Eksodo 18:8 - Mawu a Mulluku

⁸ Nave Mose aamutthopoollella ddittheddene nndde Apwiya yamweerelliiwa Farao ni Aiguputo ekaamba ya Aisraelaayo. Aamutthopoollellattho dda ddookatamiha nnddo yakumananiiwana muttilla ni ddittheddene nnddo Apwiya yeerilliiwa wi yaavulluse.

Eksodo 18:8 Iomraidhean Croise

Genesis 44:34

Miyaano kinaawore mwawiidde orowa wa attiitthaaka musomboolla aahithaanana ni miyaano? Miyaano ngiwora ovillella wi koone otulli wawiddiidda waamorellaka attiitthaaka.”

Nehemiya 9:32

Vano sika nyu Mullukwaahu tti Mulluku Amasiva Mattheene ni awoopiha, munnasunga echipangano ekaamba ya echikondaanyu yoohisintheya. Muhivevulle ddoohoosa nnddo ddinimorelle hiyaano, mamwenaahu, enduna ddahu, allupa mukuthwaahu, anamallotellaahu, makhollwaahu ni athwaanyu attheene ovenyera mu enthawi ya mamwene a o Asiriya ophiyera ollello.

Masalimo 106:10

Sika ahaavullusa wa awiitananiiwa, aawoopolla o masiva a adaniiwa.

Masalimo 106:8

Koma ahaavullusa ekaamba ya nnddina naye wi oonihe masivaaye muullupalli.

Masalimo 107:2

Ellote ddiiddo awoopolliwa a Apwiya, ayo yaavullusalliiwa o ddookatamiha.

Masalimo 66:16

Nyu attheene oomullapella Mulluku, waawoni mwiiwe, kuutthopoollelleni nnddo akeerelleeye.

Masalimo 81:7

Mwaariinyu mu ddookatamiha mwaakiithana, nave miyaano kahuuvullusani. Kaawaakhullani kiri moovittheya mu ogugudeya wa murimu, kaaweesani omaaddini a Meriba

Eksodo 15:16

Attheenaayo ennoova wunchichi. Ekaamba ya masivaanyu muullupalli, alliwaayo eri ellapo tuu wonanko nlluku, ophiyera athwaanyu, nyu Apwiya, eviralle, athu mwawooponlleenyu wuukaporoni.

Eksodo 15:6

Nyu Apwiya, nnattanatta nanyu tti nootitimiheya, ekaamba ya masiviiwa, Apwiya, nnattanatta nanyu ninnaanyenya adani.

Eksodo 16:3

“Waweerokhalla phaama Apwiya yaniiphelleke o Iguputo weewulle, nko nakhalleseehu nichaka enama ni buledi nave naanavona. Koma nyuwaano munikuselle o echipululu wuno wi muniiphe attheene ni ettalla.”

Eksodo 18:1

Yetero, mullupa mukutho o Midiyani, attiitthinnya a mwaariye a Mose, ahiiwa ddittheddene nndde Mulluku amweerelleeye Mose navettho Aisraele, aweerihalleeye wi ekhume o Iguputo.

Eksodo 2:25

Sika Mulluku aawoona Aisraelaayo nave aamoriwa ethakaraka.

Eksodo 23:23

Mungelwaaka aneerewuuhoollellani nave aneerewuuvollochihani mu ellapo ya Aamori, Ahiti, Aperezi, Akanani, Ahivi ni Ayebusi nave kineerowoononga attheenaayo.

Eksodo 4:23

Vano kinimuulleella wi omwaakhullelle mwanaka aamullopwana awaamba avenyemo wi aye akillapelle miyaano. Koma wakhoota omwaakhullella wi avenyemo, miyaano kineeromwiipha mwanawo aamullopwana awaamba.”

Eksodo 7:4

Faraooyo khawiiwellellani. Vano kineeromullaka Iguputo vaweerani mitteko dda masiva nave kineerewaahoollella malloko a athwaaka, Aisraele, waakhumiha o Iguputo.

Eksodo 7:5

Sika Aiguputo eneerodduwella wi mi tti Apwiya, kaallaka nave kaakhumiha Aisraele mwiillaponi mwiwammo.”

Numeri 20:14

Eri o Kadeshi Mose aarumiha othenga wa mwene a o Edomu wi, “Abalaanyu, Aisraele enallota wi, ‘Munnadduwella ddookatamiha nnddo ddineereyelle.