Eksodo 15:7 - Mawu a Mulluku

⁷ Munnaagonjiha adanaanyu ni ntitimiho nanyu nuullupalli, osha murima wanyu onnawoosa wonanko mittatthi.

Eksodo 15:7 Iomraidhean Croise

Yobu 9:4

Mulluku tti eezeru ni amasiva, khaavo anaallipanena ni opambana.

Masalimo 148:13

Attheenaayo yaatitimihe Apwiya, vawi nnddina niwave nenno tti nooriiheya, ntitimiho niwa tti nookhwaranya vatthimva ni muddullu mwene.

Masalimo 59:13

Muwoononge moowallaanyu, muwoononge wi etthollowe, wi athu edduwelle wi Mulluku sika anamulamulella Yakobo ophiyera omalla wa ellapo yavatthi.

Masalimo 68:33

Apwiya ayo enawella m'miraponi, muddullu mwakhallekhalle iwani mawiiwa amasiva manchichi.

Masalimo 83:13

Nyu Mullukwaaka, atthattuseni nthupi noovavihiwa, ekhalle wonanko mallulla oopallallesiwa ni ephevo.

Eksodo 14:27

Nave aatthoonyihella nnatta naye onyanjani nave oyaaka ni osa, maaddaayo yaari ehokollweellaka m'mapuroni mwiwa. Aiguputo yaheeseesa wi ethawe koma Apwiya yahaahokollosa ni waakakhella munyanjanimmo.

Eksodo 5:12

Sika athwaalle yaamwareya mu ellapo ettheene ya Iguputo waashaasha manasaayo ni mapallakeene.

Eksodo 9:16

Koma kohuusungani ni okumi wi koonihe masivaaka ni ovuwiha epillaaka mu ellapo yavatthi ettheene.

Yesaya 37:17

Sika nyu Apwiya, apellani maaru mwiiwe. Nyu Apwiya khunuullani miittho wi moone. Mwiiwe mawu mattheene ayo Senakeribu allotilleeye awuuvevullani nyu Mulluku Ookumi.

Yesaya 37:23

Ethiyo we okhanlle omuvevullaka ni omullotella epewe? Ethiyo ttaani omukhuwenlleewe ni omuweha mwawiitukhulla? Khe mmodda koma Aweelloolle a Israele!

Yesaya 37:29

Ekaamba yawi waakishella murima, wiitukhulla wawo wahiiweya wa miyaano, kineeromedda ephunaawo ni embeza, kineerohiya mukoko muwano mwawo, kineerewuuhokollosella mutulli vooweetihani ettilla waweelleewe.’ ”

Yesaya 37:36

Mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

Yesaya 37:38

Nllapo nimodda avekellaka mu enyumba ya Nisiroki, mullukwaaye, anaaye eelli, Adrameleki ni Sharezere yaamwiipha ni masupadiiwa ethawella o ellapo ya Ararati. Nave Esarahadoni, mwanaye mmodda aavollowa omwene munipuroni mwaye.

Yesaya 47:14

Ngoona, athwaalla tti wonanko mittatthi, eneeroosha ni munllo, Khewora wiivullusa weekhiiwa o masiva a mallumi amunllo. Munllweene tti woohootheya tti woohaatamelleya.

Yesaya 5:16

Koma Apwiya Amasiva Mattheene aneerotitimihiwa ekaamba ya echilungamwiiwa. Mulluku Aweella aneerewooniha weella waye vaweerani ddoolungama.

Yesaya 5:24

Sika wonanko munllo onoonongelliiwa muttatthi ni manasi, emoddamoddave yeeyo musisiiwa oneerewunta nave malluwiiwa eneeronyaalla ni ovava wonanko nthupi kaambiiwa yaakhoota malamulo a Apwiya Amasiva Mattheene nave yaavevulla mawu a Aweella a Israele.

Yeremiya 10:6

Khaavo oollikana ni nyu Apwiya, nyuwaano tti amasiva, nnddina nanyu nookhalla ni masiva muullupalli.

Mika 4:11

Vano mitundu ddinchichi ddootthukumana wi ddiwane ni weyaano Ziyoni voollotani wi, “Hankoni nimuripihe, noone omalla wa Ziyoni.

Zekariya 14:3

Vatulli viwa Apwiya eneeroowa wi ewane ni adanaayo wonanko yeerelliiwa nllapo na ekhoto.

Zekariya 14:8

Nllapo nenno maaddi ookumi eneerokhuma ovenyera o Yerusalemu. Hafu a maaddaayo eniithellelleke mu enyanja ya wookhuma nndduwa, hafu mmodda mu enyanja ya woovollowa nndduwa. Ddenndda ddineereyeke va enthawi yeellimwe navettho yooriirya.

Zekariya 2:8

Vawi arive muthu anuurontthani anaronttha m'mwiitthoni mwaka.” Sika Apwiya Amasiva Mattheene aakirumiha wi kaddilleelle mitundu dda athu nnddo ddawaakhille athwiiwa wi,

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Mateyu 3:12

Ookusa etthello m'mattani mwaye wi amuveethe tirigu. Aneeromuhella tirigwaaye mukhokweni mwaye; koma aneerowoosa mallullaayo vamunlloni woohithiima.”

Mitteko 9:4

Ahiikuha nave ahiiwa mawu awi, “Saulo, Saulo! Onakihoosella tini?”

Deuteronomo 33:26

We Yeshuruni, khaavo oollikana ni Mulluku, oyo aneeta ni ntitimiho muddullu, oyo anawella vamiraponi wi uukavihere.

Deuteronomo 4:24

Vawi Apwiya Mullukwaanyu tti munllo wooshellelliha nave tti Mulluku eehache.

Aheberi 12:29

Vawi Mullukwaahu ari wonanko munllo wawoononga.