Eksodo 16:3 - Mawu a Mulluku

³ “Waweerokhalla phaama Apwiya yaniiphelleke o Iguputo weewulle, nko nakhalleseehu nichaka enama ni buledi nave naanavona. Koma nyuwaano munikuselle o echipululu wuno wi muniiphe attheene ni ettalla.”

Eksodo 16:3 Iomraidhean Croise

2 Samuele 18:33

Enthawi yeeyo mwenooyo aamoriwa ethakaraka wunchichi awella aninlla mu echipinda yavaddullu va mullako wa muzindooyo. Vano akhwaranyeeye, inlla wi, “We mwanaka Abishalomu, mwanaka, mwanaka Abishalomu, kakhwilleke miyaano munipuroni na weyaano! Mwanaka Abishalomu, mwanaka!”

Yobu 3:1

Vatulli viwa Yobu aattaphulla vayanoni vaye aamba otembelela nllapo naye nooyariwa.

Yobu 3:10

Vawi kheyaawanlle nchiwi na erukullu wi kihiyariwe, okiipitthiha wi kihikumane ni ddoohoosa.

Yobu 3:20

Ethiyo nndduwa ninamoopella tini muthu oohoowa? Ethiyo anavahelliwa tini okumi muthu oovoreyiwa murima?

Masalimo 107:5

Yaavolliwa ettalla ni nthona, okumiiwa waangomowa muwari mwiwa.

Masalimo 78:19

Yaanallota moovaanyihana ni Mulluku wi, “Ethiyo Mulluku ttuuwora onivaha yoocha muchipululunimmu?

Masalimo 78:25

Sika athu yaamucha buledi a angelo, Mulluku ahaarumihella yoocha yawaata.

Eksodo 14:11

Yaamukoha Mose wi, “Ethiyo tti ekaamba yawi o Iguputo khewaari nipuro na mahame nyuwaano muniphiyihalleenyu o echipululu wuno wi nikhwellewo? Muneerille tini onikhumiha mu Iguputo?

Eksodo 17:3

Koma athwaalle yaakhalla ni nthona wunchichi nave yaakhupanyella wa Mose ellota wi, “Kaambiiwa tini mwanikhumihelleenyu o Iguputo wi muniiphe ni nthona, hiyaano ni aniihu vamodda ni eziweto ddahu?”

Eksodo 2:23

Viviralle enthawi yoorekama wunchichi mwene a o Iguputoolle aakhwa. Nave Aisraelaalle yaavirellella winlla ekaamba ya okaporwiiwoolle nave yaakhuwa wi ekaviheriwe, sika okhuwa wiwa wahiiweya wa Mulluku.

Eksodo 5:21

Nave yahaalleella wi, “Apwiya yoone mweerilleenyunndda nave yuullakeni vawi mooninanariha vamiitthoni va Farao ni enduna ddaye. Nyuwaano sika muhiyalle nsupada m'mattani mwiwa wi eniiphe hiyaano.”

Yeremiya 2:6

Kheyaapwathille dda mi Apwiya naari kaakhumihalle o Iguputo ni waahoollella mu echipululu, mu ellapo yawumma ni yookateyakateya, mu ellapo yeettalla ni yeepiphi yinchichi, mu ellapo yoohivireya ni muthu, nko ohinakhalla muthu.

Yeremiya 42:14

‘Iyaayi, ninaya o Iguputo wenko, woohikhalla ekhoto, woohiiweya winlla wa nipallapata ni woohirama yoocha wi nakhalle wenko.’

Yeremiya 44:17

Koma nineere ddittheddene nnddo nallupenlleehu. Nineeromoosella lubani mwene aamutthiyana ooddullu ni omuheraatthella mikutho ddaddoowirya wonanko neerelleehu ni makhollwaahu, mamwenaahu ni enduna ddahu m'mizindani dda o Yuda ni m'misewuni dda o Yerusalemu. Enthawi yeeyo naakhalla ni yoocha yinchichi nave naanavona voohikhalla ddookatamiha.

Maliro 4:9

Anakari tti ayo yiiphiwe vakhotoni, okhwaranya ayo yakhwille ni ettalla. Vawi attallaalla yamalliheya vang'ono vang'ono ekaamba yoorama yoocha.

Numeri 11:15

Vanothi mwaapaallaka okeerella echifundo tti waphaama wi mukiiphe ohiyana wi koone ddoohoosannddo.”

Numeri 11:20

Muneeroyicha mweeri muttheene ophiyera yuukhumalleni mphunani nave muneerovoriiwana. Ddenndda ddineereweereya ekaamba yawi mohaakhoota Apwiya ayo enakhalla variyari vanyu nave mookhupanya vamiitthoni viwa voollotani wi, ‘Kaambiiwa tini nakhumalleehu o Iguputo?’ ”

Numeri 14:2

Attheene yahaamba owiinyullulla Mose ni Aroni. Athu attheene yahaalleella wi, “Waaweerokhalla waphaama nakhwenlleke o Iguputo apaalle muchipululuni mwemmu.

Numeri 14:3

Kaambiiwa tini Apwiya enanivollochihiiwa mu ellapo yeeyo wi niiphiwe okhotoni? Awarihu ni aniihu eneeropharelliwa wuukaporoni. Ethiyo khokhalla phaama wi nihokollweelle o Iguputo?”

Numeri 16:13

Ethiyo ddohuuyevellani ddawi mwaanikhumiha mu ellapo yoohirama ddoocha wi nikhwelle muchipululunimmu? Ethiyo munapaalla wi mukhallettho mwenaahu oonilamulella?

Numeri 16:41

Koma osaka wene Aisraele attheene yahaahumullulla Mose ni Aroni wi, “Nyu moowiipha athu a Apwiya.”

Numeri 21:5

Athwaalle yahaamba omwiinyullulla Mulluku ni Mose enallota wi, “Kaambiiwa tini mwanikhumihalleenyu mu ellapo ya Iguputo wi nikhwelle muchipululunimmu? Wuno khawuri yoocha naari maaddi nave yoocha yoohikhalla ni muttekweella yoonidduurya.”

Mitteko 26:29

Paulo ahaakhulla wi, “Khaya ddinaakuse enthawi yooyeva apaalle yoorekama, nivekello naka wa Mulluku sika nawi nyuwaano ni athu attheene enakiiwellella ollellwaalla ekhalle wonanko miyaano, opatula omakiwave ni onyoloolla!”

1 Akorinto 4:8

Ethiyo mookhallana khalle erive ello munapaalleenyu? Ethiyo vano muri eeyuuma? Ethiyo mookhalla mamwene vano naari hiyaano nihinakhallevo? Ddaawerokhalla phaama mwaakhanlleke mamwene wi hiyaanottho nikhalle mamwene ni nyuwaano.

2 Akorinto 11:1

Waaweerokhalla waphaama mwakaakhullenlleke naari kiri ookarangeya vang'ono. Kinimuuvekani wi mweere ddiiddo!

Deuteronomo 28:67

Mirima ddanyu ddineeroddalla ni woova erive ello munaayooneenyu. Ohinase munaapaalleke ori mahiiyu nave mahiiyu munaapaalleke ori ohinase.

Deuteronomo 8:3

Yahuukhumullani vawuuvollihani ettalla komattho yahuuvahani mana wi muche yoocha eyo nyuwaano ni makhollwaanyu mwahiyidduwenlleenyu waambeella khalle. Yaheera ddenndda wi yuuhuddiheni wi muthu khanakhalla ni okumi ni yoochave koma ni mawu mattheene ookhuma muwano mwa Apwiya.

Yoswa 7:7

Vano Yoswa aallota wi, “Nyu Apwiya Mulluku! Kaambiiwa tini munillapusalleenyu muhinje wa Yordani munivelleella m'mattani mwa Aamori wi enoononge? Mwahinihiya okhopella wa muhinje wa Yordani weewulle?