Eksodo 18:20 - Mawu a Mulluku

²⁰ Munaphwanellattho waahuddiha mawu ni malamulo a Mulluku ni waatthopoollella mmo enaakhallellekiiwa owaakattho mmo eneerellekiiwa.

Eksodo 18:20 Iomraidhean Croise

Masalimo 143:8

Ohinase mukiiwihe dda echikondaanyu yoohisintheya, kaambiiwa kinnuuroromellani. Mukitthoonyihelle ettilla yawi keetemo, vawi kinnavelleella murimaaka wa nyuwaano.

Masalimo 32:8

Apwiya enallota wi, “Kineerewuulleella ni wuuhuddiha ettilla eyo onaaweetekeewemo. Kineerewuulangiza nave miitthwaaka eneerokhalla va weyaano.

Eksodo 18:16

Athu yaakanganaka, enawa wa miyaano nave kinnaweeruza wi koone wi anallota ddawoona ttaani. Nave kinnaahuddiha mawu a Mulluku ni malamulwaaye.”

Yesaya 30:21

Mwaahapuwellaka onnattanatta apaalle onyotthoni, muneerewiiwa otulli wanyu mawu owuutthoonyihellani ettilla awi, “Ettilla tti yeella, muthwareke yeella.”

Yeremiya 42:3

Muvekelle wi Apwiya Mullukwaanyu enilleelle nko ninaphwanelleehu oyaawo ni nnddo ninaaweereehu.”

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

Ezekiele 3:17

“We mwaana a muthu, kohuutthoolla wi okhalle owehera a Aisraele. Wiiwa mawaaka waachenjezeke.

Mika 4:2

athu a mitundu ddinchichi eneeroowa, ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.”

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Mariko 13:34

Ddinaphwanaphwana ni muthu atimullalle va olendwaaye ahiya enyumbaaye. Aavaha olamulello allupa muttekwaaye wi arive muthu awehereke mutteko waayewaaye nave amulleella oowehera a va mullako wi awehereke phaama.

Deuteronomo 1:18

Enthawi yeeyo kahuulleellani ddittheddene ddoophwanella wi mweereke.”

Deuteronomo 4:1

“Vano nyu Aisraele mwiiwellelleke malamulo ni malangizo mattheene kinuuhuddiheemini wi mukhalle ni okumi. Nave muneerovollowa ni waakha ellapo eyo Apwiya Mulluku a makhollwaahu enuuvaheewani.

Deuteronomo 4:5

“Kahuuhuddihani malamulo ni malangizo mattheene moollikana ni mmo Apwiya Mullukwaaka yaakilamulelliiwa. Mwiillaponi eyo munaavolloweenyumo ni waakha, mwiiwellelleke malamulo yaalla.

Deuteronomo 5:1

Mose ahaatthukumaniha Aisraele attheene aalleella wi, “Nyu Aisraele, iwellellani malamulo ni malangizo mattheene kinuulleelleemini ollello. Mwaahuddere nave moonesese wi munnaasunga.

Deuteronomo 5:27

Nyuwaano Mose sika munaatamellewo wi mwiiwe ddittheddene nnddo Apwiya Mullukwaahu enaallotiiwa. Vatulli viwa muwe wi munilleelle attheenehi nnddo enaawuulleelleniiwa nave hiyaano nineerewiiwa ni weera.’

Deuteronomo 7:11

Sika muchenjere wi mwiiwellelleke malamulo ni malangizo mattheene ayo kinuulamuleemini ollello.”

1 Atesalonika 4:1

Voomallihella, asinnihu ni arokorihu, mwahiiwa ovenyera wa hiyaano dda makhallello oomuhakallalliha Mulluku. Munnattakihera yaalla. Nave vano ninuuvekani mu nnddina na Apwiya Yesu wi mweereke ohiyana ni khalle.

1 Samuele 12:23

Komattho miyaano nginapaalla waachimwella Apwiya voohiyani wuuvekellani nyuwaano, kineerewuuhuddihani nnddo ddiri ddaphaama ni ddawoona wi muddeereke.