Eksodo 15:5 - Mawu a Mulluku

⁵ Maaddi a enyanja yoowallamelleeyo yahaahuruwella attheene, yaapwina ophiyera vatthi va enyanja wonanko nlluku.

Eksodo 15:5 Iomraidhean Croise

Nehemiya 9:11

Mwaayikawa enyanjeeyo variyari alliwaayo yoonaka wi ellapuwe vawumma nave mwahaavokhella m'maaddini oowallamella ayo yaathwara nave yaapwina wonanko nlluku.

Masalimo 106:11

Maaddi yahaamirya adaniiwa attheene, khaahaanllevo naari mmodda.

Eksodo 14:28

Nave maaddaayo yaakumanella, emirya magaretaalle ni oowella va akavalwaayo, mulloko muttheene wa akhoto a Farao olle waathwara Aisraele. Khaarivo naari mmodda avulluwalle.

Eksodo 15:10

Koma mwahaaviddeellella ni ephevwaanyu nave enyanja yahaamirya, yaapwina wonanko mukoko ophiyera vatthi va maaddi awoopiha.”

Eksodo 15:16

Attheenaayo ennoova wunchichi. Ekaamba ya masivaanyu muullupalli, alliwaayo eri ellapo tuu wonanko nlluku, ophiyera athwaanyu, nyu Apwiya, eviralle, athu mwawooponlleenyu wuukaporoni.

Miyambo 8:24

Kaayariwa enyanja yoowallamella ddihinaphaatusiwe, aneetuutu ehinakhallewo.

Ezekiele 27:34

Koma vano wohunttakeyella mu enyanja vatthivatthi va enyanja, We, katundwaawo ni allupa muttekwaawo attheene moomallella nimodda mu enyanja.’

Yona 2:2

Aallota wi, “Nyu Apwiya, kaariimi mu mahame kaawiithanani, nave mwaakaakhulla. Mi vookhallani mu ellapo ya ookhwa kahinllella wa nyu wi mukikavihere, nave mwahaakhella nivekello naka.

Mika 7:19

Muneeroneerellattho echifundo Muneeronyingallella vatthi machimwaahu ni otathillella mu enyanja yoowallamella.

Mateyu 18:6

“Koma muthu oyo aneeriha wi mmodda a ang'onong'onwaalla ahiye okikhulupilila miyaano, waaweerokhalla waphaama wi nlluku na nsillo namakellelliweke munikohini mwaye nave apwinihiwe mu enyanja yoowallamella.

Yawuupullulla 18:21

Vano mungelo amasiva aatukhulla nlluku wunnuwa wiwa wonanko nsillo anivokhella mu enyanja allota wi, “Mmu sika mmo muzinda woovuwa Babiloni aneereeye avokhelliwe vatthi nave khawa ooneyattho.