Eksodo 2:16 - Mawu a Mulluku

¹⁶ Nave anamwani aatthiyana atthanu ni eelli a Yetero, mullupa mukutho a o Midiyaninko yaawa wi erike maaddi wi yaddallihe mubwatoni oowiryellamo eziweto dda attiitthiiwa.

Eksodo 2:16 Iomraidhean Croise

Genesis 14:18

Nave Melkizedeki,* mwene a o Salemu, mullupa mukutho a Mulluku Amasiva Mattheene, aawa wa Abramu amukusalle buledi ni vinyo.

Genesis 24:11

Aphiyalle aaddikokhoriha vatthi ekamirannddo vakhuviru ni ehime, otte wa muzinda. Ddawoona waari misikuwa enthawi yooya atthiyana woorika maaddi.

Genesis 24:13

Kiri veehimenimva nave atthiyana a m'muzindanimmu enimawa wi erike maaddi.

Genesis 29:2

Aphiyallewo ahoona ehime obusani navettho milloko miraru dda enkhosa ddikonaatthille vakhwipi va ehimeeyo. Enkhosannddo ddawirihiwa veehimeni yeella eyo vaddullu viwa vakhuneelliwe ni nlluku nuullupalli.

Genesis 41:45

Nave Farao aamuvaha nnddina Yosefoolle nawi Zafenati Panea. Nave aamuvaha mutthiyana nnddina naye Asenati, mwaana a Potifera oyo aari mullupa mukutho a o muzinda wa Oni. Sika Yosefe aheetella ellapo ettheene ya Iguputo.

Eksodo 18:1

Yetero, mullupa mukutho o Midiyani, attiitthinnya a mwaariye a Mose, ahiiwa ddittheddene nndde Mulluku amweerelleeye Mose navettho Aisraele, aweerihalleeye wi ekhume o Iguputo.

Eksodo 18:12

Sika Yetero aaheraatthi wa Mulluku mukutho wooshellelliha ni mikutho ddimoddattho. Nave Aroni ni oohoollella a Aisraele yaawa wi eche ni Yetero vamiitthoni va Mulluku.

Eksodo 3:1

Mose achiha eziweto dda Yetero, mullupa mukutho o Midiyani, attiitthinnya a Zipora, mwaariye. Nllapo nimodda aakusa eziwetonnddo oweella muchipululuni, aya aphiya o Horebu, mwaango wa Mulluku.

1 Samuele 9:11

Yawelliiwa mwaango oya omuzindaninko yaakumana ni anamwalli evenyeraka m'muzindanimmo, eyaaka woorika maaddi nave yahaakoha wi, “Ethiyo oollohella ari wenko?”