Eksodo 18:19 - Mawu a Mulluku

¹⁹ Kaapelleni maaru wi kuulangizeni nave Mulluku ttuukhalla ni nyuwaano. Munaphwanella owimmellella athu vamiitthoni va Mulluku voowaanani ddookangana ddiwa wa olliye.

Eksodo 18:19 Iomraidhean Croise

Genesis 39:2

Apwiya yaakhalla ni Yosefe nave yaamukavihera wi ddittheddene ddimweetelle phaama. Akhalla mu enyumba ya apwiyaaye, Muiguputoolle.

2 Samuele 14:17

Sika mi mullupa muttekwaanyu aamutthiyana mawaanyu Apwiya eneerokivullusa vawi nyuwaano muri wonanko mungelo a Mulluku voodduwellani ddaphaama ni ddoonanara. Apwiya Mullukwaanyu akhalle ni nyuwaano.”

Eksodo 18:15

Mose aamwaakhulla wi, “Kinaphwanella weera ddenndda ekaamba yawi athu enaweesa wa miyaano wi yiiwe nnddo anapaalla Mulluku.

Eksodo 18:20

Munaphwanellattho waahuddiha mawu ni malamulo a Mulluku ni waatthopoollella mmo enaakhallellekiiwa owaakattho mmo eneerellekiiwa.

Eksodo 18:24

Mose ahiiwella ddittheddene nndde allotille Yetero.

Eksodo 20:19

nave yaamulleella Mose wi, “Munilleelle hiyaano nave nineerewiiwa. Mulluku ahillote ni hiyaano, woova wi ninaakhwe.”

Eksodo 3:12

Mulluku aamwaakhulla wi, “Mi kineerokhalla ni weyaano. Echizindikiro yawi kuurumalle tti miyaano tti yawi, waakhumiha athwaaka o Iguputo, muneerokillapella omwaangoni wenngu.”

Eksodo 4:12

Vano khawe, miyaano kineerewuukavihera ollotanko nave kineerewuulleella yawi wallote.”

Eksodo 4:16

Olliye aneerekollota wa athu munipuroni mwawo. Aneerokhalla wonanko eyanwaawo nave weyaano onaakhalleke wonanko mullukwaaye.

Miyambo 9:9

Omulangize muthu eezeru nave aneerewoonjerereya okhalla eezeru, wamuhuddiha muthu oolungama aneerewoonjerereya okhalla oolungama.

Numeri 27:5

Mose aayaana mullatu yoolla vamiitthoni va Apwiya.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Deuteronomo 20:1

“Mwaya woowana ekhoto ni adanaanyu nave moona wi magaretiiwa, akavalwiiwa ni akhotwiiwa tti anchichi wuukhwaranyani nyuwaano, muhiwoove. Apwiya Mullukwaanyu ayo yuuvullusalleni o Iguputo eneerokhalla ni nyuwaano.

Deuteronomo 5:5

Enthawi yeelle miyaano kahiimella variyari va nyuwaano ni Apwiya kinuulleellani mawu a Apwiya kaambiiwa nyuwaano moova munllo nave khemwaawenlle vamwaangoni.” “Apwiya yaallota wi,

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”