Eksodo 19:24 - Mawu a Mulluku

²⁴ Vano Apwiya yaamulleella Mosooyo wi, “Kittha nave wamukuse Aroni oweena wuno. Koma allupa mukutho ni athwaayo ehikhwaranye maliraayo, owa wa miyaano wuno, woova wi kinaallake.”

Eksodo 19:24 Iomraidhean Croise

1 Epilli 13:9

Vano ephiyalle onipuroni woomuuputhellawo tirigu o Kidoni, Uza aatukhulla nnatta naye wi aphare nibokosinne vawi eng'ombe ddamagareta ddaakwakwatuwa.

Eksodo 19:12

Waalembelelle malire athwaayo mwawaapheella mwaangooyo nave waalleelle wi, ‘Muchenjere, muhiwelle mwaango apaalle ottannya museresere mwiwa. Arive muthu anaattannyooyo aneerewiiphiwa.

Eksodo 19:25

Vano Mose aakittha aya wa athu wulle aalleella ddennddo.

Eksodo 24:1

Apwiya yaamulleella Mose wi, “Ngawa wa miyaano omwaangoni wuno ni Aroni, Nadabu, Abihu navettho oohoollella 70 a Aisraele. Vano mukillapelleke miyaano muri voorekamella.

Eksodo 24:9

Sika Mose, Aroni, Nadabu ni Abihu navettho oohoollella 70 a Aisraele yaawella mwaango

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Mateyu 11:12

Waambeella enthawi eyo Yohane allalleyeeye ophiyera ollello omwene wa Mulluku wookhalla owukiliwaka nave athu oowukilaayo enneeseesa wi yaakhe omwenooyo.

Luka 13:24

“Mullipihelle ovollowella va mullako mung'onong'ono kaambiiwa, kinimuulleellanithi wi athu anchichi eneereweesa ovollowellavo koma khewora.

Luka 16:16

“Malamulo a Mose ni ehuddiho ya anamallotella ddaanapharihiwa mutteko ophiyera enthawi ya Yohane Oobatiza. Ovenyera vaavo othenga waphaama wa omwene wa Mulluku onnallalleyiwa nave athu attheene ennawatiheriwa wi evollowemo.

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Aroma 4:15

Vawi malamulo ennamweeriha Mulluku waashella murima athu koma vaahikhalla malamulo khavinakhalla ohiiwellella wa malamulo.

Agalatiya 3:19

Vano yoolinga ya malamulo tti tini? Yahaanjereriwa wi yoonihe machimo nave yaaphwanella wi ekhallevove ophiyera owa wa edduullu ya Abrahamu, oyo eerelliwe lonjezonno. Malamulo yavelleelliwe wa Mose oweella mwa angelo. Nave Mosooyo aari wonanko namunkhoswe.

Agalatiya 3:22

Koma mawu a Mulluku enallota wi ellapo yavatthi ettheene eri mu masiva a machimo. Sika vano emphaso yalonjeziwe vookhulupililani mwa Yesu Khrisitu enavahiwa wa ayo enakhulupilila.

Aheberi 12:29

Vawi Mullukwaahu ari wonanko munllo wawoononga.

Aheberi 4:16

Sika hankoni moohikayikella naatamelle o mpando woomwene wa Mulluku nko ori echisomo wi naakhelle echifundo, echisomo ni nikavihero mu enthawi yoophwanellella.