Eksodo 15:22 - Mawu a Mulluku

²² Vano Mose ahaahoollella Aisraele ovenyera o Enyanja Yoofiira wulle eya yavollowa mu echipululu ya Shuri. Yaheeta mwemmo mallapo mararu, oohiphwanya maaddi.

Eksodo 15:22 Iomraidhean Croise

Genesis 16:7

Mungelo a Apwiya aakumana ni Hagara va neetuutu a mu echipululu va musewu wooyeella o Shuri.

Genesis 20:1

Abrahamu aatthaamawo o Mamure aya o echigawo yoomwera ya Kanani. Aakhalla variyari va muzinda wa Kadeshi ni ellapo ya Shuri nave aakhalla wonanko mulleto mu echigawo ya Gerari.

Genesis 25:18

Edduullu dda Ishmaele ddakhalla mu ellapo ya variyari va Havila ni Shuri, wookhuma nndduwa wa Iguputo, va ettilla ya o Asiriya. Nave ddakhalla moohiyana ni edduullu ddimodda dda Abrahamu.

Masalimo 136:16

Yahaahoollella athwiiwa mu echipululu, echikondiiwa yoohisintheya tti ya enthawi yoohimalla.

Masalimo 77:20

Mwahaahoollella athwaanyu wonanko enkhosa oweella mwa Mose ni Aroni.

Masalimo 78:52

Vano Mulluku ahaakhumiha athwaaye wonanko enkhosa, anaahoollella muchipululuni wonanko eziweto.

Masalimo 78:53

Ahaahoollella phaama wawi kheyoova, enyanja yahaamirya adaniiwa.

Eksodo 17:1

Aisraele attheenaalle yaavenyawo o echipululu ya Sini wulle nave yaamoona weeta ovenyera va makonello mamodda ophiyera va makonello mamoddattho moollikana ni mmo Apwiya yalamulelliiwa. Vano yaatthipella misasa o Refidimu nave khewaari maaddi oowirya.

Eksodo 3:18

Mulluku aavirellella ollota wi, “Eneerewiiwa nnddo oneereewe waalleelle. Sika weyaano ni oohoollella a Aisraelaayo muye wa mwene a o Iguputo nave mwamulleelle wi, ‘Apwiya Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu.’

Numeri 33:8

Etimullalle o Pihahiroti yaallapuwa variyaririyari va enyanja, evollowa mu echipululu. Vano yaheeta olendo wa mallapo mararu mu echipululu ya Etamu, yatthipella misasa ddiwa o Mara.

1 Samuele 15:7

Saulo ahaagonjiha Aamaleke ovenyera o Havila ophiya o Shuri, wookhuma nndduwa wa Iguputo.

1 Samuele 27:8

Vano Davide ni athu ayo aariiyena yaanaya yawanaka ekhoto ni Ageshuri, Agerizi ni Aamaleke. Athu yaalla yaari aneena eellapweeyo waambeella khalle. Matawoniiwaayo yaambeelle o Shuri ophiyera omalireni wa ellapo ya Iguputo