Eksodo 18:11 - Mawu a Mulluku

¹¹ Vano kinnadduwella wi Apwiya tti uullupalli okhwaranya milluku ddimodda ddittheddene kaambiiwa yahaavullusa Aisraele wa Aiguputo, mvo Aiguputwaayo yaanyaambusiiwa.”

Eksodo 18:11 Iomraidhean Croise

1 Mamwene 17:24

Nave mutthiyanoolle aamwaakhulla Eliya wi, “Vano kinnadduwella wi nyuwaano tti muthu a Mulluku navettho wi Apwiya ennallota oweella mwa nyuwaano.”

2 Mamwene 5:15

Vatulli viwa Naamani ni athu attheene oomuvelleella, yaahokollweella wa namallotella a Mulluku. Aaphiya vamiitthoni va Elisha amulleella wi, “Ngoonani, mi vano koodduwella wi va ellapo ettheene khaawo Mulluku mmodda koma a o Israele. Vano akhellani emphasweella ovenyera wa mi kaporwaanyu.”

1 Epilli 16:25

Apwiya tti uullupalli, tti oophwanella otitimihiwa wunchichi, owoova okhwaranya milluku ddittheddene

2 Epilli 2:5

Enyumba kinaamakeemi enaakhalle yuullupalli vawi Mullukwaahu tti muullupalli okhwaranya milluku ddittheddene.

Nehemiya 9:10

Mwaheera ezizindikiro ni ddoottikhiniha ddoomuvaanyihana Farao, allupa muttekwaaye ni athu attheene a mwiillaponi mwaye vawi mwaadduwella mmo aahooselleeye makhollwaahu. Sika ekaambiiwa epillaanyu evuwalliiwa ophiyera ollello.

Nehemiya 9:16

Koma alliwa ni makhollwaahu yahiitukhulla, yahummiha mirima ddiwa nave kheyaawiiwellelle malamulwaanyu.

Nehemiya 9:29

Mwaanaachenjeza wi yaambeellettho wiiwellella malamulwaanyu yaaniitukhulla nave kheyaawiiwellella. Yaanachimwella malamulwaanyu oovaha okumi wa athu awaasunga. Vano yaanakhootave enummiha mirima ddiwa nave kheyaawiiwellella.

Masalimo 119:21

Nyuwaano munnaahumullulla awiitukhulla, ootembeleliwa tti ayo enahiya malamulwaanyu.

Masalimo 135:5

Vawi kinnadduwella wi Apwiya tti uullupalli, Apwiya aakhwaranya milluku ddittheddene.

Masalimo 31:23

Nyu athu oolungama attheene, akondeni Apwiya. Apwiya ennaateteza athu oororomelleya, koma ennahokollosella ddoonanara awiitukhulla.

Masalimo 95:3

Vawi Apwiya sika Mulluku muullupalli, tti mwene muullupalli, ookhwaranya milluku ddittheddene.

Masalimo 97:9

Nyu Apwiya Amasiva Mattheene, tti oolamulella ellapo yavatthi ettheene, okhwaranya milluku ddittheddene.

Eksodo 1:10

Nave ngiiwesesani, hiyaano neerena mweezeru athu yaalla. Naachenjerelle wi ehivirellelle waata kaambiiwa enthawi ya ekhoto, alliwaalla ttuuwora ottakanyiherana ni adanaahu ni ollipana ni hiyaano, eneerothawamo mwiillaponi mwahummu.”

Eksodo 1:16

“Mwaawaayarihaka atthiyana a Eheberi, ayariwa mwaana aamullopwana, mwiipheni koma akhalla aamutthiyana, muhiyeni.”

Eksodo 1:22

Vano Farao ahaalamula athwaaye attheene wi, “Arive mwaana aamullopwana ooyariwa mwa Aheberi mumuvokhelleke m'muhinjeni wa Nailo koma anamwani attheene aatthiyana, mwaahiyeke ni okumi.”

Eksodo 10:3

Mose ni Aroni yaaya wa Farao yamulleella wi, “Apwiya Mulluku a Aheberi, anakoha wi, ‘Ethiyo onaakhooteve wiiyeviha vamiitthoni vaka ophiyera niini? Owaakhullelle athwaaka evenyewo wi eye yakillapelle.

Eksodo 12:12

“Mahiiyu yaayo miyaano kineerovira mwiillaponi ya Iguputo nave variyari va Aiguputwaayo kineerowiipha anamwani aallopwana awaamba a athu ni a eziweto. Kineerollaka milluku ddittheddene dda Iguputo vawi mi tti Apwiya.

Eksodo 14:18

Aiguputwaayo eneerodduwella wi mi tti Apwiya, yaawoonaka mmo kinaamugonjihelleemi Farao ni magaretaaye ni oowella va akavalo.”

Eksodo 14:8

Apwiya yaamummiha murima Farao, mwene a o Iguputo nave olliye ahaathwara Aisraele ayo yavenyillewo mookotella.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Eksodo 5:2

Koma Farao ahaakhulla wi, “Ethiyo Apwiyaayo ttaani wi miyaano ttuuwiiwellella ddennddo ni owaakhullella Aisraele wi evenyemo? Apwiyaayo nginaadduwella nave ngiwa kaakhullella wi Aisraelaayo evenyemo.”

Eksodo 5:7

“Muhiwinnyekettho manasi athu yaalla vawoopani enjerwa wonanko mweereseenyu khalle. Ahiyeni yaasheke manasaayo yeekhiwa.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Numeri 33:4

Aiguputo yaari yaavitthaka aniiwa aallopwana awaamba ayo Apwiya yawiiphalliiwa variyari viwa vawi Apwiya yaallaka milluku dda Aiguputo.

Luka 1:51

Oheera ddeko ddamasiva ni muwonwaaye, nave ohaapallallesa athu awiitukhulla m'murimani mwiwa.

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

1 Samuele 2:3

Nyu athu, muhinallotaka mwawiitthamalla, vayanoni vanyu vihinallotaka ddawiitukhulla vawi Apwiya tti Mulluku eezeru, olliye sika aneeruza mitteko dda athu.