Eksodo 18:21 - Mawu a Mulluku

²¹ Komattho munaphwanella wi ovenyera mwa athu attheenaalla, mwaatthoolle allopwana eezeru, oomoova Mulluku, oororomelleya ni oohaakhella ddamukaphwani nave mwaakeraatthihe yaalla wi ekhalle amodda oohoollella athu 1,000, amodda a athu 100, amodda a athu 50 ni amodda a athu khumive.

Eksodo 18:21 Iomraidhean Croise

Genesis 22:12

Mungelooyo aallota wi, “Ohinamwiipha mwaanooyo apaalle omweerana erive ello. Vano koodduwella wi weyaano onnamwiiwellella Mulluku vawi khokiimanne mwanawo mmoddave yooyo.”

Genesis 42:18

Viviralle mallapo mararu Yosefe ahaalleella wi, “Vawi miyaano kinnamoova Mulluku, muneerovulluwa vaavove mweera nndda.

Genesis 47:6

Ellapo ya Iguputo eri m'mattani mwawo. Sika waakeraatthihe attiittho ni asinno mu ellapo ya ethaya yaphaama, yakhalle o Gosheni. Nave waarimi waadduwenlle oororomelleya variyari viwamvo, owinnye okapitawo woochiha eziweto ddaka.”

2 Samuele 18:1

Davide ahaatthukumaniha athu attheene aariiyena wi aakawe ekhalle m'millokoni. Nave ahaatthoolla amodda wi ekhalle oolamulella akhoto ma 1,000 nave amodda ekhalle oolamulella akhoto ma 100.

2 Samuele 23:3

Mulluku a Aisraele oollota, nlluku na a Aisraele nookilleella wi, muthu oyo anaalamulella athu mwa echilungamo, waalamulella moomuriiha Mulluku,

1 Mamwene 18:12

Apaalle mi kavenyavo mva, munepa a Apwiya ttuuwuuvenyihanivoni oya nko kihinadduwelleemiwo. Vano kaya kamulleella Ahabu, olliye aahuuphwanyanivoni aneerokiipha naari mi oorumeyellaanyu kiwoovaka Apwiya waambeella enamwanaaka.

1 Mamwene 18:3

Mwene Ahabu aamwiithana Obadiya, oyo awehera ddittheddene dda o enyumba yoomwene navettho aari oowoova wunchichi Apwiya.

Ezara 7:25

“Vano weyaano Ezara moollikana ni ezeru dda Mullukwaawo nnddo ddiri m'mattani mwawo, waatthoolle aweeruza oohiyanahiyana va athu attheene mu echigawo ya vakhopella va muhinje nave athweene oodduwella malamulo a Mullukwaawo. Vano athu ayo ehinaadduwella oneerekewaahuddiha.

Nehemiya 5:9

Vano kaavirellella ollota wi, “Muneereenyunndda khe ddaphaama. Ethiyo nyuwaano khemunaphwanella omoova Mullukwaahu wi adanaahu a mitundu ddimodda ehininyaambuseke?

Nehemiya 7:2

Kaamutthoolla mwanamunnaka Hanani ni Hananiya, muullupalli akhoto wi eellaayo elamulelleke Yerusalemu. Hananiya aari muthu oororomelleya ni oomoova Mulluku waakhwaranya athu anchichi.

Yobu 1:1

Vaakhalla muthu mmodda mu ellapo ya Uzi nnddina naye Yobu. Muthoolla aari oohichimwa, oolungama, ooheera ddoonanara ni oomoova Mulluku.

Yobu 29:16

Kaari attiitthi a oohoowa, kaanatetezella phaama mullatu wa mulleto.

Yobu 31:13

Kaarimi kivevullalle mullatu wa oorumeyellaaka aphiyalleeye vamiitthoni vaka ovaanyihana ni miyaano,

Masalimo 15:1

Nyu Apwiya, ttaani anaawore okhalla mpa mwanyu? Ttaani anaawore okhalla vamwaangonaanyu waweella?

Masalimo 15:5

Tti oyo ahinaakongoliha wi aakhellevo yawoonjerera, Tti oyo ahinaakhella ddamukaphwani, wi amuhooseke muthu oohilakwa. Muthu aweera ddenndda khawa atikheya.

Eksodo 17:9

Mose aamulleella Yoswa wi, “Nitthoollelle allopwana amodda, osiisello muye mwawane ekhoto ni Aamaleke. Miyaano kineerewiimella vaddullu va mwaango, kiphareelle ekopo ya Mulluku.”

Eksodo 18:25

Ahaatthoolla allopwana eezeru variyari va Aisraelaayo ni waakeraatthiha wi ekhalle amodda oohoollella a athu 1,000, amodda a athu 100, amodda a athu 50, amodda a athu khumive

Miyambo 28:2

Ellapo yachimwa oolamulella ennaata koma athu yakhalla awiiwesesa ni oodduwella ennakhalla wa enthawi yoorekama.

Oollalleya 12:13

Voomallihani, ddittheddene ddillotiwe tti ddawi omooveke Mulluku nave osungeke malamulwaaye vawi yeella sika yoophwanella weera muthu.

Yesaya 16:5

Vaavo mpando woomwene oneerokeraatthihiwa mwa echikondi yoohisintheya nave mmodda mwa edduullu dda Davide aneerokhallavo moororomelleya. Olliye aneerekeweeruza moolungama ni ollipihella weera ddaphaama.

Yesaya 33:15

Anaawore weera ddennddo tti yooyove aneera ddoolungama ni ollota ddawoona, oyo ananariwa ni eyuuma yoophwanya mwawoottottha, oyo anattattha mattaaye wi ahaakhelle ddamukaphwani, oyo anatiyella maarwaaye wi ahiiwe mawu awiiwanana ddoowiipha amodda navettho oyo anaminyalla wi ahoone ddoonanara.

Yesaya 59:4

Khaavo anamwiipa mullatu mukhwaaye moolungama khaavo anaaye o nthato namillatu mwawoona. Enaroromella etthiru, enakhallella ollota ddawoottha. Ddawoona, athu oonanara ennakusa erukullu ya ddoonanara, ennayara makhallello oonanara.

Yeremiya 5:1

Thamakani nngu ni nngu m'misewuni dda Yerusalemu, muddoonelle nyookha. Ashaashani o mathatwaaye wi mumphwanyewo aweera ddoolungama, owaashaasha yawoona wi kimukhululukelle Yerusalemu.

Ezekiele 18:8

ahinakongiriha wi apindulevo ello apaalle waakhella yawoonjereravo, aniihiiha weera ddoonanara nave khanaweha ekhove vookamullani millatu dda athu,

Ezekiele 22:12

Mwa weyaano mookhalla amodda awaakhella ddamukaphwani wi ewiiphe athu akhwiiwa, amodda ennaakhella ddawoonjerera wi epindule ni nnddo enakongolihiiwa. Attheenaayo aakitiwalla miyaano. Mi Apwiya Mulluku koollota.

Zekariya 7:9

“Mi Apwiya Amasiva Mattheene kinallota wi, ‘Mweeruzaneke moolungama, mumorellaneke ethakaraka ni weerellana echifundo.

Zekariya 8:16

Ddoopaalleya weera tti ddawi arive muthu alloteke ddawoona ni mukhwaaye. Mweeruzeke mwawoona ni mwamurendelle m'mathatoni mwanyu.

Numeri 1:16

Yaalla sika yatthoolliwe mu nirive nlloko, oohoollella mabanja, attekweene a malloko a Aisraele.

Numeri 1:4

Mumukuse muthu mmodda nirive nlloko, oohoollella nibanja wi uukavihereni vaweerengani.”

Numeri 10:4

Koma niipiwa nimoddave, oohoollella a malloko a Aisraele sika enaatthukumaneke ni weyaano.

Luka 18:2

Ahaalleella wi, “Mu etawoni emodda mwaakhalla muthu aweeruza millatu oyo ahimoova Mulluku naari opwatha dda muthu.

Luka 18:4

Vaavira mallapo manchichi oweeruzoolle amukhootellaka koma omamallihello wene aallota yeekha m'murimani mwaye wi, ‘Naari nginamoova Mulluku apaalle opwatha dda athu,

Mitteko 20:33

Ngaapanlle makobiri apaalle ddoowara dda arive muthu.

Mitteko 6:3

Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

Deuteronomo 22:18

Sika attekweene a m'muzindanimmo emuphare mullopwanooyo nave emuwashulle.

1 Timoteo 3:3

Ahikhalle muthu oolezela apaalle amaraapwa koma oomaalleya ni ookonda murendelle nave ahikhalle ookonda makobiri.

Yoswa 22:14

Finihasooyo aayaayo ni oohoollella khumi, mmodda o nirive nlloko na Aisraele. Arive muthu mwa alliwaayo aari oohoollella a nibanja nimodda na mallokwaayo.

1 Samuele 8:12

Amodda aneeroweera wi ekhalle oolamulella akhoto ma 1,000 nave amodda ma 50. Nave amodda enaallimeke m'matani mwaye ni ohata ddoollimiwannddo, ohana ezida ddakhoto ni ezipangizo dda magereta akhoto.

1 Samuele 8:3

Koma anamwanaalla kheyaarina makhallello aphaama wonanko a attiitthiiwa. Yaanahapuwella o ddoonanara, enathwara opindula. Yaanaakhella ddamukaphwani, yaaneeruza millatu mookhoromaniha.