Eksodo 19:20 - Mawu a Mulluku

²⁰ Apwiya yaphiyalliiwa vaddullu va mwaango wa Sinai, yaamwiithana Mose wi awelle vaddullu va mwaango nave Mosooyo aawella.

Eksodo 19:20 Iomraidhean Croise

1 Mamwene 19:11

Vaavo Apwiya yahaakhulla wi, “Khuma wiimelle vamiitthoni vaka, vamwaangoni.” Ngoonani, Apwiya yaaviravo nave ephevo yamasiva yahoopa etthalla miyaango ni opwesa malluku koma Apwiya kheyaarimo mwiiphevonimmo. Eviralle ephevo, vaamora echivomezi koma Apwiya kheyaarimottho mu echivomezimmo.

Nehemiya 9:13

Mwaakitthella va mwaango wa Sinai, mullota ni alliwa ovenyera oddullu nave mwahaavaha malangizo, malamulo ni ehuddiho ddaphaama ni ddawoona.

Masalimo 81:7

Mwaariinyu mu ddookatamiha mwaakiithana, nave miyaano kahuuvullusani. Kaawaakhullani kiri moovittheya mu ogugudeya wa murimu, kaaweesani omaaddini a Meriba

Eksodo 19:11

nave ekhalle ookhozeka omuroto. Vawi va nllapo nenno mi Apwiya kineerokittha vamwaangoni wa Sinai athu attheene yoonaka.

Eksodo 19:3

Mose aawella mwaango wi akumane ni Mulluku. Nave Apwiya aakhuwa m'mwaangonimmo amulleella wi, “Waalleelle Aisraele, edduullu dda Yakobo wi,

Eksodo 24:15

Sika Mose aawella mwaango nave mwaangooyo waakhuneelliwa ni murapo.

Eksodo 24:18

Mose aavollowa m'muraponimmo aphiya vaddullu va mwaango. Mose aakhalla wenko mallapo 40, otthaana ni mahiiyu.

Eksodo 34:2

Okhozeke ohinase, owelle mwaango wa Sinai wi okumane ni miyaano vaddullu vamwaangonimvo.

Eksodo 34:4

Sika Mose aasema malluku mamodda meelli wonanko awaambaalle nave ohinase aawella mwaango wa Sinai akusalle malluku meellaalle moollikana ni mmo Apwiya yamulamulelliiwa.

Deuteronomo 33:2

Apwiya yaawa ovenyera o Sinai, yaakhumellella wa athwiiwa ovenyera o Seiri, yahooneya ovenyera o mwaango wa Parani. Angelo ooheerengeya yaathaananana, mallumi amunllo yaari m'mattani mwa Apwiya.

Deuteronomo 9:9

Miyaano kaawella mwaango wi kaakhelle malluku meelli mvo valembiwe echipangano eyo Apwiya yakeraatthihalliiwa ni nyuwaano. Kaakhalla omwaangoni wulle mallapo 40, otthaana ni mahiiyu nave ngaachille apaalle owirya erive ello.