va ddookatamiha ddawo.

Genesis 4:10

Apwiya yaamukohattho wi, “Ethiyo weerille tini? Nikhame na mung'onong'onwaawo ninnakinllella miyaano ovenyera muthayani.

Nehemiya 9:9

Mwahoona ohoosiwa wa makhollwaahu o Iguputo, mwahiiwa winlla wiwa va Enyanja Yoofiira.

Yobu 35:9

Athu eniminlla ekaamba ya waata wa ddoohoosa, enaveka nikavihero ekaamba ya opaniwa ni athu amasiva.

Masalimo 102:1

Nyu Apwiya, iwani nivekello naka, winlla waka ophiye wa nyuwaano.

Masalimo 102:2

Muhikiipitthihelle ekhovaanyu va nllapo na ddookatamiha ddaka. Kaapelleni maaru wi mwiiwe, mukaakhulle mwawaakuva kaawiithanakani.

Masalimo 12:5

Ekaamba yawi oohoowa ahaakhiwa ddayiwa, oorama ddeko ennakhupanya, Apwiya enallota wi, “Vano kineerohiyavo nnatta naka, kineerewaavullusa mmo enapaallelliiwa.”

Masalimo 18:6

Kaawiithana Apwiya mu ddoohoosa ddaka, kaakhuwella wa Mullukwaaka wi akikavihere. Mu enyumbaaye ahiiwa mawaaka, winlla waka waaphiya wa olliye.

Eksodo 1:14

Okumi wa Aisraele waari wookatamiha ekaamba ya mutteko woovoreya wawoopa enjerwa navettho mitteko ddoohiyanahiyana dda m'matani. Yaanaawatihera mwa ekuku ophara mitteko ddittheddene ddootopiha.

Eksodo 4:19

Apwiya yaamulleella Mose aariiye o Midiyani wulle wi, “Vano hokollweella o Iguputo vawi athu attheene yapaalla owiiphaalle yaakhwa.”

Eksodo 6:5

Vano kohiiwa okhuwa wa Aisraele, ayo eri wuukaporoni m'mattani mwa Aiguputo nave kohuupuwella echipanganwaaka.

Eksodo 6:9

Mose ahaalleella ddenndda Aisraele koma alliwa kheyaamwiiwellelle kaambiiwa alliwa yaari etathillalle murima khalle vookhallani mu okaporwiiwa wa ekuku yawi ddiidda.

Eksodo 7:7

Enthawi yeeyo yallotiiwa ni Farao, Mose aari ni miyakha 80 nave Aroni aari ni miyakha 83.

Yesaya 19:20

Nndda ddinaakhalle omboni wooniha wi Apwiya Amasiva Mattheene yookhallamo mu ellapo ya Iguputo. Nave Aiguputo voowinllellani wa Apwiya va ddoohoosa ddiwa, alliwa eneeromurumiha oovullusa wi awaakihe ni waavullusa.

Yesaya 5:7

Israele sika emata yampesa ya Apwiya Amasiva Mattheene Yuda sika mpesaaye woohakallalliha. Apwiya yaatiyerella ddaphaama koma yoonille wiiphanana. Alliwa yaatiyerella echilungamo koma yiiwalle winlla wa oohoosiwa.”

Numeri 20:16

Nikhuwenlle wa Apwiya yaaniiwa, emurumiha mungelo oyo anikhumihalle mu ellapo ya Iguputo. Vano niri wuno o Kadeshi, muzinda oyo ori m'malireni ni echigawaanyu.

Mitteko 7:30

“Viviralle miyakha 40 mungelo ahooneyella wa Mose m'munlloni wookhara vamakukhuni muchipululuni vakhuviru ni mwaango wa Sinai.

Deuteronomo 24:15

Mumullivelleke nirive nllapo, nndduwa nihinavollowe mallivello a nllapo nenno. Makobiraayo annaapaalla wunchichi nave anaroromella vaavo sika wi mwaahimullivella aneerowinllellani wa Apwiya nave muneerohumullulliwa wi muri oochimwa.

Yakobo 5:4

Allupa mutteko oohata m'matani mwanyu khamunaallivella. Mwiiwe okhuwa wiwa! Okhuwa wa oohataayo wohiiweya ni Mulluku, Apwiya Amasiva Mattheene.

Oweeruza 4:3

Vano Aisraele yahinllella wa Apwiya wi aakavihere vawi Sisera aakhalla ni magareta a mikoko 900 nave ahaahoosa mweekuku Aisraele wa miyakha 20.

1 Samuele 12:8

Yakobo ni nibanja naye yayiilliiwa o Iguputo, Aiguputwaayo enaallaka, makhollwaanyu yaavekella wa Apwiya. Nave Apwiya yahaaruma Mose ni Aroni wi yaakhumihe o Iguputo ni oweeriha wi ekeraattheye o nipuro nenna.

1 Samuele 9:16

“Osiisello enthawi wonanko yeella kinneerewuurumihella muthu ovenyera o nlloko na Benjamini, omuzoze ni makhura a olivi vamuru vaye wooniha wi anaakhalle mwene aathwaaka, Aisraele. Aneerewaavullusa athu wa Afilisti. Kohoona ollakiwa wiwa nave kohiiwa winlla wiwa.”