Eksodo 2:11 - Mawu a Mulluku

¹¹ Nllapo nimodda Mose unnuwalle, aaya wa athu a mutundwaayaalle nave ahoona yaapharihelliiwa mutteko mwa ekuku. Aamoona Muiguputo mmodda amuukuthaka Muheberi, mmodda mwa athu a mutundwaaye.

Eksodo 2:11 Iomraidhean Croise

Eksodo 1:11

Nave yahaahiyavo uullupalli a thangata owaaphariha mutteko Aisraelaayo mwa ekuku. Aisraele yaamumakella Faraooyo mizinda dda Pitomu ni Ramsesi, nko wasungiwa ddoocha.

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Eksodo 5:14

Alliwaayo yaanawuukuthattho akapitawo a Aisraele ayo yaakeraatthihalliiwa wi ekhalle oowehera mutteko yaakoha wi, “Kaambiiwa tini ollello athwaanyu ehoopilliiwa echiwerengero ya enjerwa wonanko yeerelliiwa khalle?”

Eksodo 5:4

Koma mwene a o Iguputoolle aamukoha Mose ni Aroni wi, “Kaambiiwa tini nyuwaano munaahiiheenyu muttekwiiwa Aisraele? Venyanivoni mva! Nave hokollweellani omuttekoni wanyu.”

Eksodo 5:5

Nave aavirellella waalleella wi, “Athu yaalla ennavirellella waata waakhwaranya Aiguputo. Ethiyo kaambiiwa tini munapaalleenyu waahiiha ophara muttekwiiwa?”

Eksodo 5:9

Athu yaalla mwaapharihe mutteko wa kalavulagaga wi yaatelliweke ni mutteko munipuroni mwawiiwellella ddawoottha.”

Eksodo 6:6

Sika weyaano waalleelle Aisraele mawaaka awi, ‘Mi tti Apwiya. Nave kineerewuukhumihani mu okaporo m'mattani mwa Aiguputo nave kineerewuuvullusani o mutteko wa kalavulagaga. Nave kineerowoopollani ni nnatta naka namasiva ni ollaka wawoopiha.

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Yesaya 58:6

“Ohalla ocha nko kinapaalleemi tti wawi muttaphulle onyolo woohoosella, muttaphullettho mikwe dda nigoli,* mwaattaphulle oopaneya nave mwinttake nirive nigoli.

Mateyu 11:28

“Waani wa miyaano attheenenyu ootopa ni oollemelliwa m'murimani mwanyu, miyaano kineerowiithuuwihani.

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,