Eksodo 15:8 - Mawu a Mulluku

⁸ Mwaaviddeellelleenyu maaddaalle, yahuukellana vanipuroni nimodda, maaddi oothamaka yahiimella wonanko esiri, embali yoowallamella ya enyanja yaari yoollipa.

Eksodo 15:8 Iomraidhean Croise

2 Samuele 22:16

Mitthipidda dda enyanja yoowallamella ddahooneya, matthipello a ellapo yavatthi yaakhalla vaweella, Apwiya yasimwalliiwa moowalli, yavumalliiwa mpweya mwamasiva ovenyera mphunani mwiwa.

Yobu 4:9

Ni ovuma wa Mulluku, ennoonongeya, ni owallaaye annaashellelliha.

Masalimo 33:7

Yahaatthukumaniha vamodda maaddi a mu enyanja yoowallamella, yaahiyella mookomella mwiwa wi ehisefukelle.

Masalimo 78:13

Aayiikawa enyanja wi alliwa evirevo, ahiimesa maaddi wonanko esiri.

Eksodo 14:29

Koma Aisraele attheenaalle yaallapuwa enyanjeeyo vawumma, maaddi yiimenlle wonanko esiri onnattanatta ni wuunyotthoni.

Yesaya 11:4

Oohoowa aneeroweeruza mweechilungamo, athu shisha a va ellapo yavatthi aneerewaakamullella millatu moohiweha ekhove. Mawu muwano mwaye enaakhalle ekopo yawaallakella oochimwa, mpweya wa vayanoni vaye oneerowiipha oochimwa.

Yesaya 37:7

Kineerohiya m'murimani mwa mwene maganizo mamodda awi iiwa ephevove aneerowatiheriwa ohokollweella o ellapwaaye nave mi kineeromwiiphiha owaniwa wenko.’ ”

Habakuku 3:10

Miyaango ddawoonilleewani ddaatikheya, maaddi yaamora ovenyera oddullu. Maaddi a vatthi va ellapo yaathuruma, mafundiiwa yaawella muddullu.

Habakuku 3:15

Mwaanyingalla enyanja ni akavalwaanyu, maaddi amasiva manchichi yaapanga niphoru.

2 Atesalonika 2:8

Nave vano oonanaroolla aneerewuupullulliwa nave Apwiya Yesu yawa, eneeromwiipha voomuviddeellellani mpweya wa muwano mwaye nave aneeromoononga ni wooneya wa owa waye.

Yoswa 3:13

Allupa mukutho ootukhulla nibokosi na echipangano na Apwiya, Apwiya a ellapo yavatthi ettheene, yanyingalla maaddaayo, maaddi mattheene a muhinje wa Yordani oovenyera omwaako eneerohiya weeta nave eneerewiimella wonanko esiri.”

Yoswa 3:16

maaddi mattheene yahiimella ehineeta. Maaddi a omwaako yahuukaana wonanko esiri yoorekama ovenyera o Adama vakhuviru ni muzinda wa Zaretani. Maaddi ooya mu enyanja ya Araba eyo yeeriwa Enyanja Yookhwa yaawelleella nave athu yaallapuwella ekhopella emodda vakhuviru ni muzinda wa Yeriko.