Eksodo 15:25 - Mawu a Mulluku

²⁵ Sika Mose aavekella moollipiha wa Apwiya nave Apwiya yaamooniha mwanakopo. Mose aavokha mwanakopooyo m'maaddini nave maaddaayo yaahiya owaawanko. Wenko Apwiya yahaavaha athwaayo malamulo ni ehuddiho nave aaweesattho.

Eksodo 15:25 Iomraidhean Croise

2 Mamwene 2:21

Vano Elisha aaya o neetuutu, ahellawo mwiinyu oneetuutuninko voollotani wi, “Apwiya eni, ‘Maaddi yaalla kohaachiriha. Waambeella ollello oya muhoollo m'maaddini yaalla khamuwa mukhalla yawiipha apaalle yoolepheliha ethaya wimmiha mmiddo.’ ”

2 Mamwene 4:41

Vano Elisha ahaalleella wi, “Muweena othu.” Olliye aawuhella mukarikhoni allota wi, “Akawellenittho athu yoocheeyo wi eche.” Nave kheyaaphwannyemottho ddawoopiha mukarikhonimmo.

2 Mamwene 6:6

Nave muthu a Mulluku aamukoha wi, “Ethiyo kottokooyo amorelle vaavi?” Aamutthoonyihella amorelleeyemvo nave Elisha aakakatha ekopo ayivokhella vamaaddinimvo nave kottokooyo aapelluwa.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Masalimo 66:10

Nyu Mulluku, mooneesa, mooneelliha wonanko siliva aweekiwa phaama.

Masalimo 81:7

Mwaariinyu mu ddookatamiha mwaakiithana, nave miyaano kahuuvullusani. Kaawaakhullani kiri moovittheya mu ogugudeya wa murimu, kaaweesani omaaddini a Meriba

Masalimo 91:15

Akiithana, kineeromwaakhulla, kineerokhalla ni olliye enthawi ya ddoohoosa, kineeromwaakiha ni omuvaha olemu.

Masalimo 99:6

Mwa allupa mukuthwiiwa mwaakhalla Mose ni Aroni, Samuele aari mmodda awiithana nnddina niwa yaaninllella wa Apwiya, alliwa enawaakhulla.

Eksodo 14:10

Vano Farao aatamelle, Aisraelaalle yaawoona Aiguputwaalle yaathwaraka nave yahoova wunchichi, yaambella winlla mookhuwa wa Apwiya.

Eksodo 16:4

Vano Apwiya yaamulleella Mose wi, “Kineerewuuvahani yoocha eyo enaamore wonanko murimu ovenyera oddullu. Athu enaakhumeke nllapo ni nllapo enaya yatthukumanihaka yoocha yookwakhwanella nllapo nenno wi kiweese nave koone yaarimi ethwareke malamulwaaka apaalle iyaayi.

Eksodo 17:4

Sika Mose aavekella wa Apwiya mookhuwa allota wi, “Ethiyo keerena tini athu yaalla? Alliwaalla ehannlle vang'ono okivokha malluku.”

Eksodo 20:20

Vano Mose awaakhulla wi, “Muhoove vawi Mulluku oophiya wi aweeseni wi mumooveke m'murimani mwanyu navettho wi muhichimwe.”

Miyambo 17:3

Siliva aneekiwa mwiipalleni nave golide ni munllo koma murima wa muthu oneesiwa ni Apwiya.

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Yeremiya 9:7

Ekaamba ya ddenndda Apwiya Amasiva Mattheene enallota wi, ‘Wonanko mukoko, kineeroweeka athwaaka. Alliwa tti oochimwa, kinaawore mwawiidde waahiyerera?

Ezekiele 47:7

Niphiyallewo kahoona miteekho ddinchichi erive embali ya muhinjooyo.

Ezekiele 47:8

Vano aakilleella wi, ‘Maaddi yaalla enaya o echigawo ya wookhuma nndduwa wa ellapo yoophiya o ntapo na Araba. Vookomihellani eneerewiithellella mu Enyanja Yookhwa mmo maaddiiwa eri amwiinyu nave maaddaayo eneeroddiva.

1 Akorinto 1:18

Othenga wa okhwa wa Khrisitu vamutandani tti wookarangeya wa ayo enaawoonongeye. Koma wa hiyaano ninaavullusiwe ori masiva a Mulluku.

Deuteronomo 13:3

nyuwaano muhiiwellelle ddennddo vawi Apwiya Mullukwaanyu enapaalla eweeseni wi yoone mwaarimi mwaakondaka ni okumaanyu muttheene.

Deuteronomo 8:16

Yahuuvahani mana muchipululuni wi muche, yoocha eyo makhollwaanyu yahiyidduwenlliiwa wi yuuyeviheni ni oweesani wi vatulli viwa yuudaliseni.

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

Oweeruza 2:22

Vano kineeroweesa Aisraele wi kiwoone yiiki epwatheke ni weeta ettilla dda mi Apwiya wonanko yeerella makhollwiiwa apaalle iyaayi.”

Oweeruza 3:1

Vano waakhalla milloko ddimodda nnddo ddahanlle mwiillaponimmo wi Apwiya eweesekena Aisraele ayo yahoonillena erive ekhoto mu Kanani.

Oweeruza 3:4

Yaahiyalle wi eweesekena Aisraele wi ewoone yaawiiwellellaka malamulo a Apwiya ayo yaalamulelliiwa makhollwiiwa oweella mwa Mose.