Eksodo 18:12 - Mawu a Mulluku

¹² Sika Yetero aaheraatthi wa Mulluku mukutho wooshellelliha ni mikutho ddimoddattho. Nave Aroni ni oohoollella a Aisraele yaawa wi eche ni Yetero vamiitthoni va Mulluku.

Eksodo 18:12 Iomraidhean Croise

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Genesis 26:25

Sika Isaki aamaka nikuwa wenko nave ahaallapella Apwiya nave aamakattho musasaaye wenko. Navettho akaporwaaye yaakata ehime wenko.

Genesis 26:30

Vano Isaki ahaakhozella machellello nave athwaayo yaacha ni owirya.

Genesis 31:54

Vano Yakobo aavelleella mukutho vamwaangonimvo nave awiithana athwaaye wi eche ddoocha. Emallihalle ochanko, yaakona vamwaangonimvo.

Genesis 4:4

Abele nayeenettho aakusa amodda a anamwani awaamba a enkhosa ddaye nave aavelleella wonanko mukutho enama yaphaama yamakhura. Sika Apwiya yaahakallalla ni Abele ni mukuthwaaye.

Genesis 43:25

Vano allopwanaayo yakhozekella ovelleella emphaso ddiwanndde wa Yosefe oona aphiyaka otthaana, ekaamba yahiiwa wi enaachelle nimodda wenko.

Genesis 8:20

Enthawi yeeyo Nowa ahaamakella nikuwa Apwiya. Aakusavo orive mutundu wa enama ni epallame ddaweellihiwa nave aaddiipha, addivelleella mukutho wooshellelliha vanikuwanimvo.

2 Samuele 9:7

Davide aamulleella wi, “Ohoove. Kinapaalla wi kiweerelle echifundo ekaamba ya Yonatani, attiittho. Kineerewuuhokollosella ellapo ettheene ya apwiiyo Saulo. Onaacheke ni miyaano mallapo mattheene.”

2 Epilli 30:22

Vano Hezekiya aallota moowaallipiha murima Alevi attheene yaphanre mutteko wa Apwiya mweeruso. Sika athu yaacha va machellello wa mallapo matthanu ni meelli, ovelleella mikutho ddeeyaattano ni waathokoza Apwiya Mulluku a makhollwiiwa.

Yobu 1:5

Vano mallapo a machellello yamalla, Yobu aanavenya ohinase ovelleella mikutho ddooshellelliha nave aanaddivelleella moollikana ni waata wa anamwanaayo wi yeellihiwe. Eera ddenndda vooganizani wi apaalle mmodda mwa anaaye aachimwa nave oomullotella epewe Mulluku m'murimani mwaye. Yobu aaneera ddenndda enthawi ddittheddene.

Yobu 42:11

Vano asinne attheene ni arokoriye attheene vamodda ni attheene oomudduwella yaawa echana nimodda mpa mwaye. Nave yaamupepesa, emukhurumusa murima ekaamba ya ddoohoosa ddittheddene nnddo Apwiya yamorihelliiwa va olliye. Sika arive muthu mwa alliwaayo aamuvaha makobiri ni emphete yagolide.

Yobu 42:8

Sika vano kusani anankhoro a eng'ombe atthanu ni eelli ni anankhoro a enkhosa atthanu ni eelli nave muyeena wa oorumeyellaaka Yobu wi mwiivelleellelle mukutho. Nave oorumeyellaaka Yobu aneerewuuvekellani vawi kineerewaakhullella ovekella waye wi kihiweerelleni ello moollikana ni okarangeya wanyu. Vawi nyuwaano khemwaallonte ddaphaama dda miyaano wonanko eerelle oorumeyellaaka Yobu.”

Eksodo 18:13

Osaka wene Mose ahaamba weeruza millatu dda athu. Nave athwaayo yaanawaana millatu ddiwa wa Mose waambeella ohinase ophiyera mahiiyu.

Eksodo 2:16

Nave anamwani aatthiyana atthanu ni eelli a Yetero, mullupa mukutho a o Midiyaninko yaawa wi erike maaddi wi yaddallihe mubwatoni oowiryellamo eziweto dda attiitthiiwa.

Eksodo 2:20

Sika attiitthiiwaayo yahaakoha wi, “Vano olliyooyo ari wuuwi? Ethiyo kaambiiwa tini mumuhiyalleenyu wenko muthu yooyo? Khaweni mwamwiithane ache weewuno.”

Eksodo 20:24

Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo.

Eksodo 24:11

Mulluku khaawoonongille oohoollella a Aisraelaayo. Alliwaayo yaamoona Mulluku nave yaacha ni owirya.

Eksodo 24:5

Vano ahaaruma asombwe a Aisraele wi yavelleelle mikutho ddooshellelliha ni wiipha eng'ombe wi yavelleelle wa Apwiya mikutho ddeeyaattano.

Eksodo 3:1

Mose achiha eziweto dda Yetero, mullupa mukutho o Midiyani, attiitthinnya a Zipora, mwaariye. Nllapo nimodda aakusa eziwetonnddo oweella muchipululuni, aya aphiya o Horebu, mwaango wa Mulluku.

Eksodo 33:7

Mose aakusa musasa woopatuleya aya awutthipella otte wa misasa wuuteete vang'ono. Sika aawuvaha musasooyo nnddina nawi, “Musasa wa ophwanyeya wa Apwiya.” Arive muthu apaalla okoha ello wa Apwiya aanakhumawo omisasaninko aya o musasa wa ophwanyeya wa Apwiya.

Daniele 10:3

Kaahiya ocha ddoocha ddaphaama. Ngaachille enama apaalle omuwirya vinyo nave ngiihenlle makhura va milungu miraru ddittheddenennddo.

Numeri 10:29

Mose aamulleella Hobaba mullamwaaye, mwaana a Reuele a o Midiyani wi, “Ninaya onipuroni nko Apwiya yallotilliiwa wi, ‘Kineerewuuvahani.’ Hankoni nithaanane nave nineeroweerellani ddaphaama vawi yahaalonjeza Aisraele ddeko ddaphaama.”

Luka 14:1

Va nllapo na Sabata Yesu aaya o enyumba ya mmodda a attekweene a Afarisi* wi ache nave yaamweetellella.

Luka 14:15

Mmodda a athu ayo yacha ni Yesu iiwalleeye mawaalla aallota ni Yesu wi, “Oodalisiwa tti muthu anaawe akhallevo vamachellelloni mu omwene wa Mulluku.”

1 Akorinto 10:18

Ngoonani athu a o Israele. Athu ayo enacha ddooheraatthiwa mukutho khenna eyaattano ni mukutho?

1 Akorinto 10:21

Khamuwora omuwiryella kapu a Apwiya navettho kapu a minepa ddoonanara. Khamuwora ochella va tebuloa Apwiya navettho va tebulo a minepa ddoonanara.

1 Akorinto 10:31

Sika erive ello muneereenyu, munacheenyu apaalle munawiryeenyu, mweereke wi m'mutitimihe Mulluku.

Deuteronomo 12:7

Wenkottho nyuwaano ni mabanjaanyu muneerocha ni ohakallalla vamiitthoni va Apwiya Mullukwaanyu ekaamba ya madaliso ayo yuuvahilleewani wi mitteko ddanyu ddittheddene ddeete phaama.

Deuteronomo 27:7

Mwavelleelleke ni ochella mikutho ddeeyaattano wenko nave mwahakallalleke vamiitthoni Apwiya Mullukwaanyu.