Eksodo 18:7 - Mawu a Mulluku

⁷ Vano Mose ahaachingamella aya akumanana nave aamukokhorella ni omukhupaarella. Ellochellanne, yaavollowa m'musasani wa Mose.

Eksodo 18:7 Iomraidhean Croise

Genesis 14:17

Abramu avenyeraka woomugonjiha Kedori Laomere ni mamwene awiiwanananayaalle, mwene o Sodomu aakhuma wi akumanena o ntapo na Save (apaalle ntapo na Mwene).

Genesis 18:2

Moohitiyerella ello aawoona athu araru yiimellille vakhuviru ni olliye. Awoonille, aatimulla mwawaakuva wi aallochelle. Aakokhora vatthi,

Genesis 19:1

Angelo eellaalle yavollowiiwa mu Sodomu enthawi ya misikuwa, Loti aari akeraatthille vakhuviru ni mullako va muzindooyo. Loti awoonille athwaayo, ahiimella nave aya aallochella. Sika aakokhora vatthi,

Genesis 29:13

Labani iiwalleeye dda Yakobo, mwaana a murokoriye, aathamaka akumanana. Aamukhupaarella mwa echikondi nave aamukusa oyaana o enyumba waye. Nave Yakobo aamutthopoollella Labani ddittheddene nnddo ddeereyille.

Genesis 31:28

Khonapaalla wi killaanyane ni edduullu ddaka ni anaaka. Woheera ddookarangeya.

Genesis 43:26

Yosefe aphiyalle, asinnaalle yaavelleella emphaso ddiwanndde wa olliye nave yaamukokhorella.

Genesis 45:15

Vatulli viwa ahaakhupaarella asinne attheenaalle inllaka. Vano asinnaalle yahaamba waarera ni Yosefe.

Genesis 46:29

Yosefe ahiithaniha gareta naye, aya o Gosheni wi akumane ni Yakobo attiitthinnya. Aphiyalle vamiitthoni viwa, ahaakhupaarella munikohini nave ahinlla va enthawi yoorekama.

2 Samuele 11:7

Uriya aphiyalle, Davide aamukoha mmo Yowabu aneerelleeye okhotoninko nave mmo athu enakhallelliiwa ni mmo ekhotweeyo eneetelliiwa.

1 Mamwene 2:19

Sika Batesheba aaya wa mwene Solomoni wi allotena munipuroni mwa Adoniya. Mwenooyo ahiimella wi akumanena nave aamukokhorella. Solomoni aakeraatthi va mpandwaaye woomwene nave mpando mmodda waavollochihiwa wi amennyaayo ekeraatthelle. Sika yaakeraatthi onnattanatta waye.

Masalimo 2:12

Mukokhorelleni moomugonjella mwanaye, wi ahuunanariwelleni, wi muhoonongeye, vawi khanallekella osha murima. Oodalisiwa tti ayo enathawella wa olliye.

Eksodo 18:6

Muthu mmodda aari amulleelle Mose wi, “Yetero ni mwaarinyu ni aniinyu eelli aallopwana enimawa.”

Eksodo 33:7

Mose aakusa musasa woopatuleya aya awutthipella otte wa misasa wuuteete vang'ono. Sika aawuvaha musasooyo nnddina nawi, “Musasa wa ophwanyeya wa Apwiya.” Arive muthu apaalla okoha ello wa Apwiya aanakhumawo omisasaninko aya o musasa wa ophwanyeya wa Apwiya.

Eksodo 4:27

Apwiya yaamulleella Aroni wi, “Khawe ochipululuni wakumane ni Mose.” Sika Aroni aaya akumana ni Mose omwaangoni wa Mulluku nave aamukhupaarella.

Numeri 22:36

Balaki iiwalle wi Balamu oophiya, aakhuma amuchingamella o muzinda mmodda vakhuviru ni muhinje wa Arinoni oyo ori o malire a ellapo ya Mowabu, wookomella maliraayo.

Luka 7:45

Khawaakaakhenlle mookikhupaarella koma olliyoolla khahiyalle okhupaarella manyallwaaka waambeella enthawi kavollowilleemi mmu.

Mitteko 20:37

Athu attheene yahinlla yamukhupaarelliiwa nngu ellaanyanaka.

Mitteko 28:15

Ookhulupilila yaari o Roma yahiiwa dda hiyaano sika yaawa ephiya va Musika wa Apio nave o Enyumba dda Alleto Ddiraru wi ekumane ni hiyaano. Paulo awoonilleeye, aamuthokoza Mulluku nave aallipa murima.

Oweeruza 11:34

Vatulli viwa Yefita aahokollweella owaniwa o Mizipa. Vano ngoonani, mwanaye aamutthiyana aakhuma amuchingamella, iipaka ekoma nave iinaka. Olliye aari mwanaye mmodda yooyo. Khaarinattho arive mwaana, aamullopwana apaalle aamutthiyana.

1 Samuele 17:18

Okusettho mukaka wawumma waweeriwa tchiizi wookwakhwana khumi oyeena wa akhoto muullupalli. Nave woone mmo asinnawo enakhallelliiwa nave waweenawo echizindikiro emodda yawooniha wi ennakhallawo phaama.

1 Samuele 17:22

Vano Davide aamuhiyera ddoochanndde muthu oyo asunga ddoocha athamakella nko waari akhotwaayo, aallochella asinnaayo.