Eksodo 19:15 - Mawu a Mulluku

¹⁵ Nave Mose ahaalleella wi, “Mukhozeke omuroto vano. Nave muhinakona ni mutthiyana.”

Eksodo 19:15 Iomraidhean Croise

1 Epilli 15:12

Nave ahaalleella wi, “Nyu tti oohoollella a mabanja a makhollo a Alevi. Muddeellihe weekhiinyu ni abalaanyu wi mwakuse nibokosi na echipangano na Apwiya Mulluku a Aisraele nave mwanihiye o nipuro nno kakhozilleemi.

Eksodo 19:11

nave ekhalle ookhozeka omuroto. Vawi va nllapo nenno mi Apwiya kineerokittha vamwaangoni wa Sinai athu attheene yoonaka.

Eksodo 19:14

Vano Mose aakittha ovenyera omwaangoni, aphiya wa athwaayo nave ahaalleella wi eddeellihe nave athwaayo yaachapa ddoowara ddiwa.

Eksodo 19:16

Omurotovo ophiyalle, ohinase, waakhalla ogugudeya wa murimu ni ettari vamwaangonimvo. Waakhallattho murapo woottika ni winlla wooruma wa nipallapata. Athu attheene m'misasanimmo yaatthukumella mwawoova.

Yowele 2:16

Atthukumaniheni athu, alleelleni wi yiipatule. Atthukumaniheni awuulluvalla, anamwani ni akantchewa. Mulamule wi naari ootthellana wene ekhumemo muzipindani mwiwa.

Levitiko 15:18

Mullopwana atathilla ellopwanaaye vookonani ni mutthiyana, eelliinaayo ehape koma eneerokhalla ooripihiwa ophiyera misikuwa.

Amosi 4:12

“Nyu Aisraele, kineerewuullakani, sika nyu Aisraele, khozekellani okumana ni Mullukwaanyu.”

Zekariya 6:3

naneeraru ni akavalo aweella nave naneesese ni akavalo amankhaanga oosiripa.

Zekariya 7:3

Yapaallattho wi yaakohe allupa mukutho a o enyumba ya Apwiya Amasiva Mattheene ni anamallotella wi, “Ethiyo hiyaano ninlleke ni ohalla ocha* va mweeri waneetthanu wonanko mmo neerelleehu wa miyakha ddinchichi?”

Malaki 3:2

Ttaani anaawore anaavillelle nllapo na owa wiwa? Ttaani aniimelle alliwa yaakhumellella? Vawi enaakhalle wonanko munllo wa aweeka mikoko apaalle sopo aweelliha.

Mateyu 24:44

Sika vano nyuwaano munaphwanella mukhozekettho kaambiiwa va enthawi eyo muhinadduwelleenyu mi, Mwaana a Muthu kineeroowa.”

1 Akorinto 7:5

Muhikhootaneke koma vaavove mwiiwanane wi mweere ddiiddo va enthawi yooyeva wi mwiivelleelle wa Apwiya m'mavekelloni. Nave mweeddiiddo mukhallekettho nimodda wi Satana ahiweeseni ekaamba ya ohiihiiha wanyu.