Eksodo 16:8 - Mawu a Mulluku

⁸ Nave Mose aallota wi, “Tti Apwiya ayo enuuvaheni misikuwa enama yawi muche nave ohinase buledi awi muvone, ekaamba yawi ahiiwa okhupanya wanyu ottheene woomuvaanyiha. Hiyaano niri aani? Okhupanya wanyu khemunakhupanyella wa hiyaano koma wa Apwiya.”

Eksodo 16:8 Iomraidhean Croise

Eksodo 16:12

“Kohiiwa okhupanya wa Aisraele. Nave alleelle wi, ‘Misikuwa muneerekoocha enama nave ohinase muneerekomucha buledi ookwakhwanella, sika muneerodduwella wi mi tti Apwiya Mullukwaanyu.’ ”

Eksodo 16:9

Vano Mose aamulleella Aroni wi aalleelle athwaayo wi, “Waani mwiimelle vamiitthoni va Apwiya ekaamba yawi ahiiwa okhupanya wanyu ottheene.”

Eksodo 17:2

Vano athwaayo yahaamba okangana ni Mose nave yaallota wi, “Nivaheni maaddi oowirya.” Mose ahaakoha wi, “Kaambiiwa tini munakanganeenyu ni miyaano? Kaambiiwa tini munaweeseenyu Apwiya?”

Yesaya 32:6

Ookarangeya anallota ddookarangeya nave anaganiza ddoonanara. Ddaweera ni ddoollota ddaye tti ddawaanyaambusa Apwiya. Olliye khanaachiha eettalla nave khanaavaha maaddi anthona.

Yesaya 37:29

Ekaamba yawi waakishella murima, wiitukhulla wawo wahiiweya wa miyaano, kineeromedda ephunaawo ni embeza, kineerohiya mukoko muwano mwawo, kineerewuuhokollosella mutulli vooweetihani ettilla waweelleewe.’ ”

Numeri 11:18

Waalleelle athwaayo wi, ‘Muddeellihe okhozekella ddoosiisello nave muneerocha enama. Nyuwaano mwahinlla Apwiya yiiwaka valle mwalloteenyu wi, Ttaani anaanivahe enama. Vallethi ddeko ddaananeetalla phaama o Iguputo.’ Sika ekaambiiwa Apwiya enaawuuvaheewani enama nave muneeroyicha.

Numeri 14:27

“Ethiyo athu oonanara ddiiddaalla enaahiye niini okiinyullulla? Kohiiwa wiinyullulla wiwa nko enakeerelliiwa.

Numeri 21:7

Vano athu yaawa wa Mose emulleella wi, “Pepaani naachimwa voowiinyullullani Apwiya ni nyuwaano. Muvekelle wa Apwiya wi enivenyihellevo enowanndda.” Sika Mose ahaavekellella athwaayo.

Mateyu 10:40

“Oyo anawaakhellani nyuwaano anakaakhellattho miyaano, oyo anakaakhella miyaano annamwaakhellattho Mulluku oyo akirumalle.

Mateyu 9:4

Koma Yesu aadduwella maganizwiiwa sika ahaakoha wi, “Kaambiiwa tini munaganizeenyu ddeko ddoonanarannddo?

Luka 10:16

Vano Yesu ahaalleella athu aarumalleeyaalle wi, “Oyo anawiiwellellani nyuwaano anakiiwellella miyaano nave oyo anuukhootani nyuwaano anakikhoota miyaano nave oyo anakikhoota miyaano anamukhoota oyo akirumalle miyaano.”

Yohane 13:20

Ddawoona, kinimuulleellani wi oyo anamwaakhella muthu oyo kinamurumeemi, anakaakhellattho miyaano. Nave oyo anakaakhella miyaano anamwaakhella oyo aakirumalle.”

Aroma 13:2

Sika ayo ehinawiiwellella oolamulella kheniiwellella eyo yakeraatthihiwe ni Mulluku nave yaayo eneerollakiwa.

1 Akorinto 10:10

Nihiwinyeke wonanko amodda a alliwaayo vawi yahiiphiwa ni Mungelo Awiipha.

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

1 Samuele 8:7

Apwiya yaallota ni Samuele wi, “Wiiwellelle ddittheddene nnddo athwaayo enuulleelliiwa. Khenuukhoota weyaano koma miyaano. Khenapaalla wi kikhalle mweniiwa.