Eksodo 18:14 - Mawu a Mulluku

¹⁴ Yetero oonilleeye ddittheddene nnddo Mosooyo eereeye, aakoha wi, “Ethiyo ddittheddene munaweerelleenyu athunndda tti ddawiidde? Kaambiiwa tini munakhalleenyu weekhiinyu, athu enawiiwa wa nyuwaano waambeella ohinase ophiyera mahiiyu?”

Eksodo 18:14 Iomraidhean Croise

2 Samuele 15:2

Abishalomu aanavenya ohinase, va ettilla yooya vamullakoni va muzinda. Arive muthu akhalla ni mullatu anaya wa mwene wi eeruziwe, Abishalomu aanamwiithana, anamukoha wi, “Onavenyera muzinda oovi?” Aakhulla wi, “Mi oorumeyellaanyu kinavenyera nlloko nawi yooriyoori, mu ellapo ya Israele,”

Eksodo 18:13

Osaka wene Mose ahaamba weeruza millatu dda athu. Nave athwaayo yaanawaana millatu ddiwa wa Mose waambeella ohinase ophiyera mahiiyu.

Eksodo 18:15

Mose aamwaakhulla wi, “Kinaphwanella weera ddenndda ekaamba yawi athu enaweesa wa miyaano wi yiiwe nnddo anapaalla Mulluku.

Eksodo 18:26

nave alliwaayo yaanaweeruza athu enthawi ddittheddene. Millatu ddookatamiha yawaana wa Mose koma asimillatu yeeruza weekhiiwa.

Numeri 15:34

Alliwa yaamuwallella mu endende ekaamba yawi kheyaadduwella phaama ddawi yeere.

Oweeruza 1:16

Vano edduullu dda attiitthinnya a mwaara a Mose, Mukeni, ddaathanana ni athu a nlloko na Yuda ovenyera o Yeriko, muzinda wa miteekho ddamikwarangwa ophiya o echipululu ya Yuda, vakhuviru ni omwera wa echigawo ya Aradi, ellapo ya Yuda, yakhalla ni athwaayo.