Eksodo 2:14 - Mawu a Mulluku

¹⁴ Olliyoolle aamukoha Mose wi, “Ethiyo ttaani aweerille wi okhalle muullupallaahu nave aweeruzaahu? Ethiyo onapaalla okiiphe wonanko wamwiiphelleewe Muiguputoolle?” Vano Mose ahoova wunchichi nave aaganiza wi, “Haa, athu ennadduwella keerilleeminndde!”

Eksodo 2:14 Iomraidhean Croise

Genesis 13:8

Sika Abramu aamulleella Loti wi, “Hiyaano niri voobaleni, sika vihikhalle okangana variyari va weyaano ni miyaano, emoddamoddave yeeyo variyari va abusaawo ni abusaaka.

Genesis 19:9

Koma alliwaayo yaallota wi, “Onivenyerevo mullupa oovirawe! Weyaano ttaani wi onilleelle yaweera? Vano ttuuwora wuuhoosa wunchichi okhwaranya alliwaayo.” Sika yaamukakha Lotooyo nave yahanlle vang'ono wi yinttake nchiwi.

Genesis 34:27

Simeoni ni Levi ewiiphalle allopwana attheene a m'muzindani mulle, anamwani amodda a Yakobo yaaphiya va awiiphiwaalle nave yahaakha ddittheddene dda m'muzindammo, ekaamba yawi yaamupharella murokoriwa.

Miyambo 19:12

Osha murima wa mwene tti wonanko othuruma wa mukango koma oreera murima waye tti wonanko nikame vamanasini.

Miyambo 29:25

Omoova muthu tti wonanko wiireya musampha koma oyo anaaroromella Apwiya aneerovulluwa.

Numeri 16:13

Ethiyo ddohuuyevellani ddawi mwaanikhumiha mu ellapo yoohirama ddoocha wi nikhwelle muchipululunimmu? Ethiyo munapaalla wi mukhallettho mwenaahu oonilamulella?

Numeri 16:3

Attheenaayo yaatthukumana vamodda nave yaamuwukila Mose ni Aroni, yaalleella wi, “Nyu mohoonjera! Athu attheene tti aweella, arive muthu m'mullokonimmu tti a Apwiya nave Apwiya eri variyari vahu. Kaambiiwa tini munaddeeseenyu oomukhwaranya arive muthu va mutthukumano wa Apwiya?”

Mateyu 21:23

Yesu aahokollweella mu enyumba ya Mulluku nave ahuddiheeye allupa mukutho uullupalli ni attekweene yaamuweella emukoha wi, “Muneera ddenndda ni olamulello woovenyera wuuwi? Uuvahilleni olamulello yoolla ttaani?”

Luka 12:14

Koma Yesu aamwaakhulla wi, “Muthuwe, akivahille mutteko wookamulla millatu ddanyu ttaani apaalle wi kuukawelleni eyuuma yoohiyiwa?”

Luka 19:14

Vano athu oowaniwaalle yaanamwiita nave atimullalleeye athwaayo yaamuruma oorumiwa wi allote wi, ‘Hiyaano khaninapaalla wi muthu yoolla akhalle mwenaahu.’

Luka 19:27

Vano wa adanaaka ayo yahipaalla wi kikhalle mweniiwa, akuseni muweena wuno nave muwiiphe kiwoonaka!’ ”

Mitteko 7:35

“Mose tti olle akhootiwe ni Israele emukohaka wi, ‘Ttaani aweerille wi okhalle muullupallaahu nave aweeruzaahu?’ Tti oyottho Mulluku amurumalleeye mungelo amoneyella vamakukhuni ookhara munllo wi akhalle muullupalliiwa nave wi awoopolle.

Aheberi 11:27

Ekaamba ya echikhulupililo, Mose aakhumawo o Iguputo moohoova oowalli wa Farao vawi aanavillella wonanko muthu oomoona Mulluku oohooneyoolla.