Eksodo 19:22 - Mawu a Mulluku

²² “Naari allupa mukutho ayo enaaphiye vakhuviru ni miyaano eddeellihe weekhiiwa, woova wi kinaallake.”

Eksodo 19:22 Iomraidhean Croise

1 Epilli 15:13

Vawi khe nyuwaano mwanitukhullalle vawaamba valle, Apwiya Mullukwaahu yaanillaka ekaamba yawi khenaanipwathille moollikana ni mmo yapaallelliiwa.”

2 Epilli 30:15

Nave yaamwiipha mwaanaankhosa a Paska va nllapo na 14 na mweeri waneepiilli. Vano allupa mukutho ni Alevi yaawulliwa muru mwawi yaaddeelliha nave yaawaana mikutho ddooshellelliha mu enyumba ya Apwiya.

2 Epilli 30:3

Alliwa kheyaakhanlle ni ehakallallo ya Paska mu enthawi yakeraatthihiwe, mweeri wawaamba, ekaamba yawi allupa mukutho aweellihiwa yaarivo ooyeva navettho athu yaari ehinatthukumane o Yerusalemu.

Eksodo 19:24

Vano Apwiya yaamulleella Mosooyo wi, “Kittha nave wamukuse Aroni oweena wuno. Koma allupa mukutho ni athwaayo ehikhwaranye maliraayo, owa wa miyaano wuno, woova wi kinaallake.”

Eksodo 19:5

Sika mwaakiiwellellaka ni osunga echipanganwaaka, muneerokhalla athwaaka variyari va mitundu ddittheddene vawi ellapo yavatthi ettheene tti yaaka.

Eksodo 24:5

Vano ahaaruma asombwe a Aisraele wi yavelleelle mikutho ddooshellelliha ni wiipha eng'ombe wi yavelleelle wa Apwiya mikutho ddeeyaattano.

Yesaya 52:11

Khumani, khumani, venyaniwoni mwawaakuva o Babiloninko, muhittannye ello yooripihiwa! Nyu ootukhulla eziwiya ddoopatulelliwa Apwiya, khumani, ddeelliheni.

Levitiko 21:6

Ekhalle aweella vamiitthoni va miyaano Mulluku nave ehiripihe nnddina naka. Vawi ennaheraatthi mukutho woowoosiwa viikho. Yoocha ya miyaano Mullukwiiwa, ekhalleke yaweella.

Numeri 11:18

Waalleelle athwaayo wi, ‘Muddeellihe okhozekella ddoosiisello nave muneerocha enama. Nyuwaano mwahinlla Apwiya yiiwaka valle mwalloteenyu wi, Ttaani anaanivahe enama. Vallethi ddeko ddaananeetalla phaama o Iguputo.’ Sika ekaambiiwa Apwiya enaawuuvaheewani enama nave muneeroyicha.

Mitteko 5:10

Enthawi yeeyo ahiikuha vakhuviru ni Petro akhwa. Vano asombwaalle yavollowiiwa yaamoona wi ookhwa, emutukhulla nave yamuvitthattho vakhuviru ni mahame a mamune.

Mitteko 5:5

Ananiya iiwalleeye mawu yaalla, ahiikuha akhwa nave attheene ayo yiiwalle dda yeella yahoova.