Eksodo 15:14 - Mawu a Mulluku

¹⁴ Mitundu ddimodda ddahiiwa nave ddaatthukumella, woova wunchichi wohaaphara Afilisti.

Eksodo 15:14 Iomraidhean Croise

1 Epilli 14:17

Ovuwa wa nnddina na Davide waamwareyella mu ellapo ddittheddene nave Apwiya yaaweeriha athu a mitundu ddittheddene wi emooveke.

Masalimo 48:6

Yaatthukumella ni woona ovoreya wunchichi wonanko mutthiyana enthawi yooyara.

Masalimo 48:7

Nyu Mulluku mwaawoononga, wonanko mmo ephevo ya wookhuma nndduwa enoonongelliiwa ekallawa ddooya o Tarishishi.

Yesaya 14:29

“Nyu Afilisti, muhihakallalle vawoonani wi Aasiriya ayo yaari wonanko ekopo yoowuukuthani aatthollowa. Mu mutundu wa enowa shisha muneerokhuma evilli nave mu mutundu wa evilliiyo muneerokhuma enowa yanttipwi yoothamaka wunchichi.

Yesaya 14:31

“Nyu avamullako, inllani moollipa! Nyu millako, vekani nikavihero mookhuwa! Nyu Afilisti, tthukumellani ni woova! Onani nthupi niri phellaa! Ovenyera ompoto nave va akhoto enaawaayo kheviri awoova.

Yesaya 23:5

Nyu ookhalla mukhwipi mwa enyanja, Aiguputo eneerorurumuwa ni woova vawiiwani ddimweereyelle Tiro.

Ezekiele 32:9

“Kineerohoosa mirima dda athu a mitundu ddinchichi kuupharella wuukaporoni variyari va mitundu ddimodda o ellapo nnddo ohinaddidduwelleewe.

Habakuku 3:6

Iimella, ellapo yavatthi ennatikheya, aweha mitundu dda athu ddaatthukumella, Miyaango ddookeraattheya ddaakumuwa, asimiyaango akhalle ennawarama nko eeteeyewo khalle.

Habakuku 3:7

Kaawoona athu a o Kushani yoovaka, a o Midiyani etthukumellaka.

Numeri 14:14

Vano Aiguputo eneerewaatthopoollella athu a mwiillaponimmu. Alliwa ahiiwa khalle wi nyu Apwiya muri variyari va athu yaalla nave munnawooneyella vamiitthoni ni vamiitthoni nave murapwaanyu onnaakhuneella. Otthaana munaahoollella ni opoto amurapo nave mahiiyu munaahoollella ni opoto amunllo.

Numeri 22:5

aarumiha othenga owaniwa wa Balamu, mwaana a Beori, o Petori vakhuviru ni muhinje wa Yufurate wi awe nave amulleelle wi, “Athu oovenyera o Iguputo aaddalla ellapo ettheene nave enawehana ni hiyaano.

Deuteronomo 2:25

Waambeella ollello kineerekowoopopiha athu a va ellapo yavatthi wi ewoovekeni. Arive muthu iiwa dda nyuwaano aneerotthukumella ni woova ni otathilla murima ekaamba yoowoovani nyuwaano.’ ”

Yoswa 10:2

ahoova wunchichi vawi Gibiyoni waari muzinda muullupalli wonanko orive muzinda wookhalla ni mwene nave waari muullupalli okhwaranya muzinda wa Ai navettho akhotwiiwa yaari amasiva.

Yoswa 2:11

Niiwalle ddenndda, attheenehi naatathilla murima nave nahaamba owoovani nyuwaano. Ninnadduwella wi Apwiya Mullukwaanyu tti Mulluku ooddullu ni ellapo yavatthi ettheene.

Yoswa 9:24

Alliwa yahaakhulla wi, “Apwiyaahu, hiyaano naheera ddenndda kaambiiwa nahiiwa wi Apwiya Mullukwaanyu, yaamulamula oorumeyelliiwa Mose wi uuvaheni ellapo ettheeneella nave wi muwiiphe athu attheene orive weko nko munawaphwanyeenyu. Sika naheera ddenndda vawi naawoovani wunchichi nave napaalla ovullusa okumaahu.

Yoswa 9:9

hiyaano akaporwaanyu nivenyenre o ellapo yawoorekama ekaamba yawi nohiiwa dda Apwiya Mullukwaanyu. Nohiiwa epilli ettheene ya nnddo eerilleeye o Iguputo,

1 Samuele 4:7

Afilistaayo yahoova vawi yaallota wi, “Woophiya milluku omisasani wahu.” Nave yaallota wi, “Otulli ori ni hiyaano vawi ovenyera khalle ello yawi ddiidda khenaneereyelleke.

1 Samuele 4:8

Niri mu ddoohoosa! Ttaani anaawore onivullusa wa milluku ddamasivanndda? Ddennddathi tti milluku nndde ddawiiphalle Aiguputo ni millilli dda orive mutundu muchipululuni mulle.