Eksodo 17:14 - Mawu a Mulluku

¹⁴ Vano Apwiya yaamulleella Mose wi, “Ddenndda muddilembe munibukhuni wi dduupuwelliweke nave mullote vamiitthoni va Yoswa wi kineerothiimiha nnddina na Aamaleke.”

Eksodo 17:14 Iomraidhean Croise

2 Samuele 1:1

Saulo akhwille Davide aawaawo wulle aagonjihalleeye Aamaleke nave aakhalla o Zikilagi mallapo meelli.

2 Samuele 8:12

Athwaayo yaari Aedomu, Amowabu, Aamoni, Afilisti ni Aamaleke. Ddimodda ddaari nnddo aakhilleeye wa Hadadezere, mwaana a Rehobu, a o Zoba.

1 Epilli 4:42

Asimeoni amodda 500 yaaya o mwaango wa Seiri moohoollelliwa ni anamwani a Ishi monga Pelatiya, Neariya, Refaya ni Uziyele.

1 Epilli 4:43

Alliwa yaawiipha Aamaleke oohalla nave enakhalla wenko ophiyera ollello.

Ezara 9:14

Ethiyo hiyaano ttuuweera phudda ohiiwellella malamulwaanyu ni otthellana ni athu a mitundu ddimodda ayo eneera ddoonanaranndda? Ethiyo khemunishella murima ni onitthollosa ohikhallavottho naari muthu mmodda oohalla apaalle othawa?

Yobu 18:17

Khawa uupuwelliwattho veellaponi yavatthi, nnddina naye nineerotiwalliwa.

Yobu 19:23

Mawaaka yuupuwelliweke, ddaaweerokhalla phaama, yalembiweke mu nibukhu, ddaaweroreera.

Masalimo 9:6

Adanaahu attheene aatthollowa, matepiiwa tti a enthawi yoohimalla. Moopwanyulla mizinda ddiwa, kheddiwa dduupuwelliwa wa enthawi yoohimalla.

Eksodo 12:14

Munuupuwelleke nllapo nenna mvo munaakhallekeenyu ni ehakallallo yookititimihana miyaano, Apwiya. Mibado ddanyu ddittheddene ddisungeke nllaponna wi nikhalle lamulo wa enthawi yoohimalla.”

Eksodo 13:9

Ehakallallo yeella enaakhalle wonanko echizindikiro yoomakiwa va nnatta nanyu apaalle yawuupusella yoomakiwa vayuuchini vanyu wi malamulo a Apwiya khewa evenyaka vayanoni vanyu kaambiiwa olliye ahuukhumihani o Iguputo ni nnatta naye namasiva.

Eksodo 17:13

Nave Yoswa ahaatthollosa Aamaleke ni nsupada.

Eksodo 24:4

Nave Mose aalemba mawu mattheene a Apwiya. Nave aavenya moopeha ohinase aamba omaka nikuwa museresere mwa mwaango. Nave ahiimesa malluku khumi ni meelli a malloko khumi ni meelli a Aisraele.

Eksodo 32:33

Koma Apwiya yaamulleella Mose wi, “Yooyove akichimwelle miyaano, sika kinaavenyiheemi nnddina naye munibukhuni mwaka.

Eksodo 34:27

Apwiya yaamulleellattho Mose wi, “Lemba mawaalla, ekaamba yawi moollikana mawu yaalla, kinnakeraatthiha echipangano ni weyaano ni Aisraele attheene.”

Miyambo 10:7

Oolungama annadala vawuupuwelliwani koma nnddina na oonanara nineerewunta.

Yeremiya 30:2

Yaawa wa Yeremiya wi, “Olembe mu nibukhu ddittheddene kuulleelleemi.

Yeremiya 36:2

“Kusa nibukhu nave olembevo mawu mattheene ayo killotilleemi ni weyaano dda Israele ni Yuda ni dda mitundu ddittheddene dda athu ovenyera nllapo kallotilleemi ni weyaano enthawi ya Yosiya ophiyera ollello.

Numeri 24:20

Vano Balamu aamoona m'masomphenya Amaleke, aamba ollotella wi, “Amaleke aari awaamba va mitundu ddittheddene, koma wookomella wiwa oneerewoonongeya.”

Numeri 33:2

Mose aalemba manddina a mapuro mattheene ayo yatthipenlliiwavo misasa moollikana ni mmo Apwiya yalamulelliiwa.

Deuteronomo 31:9

Vano Mose aalemba lamulonno nave aawinnya allupa mukutho, anamwani a Levi, ayo yapwatha nibokosi na echipangano na Apwiya. Nave aawinnyattho oohoollella a Israele.

Yoswa 4:7

Mwaalleelleke wi, ‘Maaddi a m'muhinjeni wa Yordani yahiimella ehineeta, nibokosi na echipangano na Apwiya nallapuwiiwa muhinjoolla.’ Malluku yaalla ekhalle omboni wa Aisraele.”

1 Samuele 15:18

Nave Apwiya yahuurumani wi, ‘Khawe wawoononge Aamaleke, athu oonanara murimaalle nave wawanena ekhoto ophiyera waatthollosille attheene.’

1 Samuele 30:1

Viviralle mallapo mararu, Davide ni athwaaye yaaphiya o Zikilagi. Vano yaaphwanyille Aamaleke yoonongille embali ettheene yoomwera wa Yuda ni owana ni athu a mu etawoni ya Zikilagi. Yahaagonjiha athu a mu etawoneeyo, eyihella munllo.

1 Samuele 30:17

Vano Davide ni athwaaye yaawanana ekhoto waambeella ohinase ophiyera misikuwa. Khaavo mwa Aamaleke naari mmodda avulluwalle waapatula athu 400 ayo yawenlle ekamira* ddiwa ethawa.