Eksodo 19:17 - Mawu a Mulluku

¹⁷ Mose ahaahoollella athwaayo okhuma m'misasanimmo wi yakumane ni Mulluku nave attheenaayo yahiimella museresere mwa mwaango.

Eksodo 19:17 Iomraidhean Croise

Eksodo 19:13

Arive muthu ahimuttannye muthooyo koma emuvokhe malluku apaalle emuhome, khaya tti echiweto apaalle muthu, iiphiwe. Koma nipallapata niipiwa, athu ewe omwaangoni.’ ”

Eksodo 19:16

Omurotovo ophiyalle, ohinase, waakhalla ogugudeya wa murimu ni ettari vamwaangonimvo. Waakhallattho murapo woottika ni winlla wooruma wa nipallapata. Athu attheene m'misasanimmo yaatthukumella mwawoova.

Eksodo 19:18

Mwaango muttheene wa Sinai waahuruwelliwa ni mwiisi, ekaamba yawi Apwiya yaakitthella vamwaangonimvo mwa munllo. Mwiisooyo waanawella muddullu wonanko mwiisi wa ufuni nave mwaango muttheenoolle waheengereya wunchichi.

Levitiko 9:5

Ddittheddene nnddo Mose aalamulalleeye athwaayo yaawaana vanthatoni na musasa wamutthukumano. Nave athu attheene yaasusera vakhuviru wi yaallapella Apwiya.

Mitteko 7:38

Tti oyo aari ni athu a o Israele yatthukumanniiwa muchipululuni mulle. Wenko aari namunkhoswe a makhollwaahu ni mungelo oyo allota wa olliyooyo m'mwaangoni wa Sinai nave ahaakhella mawu ookumi a Mulluku wi anivahe hiyaano.

Deuteronomo 4:10

Mwaatthopoollelleke dda nllapo nne mwiimenlleenyu vamiitthoni va Apwiya Mullukwaanyu o mwaango wa Horebu. Wenko Apwiya yaakilleella wi ‘Waatthukumanihe athu. Kinapaalla wi yiiwe nnddo kinaalloteemi wi ehuddere okoova enthawi ddittheddene dda okumiiwa va ellapo yavatthi. Vatulli viwa yaahuddihekettho aniiwa emoddamoddave yeeyo.’

Deuteronomo 4:11

“Nave nyuwaano mwahiimella museresere mwa mwaango oyo wakhuneelliwe ni murapo wa mwiisi wooripa ni mallumi amunllo.

Deuteronomo 5:5

Enthawi yeelle miyaano kahiimella variyari va nyuwaano ni Apwiya kinuulleellani mawu a Apwiya kaambiiwa nyuwaano moova munllo nave khemwaawenlle vamwaangoni.” “Apwiya yaallota wi,