Eksodo 19:18 - Mawu a Mulluku

¹⁸ Mwaango muttheene wa Sinai waahuruwelliwa ni mwiisi, ekaamba yawi Apwiya yaakitthella vamwaangonimvo mwa munllo. Mwiisooyo waanawella muddullu wonanko mwiisi wa ufuni nave mwaango muttheenoolle waheengereya wunchichi.

Eksodo 19:18 Iomraidhean Croise

Genesis 11:5

Vano Apwiya yaakittha wi yoone muzindooyo ni nttattha yamaka athwaayo.

Genesis 15:17

Nndduwa nivollowille wene, epiphi yaambaka, moorurumusa vahooneya embawula yoothuwa mwiisi ni mutthiko wookhara nave ddeko piillinndda ddaavira variyari va enama ddoophaddiwanndde.

Genesis 19:28

Aaweha o mizinda dda Sodomu ni Gomora ni o ntaponne. Nave ahoona mwiisi ori tungulii okhuma muntaponimmo wonanko mwiisi wookhuma mu eng'anjo.

Nehemiya 9:13

Mwaakitthella va mwaango wa Sinai, mullota ni alliwa ovenyera oddullu nave mwahaavaha malangizo, malamulo ni ehuddiho ddaphaama ni ddawoona.

Masalimo 104:32

Ellapo yavatthi ennatthukumella alliwa yayiweha miyaango ddinnathuwa mwiisi yaddittannya.

Masalimo 114:4

Miyaango dduullupalli ddinnanthamuwa wonanko anankhoro a enkhosa, asimiyaango ennathawa wonanko asaanaankhosa.

Masalimo 114:7

We ellapo yavatthi tthukumella kaambiiwa Apwiya enimawa, ddawoona, Mulluku a Yakobo animawa

Masalimo 144:5

Nyu Apwiya, hullani mirapo wi mukitthe ttannyani miyaango wi ddithuwe mwiisi.

Masalimo 18:9

Ahaahulla oddullu akittha vatthi, epiphi yoottika yaari vatthi va manyallwaaye.

Masalimo 68:9

Nyu Mulluku, mwaamurupiha murimu, mwaallipiha ellapwaanyu mvo yafookilliiwa.

Masalimo 77:18

Onyakulla wa ogugudeya wanyu wahiiweya otthewene, ettari ddanyu ddaawaliha ellapo ettheene, ellapo yavatthi yaatthukumella nave yaatikheya.

Masalimo 77:19

Ettillaanyu yaweelle va enyanja, musewaanyu waaweelle vamaaddini oowallamella, nave manyallwaanyu kheyaawooneyille.

Eksodo 19:13

Arive muthu ahimuttannye muthooyo koma emuvokhe malluku apaalle emuhome, khaya tti echiweto apaalle muthu, iiphiwe. Koma nipallapata niipiwa, athu ewe omwaangoni.’ ”

Eksodo 19:17

Mose ahaahoollella athwaayo okhuma m'misasanimmo wi yakumane ni Mulluku nave attheenaayo yahiimella museresere mwa mwaango.

Eksodo 20:18

Athu attheene yaaniiwa ogugudeya wa murimu ni winlla wa nipallapata, nngu yoonaka ettari ni mwiisi vamwaangonimvo nave yaanoova enatthukumella, yiimellille voorekamella

Eksodo 24:17

Wa Aisraelaalle, ntitimiho na Apwiyanne nooneya wonanko okhara wa munllo vamwaangoni.

Eksodo 3:2

Wenko mungelo a Apwiya aamooneyella m'munlloni wookhara vamakukhuni. Mose awehille, ahoona munllo okharaka vamakukhuni koma makukhwaayo kheyaasha.

Eksodo 34:2

Okhozeke ohinase, owelle mwaango wa Sinai wi okumane ni miyaano vaddullu vamwaangonimvo.

Yesaya 6:4

Ekaamba ya okhuwanko matthipello a millako ni enyumba ettheene yaatikheya nave enyumba ya Apwiya yaahuruwelliwa ni mwiisi.

Yesaya 64:1

Nyu Apwiya, waphaama mwatthanlleke muddullu wi mukitthe vatthi. Miyaango ddaaweerotikheya voowoonani nyuwaano,

Yeremiya 4:24

Kaaweha miyaango nave ddaanatikheya, asimiyaango yaanatthukumella.

Habakuku 3:6

Iimella, ellapo yavatthi ennatikheya, aweha mitundu dda athu ddaatthukumella, Miyaango ddookeraattheya ddaakumuwa, asimiyaango akhalle ennawarama nko eeteeyewo khalle.

Zekariya 14:5

Nyuwaano muneerothawa vooweellani mu ntapo nenno na variyari va mwaango. Muneerothawa wonanko mwathawelleenyu enthawi ya echivomezi va enthawi ya Uziya mwene a o Yuda. Vatulli viwa Apwiya Mullukwaanyu eneeroowa vamodda ni aweelliiwa attheene.

Mateyu 24:7

Mutundu ni mutundu mmodda oneerekowana navettho omwene ni omwene omodda oneerekowana. Navettho oneerokhalla ettalla ni echivomerezi virive veko.

Deuteronomo 33:2

Apwiya yaawa ovenyera o Sinai, yaakhumellella wa athwiiwa ovenyera o Seiri, yahooneya ovenyera o mwaango wa Parani. Angelo ooheerengeya yaathaananana, mallumi amunllo yaari m'mattani mwa Apwiya.

Deuteronomo 4:36

Apwiya yahaakhullella wi mwiiwe mawiiwa ovenyera oddullu wi yuuhuddiheni. Va ellapo yavattheella Apwiya yaawoonihani munllo muullupalli nave mwahiiwa ellotaka ni nyuwaano eri m'munllonimmo.

Deuteronomo 5:22

“Apwiya yaallota mawu yaalla wa nyu attheene mwatthukumanille omwaangoni wulle moohoonjereravo ello. Alliwa yaallota ni mawu amasiva eri m'munlloni, m'muraponi owaaka mwiipiphini yawoopiha. Nave yaalemba malamulo khumaayo va malluku meelli ekinnya miyaano.”

Deuteronomo 5:4

Apwiya yaallota ni nyuwaano vamiitthoni ni vamiitthoni eri m'munlloni vamwaangoni valle.

2 Atesalonika 1:7

Nave nyuwaano munahoosiwa aneerewuuvahani wiithuuwa vamodda ni hiyaano. Aneere ddenndda Apwiya Yesu yooneya ovenyera oddullu vamodda ni angelwaaye amasiva,

2 Atesalonika 1:8

nave ni mallumi amunllo wi aallake ayo ehinamudduwella Mulluku nave ayo ehiniiwellella othenga waphaama wa Apwiihu Yesu.

Aheberi 12:18

Nyuwaano khamuri wonanko Aisraele ayo yaphiyalle va ello eyo yawoonriiwa ottannya, mwaango wa Sinai, olle wakhara munllo nave waari wa epiphi yinchichi ni wa ephevo yuullupalli.

Aheberi 12:26

Mulluku allotilleeye vawaamba mawaaye yaatikha ellapo yavatthi ettheene koma vano aalonjeza wi aneerotikha wiilli ellapo yavatthi ni yooddullwiine.

2 Petro 3:10

Koma nllapo na Apwiya nineerophiya wonanko mullupaawiiya. Va nllapo nenno oddullu oneeromalla ni okhuwa wuullupalli ni ddeko ddooddullu ddineerewoonongiwa ni munllo. Nave ellapo yavatthi ni ddeko ddittheddene dda mwemmo ddineerewooneya.

Yawuupullulla 15:8

Enyumba ya Mulluku yaaddalla ni mwiisi woovenyera o ntitimiho ni masiva a Mulluku nave khaarivo aworille ovollowa mu enyumba ya Mullukweeyo ophiyera millilli mitthanu ni miilli ddawiihiwe ni angelo atthanu ni eellaalle ddimallille.

Yawuupullulla 9:2

Etheneereeyo yaahulla ollitininko nave mwaakhuma mwiisi wonanko woovenyera mu ufuni muullupalli. Vano mwiisi woovenyera ollitininko waatthattusa nndduwa ni oddullu okhalla epiphi.

Oweeruza 5:5

Miyaango ddaatikheya, mwaango wa Sinai waheengereya, vamiitthoni va Apwiya Mulluku a Israele.