Eksodo 15:26 - Mawu a Mulluku

²⁶ Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Eksodo 15:26 Iomraidhean Croise

1 Mamwene 11:33

Kineereweera yeella kaambiiwa Solomoni ookikhoota miyaano, anamullapella Ashitoreti mulluku aamutthiyana a Asidoni, Kemoshi mulluku a Amowabu ni Milikomu mulluku a Aamoni. Sika khaawiiwellelle, khaaweerille nnddo kapaalleemi nave khaasungalle malamulwaaka ni malangizwaaka monga mmo eerella Davide attiitthinnya.

1 Mamwene 11:38

Nave waawiiwellaka ddittheddene kinuulamuleemi ni othwara malamulwaaka, oneera echilungamo vamiitthoni vaka voothwarani malangizwaaka ni malamulwaaka wonanko Davide oorumeyellaaka, nguuhiya nave kineereweera wi okhalle mwene a Aisraele. Navettho edduullu ddawo ddineerekolamulella wonanko mmo kamweerelleemi Davide oorumeyellaaka.

2 Mamwene 2:21

Vano Elisha aaya o neetuutu, ahellawo mwiinyu oneetuutuninko voollotani wi, “Apwiya eni, ‘Maaddi yaalla kohaachiriha. Waambeella ollello oya muhoollo m'maaddini yaalla khamuwa mukhalla yawiipha apaalle yoolepheliha ethaya wimmiha mmiddo.’ ”

2 Mamwene 20:5

“Hokollowa, wamulleelle Hezekiya, mwene a athwaaka wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Vano kineerewuuchiriha. Oneerowora ollapella o enyumba ya Apwiya omuroto vano.

2 Mamwene 22:2

Olliye aheera ddoolungama vamiitthoni va Apwiya, aanathwara echisanzo ya Davide nikhollo naye mu ddittheddene, oohirukunuwella onnattanatta apaalle wuunyotthoni.

Yobu 5:18

Vawi annaphoriiha navettho annamaka makhwata. Annuukutha navettho mattaaye ennachiriha.

Masalimo 103:3

Tti alliwa enakhululukella machimwaawo mattheene, enachiriha ereta ddawo ddittheddene.

Masalimo 147:3

Ennaachiriha athu a murima woovoreya, ennaamaka makhwatiiwa.

Masalimo 81:9

Vihiwe vikhalla mulluku eelleto variyari vanyu, muhiwe mumullapella mulluku mmodda.

Eksodo 12:29

Variyari va mahiiyu, Apwiya yaawiipha anamwani attheene aallopwana awaamba mu ellapo ya Iguputo. Yamwaambille mwaana aamullopwana awaamba a Farao oyo aphwanella ovollowa omwenaaye, ophiyera mwaana aamullopwana a mukaidi a mu enyumba dda mwiipiphini dda mu endende. Mwaana aamullopwana awaamba a eziweto ahiiphiwattho.

Eksodo 19:5

Sika mwaakiiwellellaka ni osunga echipanganwaaka, muneerokhalla athwaaka variyari va mitundu ddittheddene vawi ellapo yavatthi ettheene tti yaaka.

Eksodo 19:6

Nave nyuwaano muneerokhalla omwene wa allupa mukutho navettho mutundu woopatuleya.’ Sika waalleelle Aisraele mawu yaalla.”

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Eksodo 23:25

Mwaallapelleke Apwiya Mullukwaanyu wi kuudaliseni vawuuvahani yoocha ni maaddi nave kineerewuuchirihani ereta ddittheddene.

Yesaya 55:3

Apellani maaru nave muwe wa miyaano, kiiwellelle wi mukhalle ni okumi. Kineerokeraatthiha ni nyuwaano echipangano yoohimalla, kineerowoonihani echikondi yoohisintheya ni yoohikayikiha eyo kamulonjezilleemi Davide.

Yesaya 57:18

“Kahoona mmo yeerelliiwa komave kineerewaachiriha. Kineerewaahoollella ni waakhurumusa murima nave anaminlla eneerokithokoza ni eyano ddiwa.

Yeremiya 11:7

Erive enthawi kaanaachenjeza makhollwaanyu ovenyera valle kaakhumihalleemi o Iguputo ophiyera ollello. Kaanaalleella wi yiiwellelleke mawaaka.’ ”

Yeremiya 17:24

Vano Apwiya enallota wi, “Koma nyu mukiiwellelleke mi, muhiye omutukhulla katundu apaalle ovollowana va millako dda muzindoolla va Nllapo Sabata nave munisungeke oohiphara mutteko va nllapo nenno.

Yeremiya 30:17

Koma nyuwaano, kineerochiriha ereta ddanyu, kineerovolliha makhwataanyu. Naari amodda yeesaka wi mootathilliwa, voollotani wi ‘Alla tti athu a o Ziyoni, khenna owaapwatha.’ Mi Apwiya koollota.”

Yeremiya 33:6

Koma muhoollo, muzindoolla kineerowuvaha okumi nave athwiiwa kineerewaachiriha ni waavaha ddaphaama ddawaata ni murendelle wawoona.

Yeremiya 7:23

Koma kaalamunle ello emodda wi, ‘Mwakiiwellella miyaano kineerokhalla Mullukwaanyu nave nyuwaano muneerokhalla athwaaka. Mwiiwellelleke malamulwaaka mattheene wi ddeko ddiweetellekeni phaama.’

Yeremiya 8:22

Ethiyo o Giliyadi khawuri murete? Ethiyo wenko khawuri allupa murete? Kaambiiwa tini makhwata a athwaaka ehinavolliiwa?

Ezekiele 18:5

“Vaariki muthu oolungama oyo anathwara malamulo ni weera ddaphaama,

Hoseya 11:3

Komave tti miyaano kaahuddihalle Aefuremu weeta, kaawuupaara m'mattani mwaka koma kheyaadduwella wi tti miyaano kinaachiriha.

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

Levitiko 26:13

Mi tti Apwiya Mullukwaanyu oyo uukhumihalleni mu ellapo ya Iguputo wi muhikhalle akaporwiiwa. Koopwesa nigoli* nanyu wi mweeteke mwawookowa.”

Levitiko 26:3

“Mwaathwareke malamulwaaka mattheene nave mwiiwellelleke moollikana ni mmo kuulamulelleemini,

Numeri 12:13

Vano Mose ahaalleella mookhuwa Apwiya wi, “Mulluku kinimuuvekani wi mumuchirihe Miriyamu.”

Deuteronomo 12:25

Sika muhicheke nikhamenno wi ddiweetelleni phaama nyuwaano vamodda ni edduullu ddanyu ekaamba yaweera ddoolungama vamiitthoni va Apwiya.

Deuteronomo 12:28

Muchenjere wi mwiiwellelle mawu mattheene kuulamulalleemini vaweerani ddaphaama ni ddoolungama vamiitthoni va Apwiya Mullukwaanyu wi ddiweetelleni phaama nyuwaano vamodda ni edduullu ddanyu.”

Deuteronomo 13:18

Eneeroweerellani ddenndda, mwaaweeraka ddoolungama vamiitthoni viwa nave mwaawiiwellellaka Apwiya Mullukwaanyu nave mwaasungaka malamulwiiwa kinawinnyeemini ollello.

Deuteronomo 28:27

Apwiya eneerewuullakani ni etthuku wonanko dda o Iguputo. Muneerokhalla ni makhwata, ovelle ni oneena, ddittheddenenndda ddoohiiwa murete.

Deuteronomo 28:58

“Mwiiwellelleke moororomelleya malamulo mattheene ayo elembiwe mu nibukhunna wi mooveke nnddina noottikhiniha ni nawoopiha na Apwiya Mullukwaanyu.

Deuteronomo 28:60

Eneerewuumorihellani ereta ddittheddene dda o Iguputo nndde mwaddooveenyu nave ddineerowummellellani.

Deuteronomo 32:39

“Onani wi miyaano sika Mulluku mwaneena, nave khaavo mulluku mmodda. Kinniipha nave kinnavahattho okumi, kinnaphoriiha nave kinnachirihattho, khaavo oomuvullusa muthu m'mattani mwaka.

Deuteronomo 5:1

Mose ahaatthukumaniha Aisraele attheene aalleella wi, “Nyu Aisraele, iwellellani malamulo ni malangizo mattheene kinuulleelleemini ollello. Mwaahuddere nave moonesese wi munnaasunga.

Deuteronomo 7:15

Nave Apwiya eneerewuutetezani o erive ereta. Alliwa kheyaakhullella wi ereta ddawoopiha dda o Iguputo munaddidduwelleenyunndde dduumorelleni koma anaaddimorihelle va adanaanyu attheene.