Eksodo 15:13 - Mawu a Mulluku

¹³ “Koma athu ayo mwawoopollilleenyu, mwahaahoollella ni echikondaanyu yoohimalla, mwahaahoollella ni masivaanyu, oya onipuroni nanyu naweella.

Eksodo 15:13 Iomraidhean Croise

Genesis 19:16

Koma Loti aanakayikellave, sika Apwiya yaamweerella echifundo. Mwawi ddiiddo athwaayo yaamukusa Loti, mwaariye ni anaaye eellaalle mwawaaphareella muwono, yaakhumihella otte wa muzindooyo.

2 Samuele 15:25

Vano mwenoolle amulleella Zadoki wi, “Tukhullani nibokosi na echipangano na Apwiyanna muhokollweellena m'muzindani. Apwiya yakeerella echifundo eneerokihokollosa wi kinoonettho nibokosi na echipangano ni nipuro niwa nene.

Nehemiya 9:12

Otthaana, mwaanaahoollella ni murapo, mahiiyu mwaanaahoollella ni munllo.

Masalimo 106:9

Aayihumullulla Enyanja Yoofiira yumma, ahaahoollella mu enyanja yoowallamella, yeeta vawumma wonanko mu echipululu.

Masalimo 74:2

Wuupuwelleni athwaanyu ayo mwaapatulalleenyu ovenyera khalle, mutundu oyo mwawooponlleenyu wi okhalle yoohallanaanyu. Upuwellani mwaango wa Ziyoni nko mwakhanllekeenyuwo.

Masalimo 77:20

Mwahaahoollella athwaanyu wonanko enkhosa oweella mwa Mose ni Aroni.

Masalimo 78:35

Yahuupuwella wi Mulluku tti nlluku niwa, wi Mulluku Amasiva Mattheene tti owaavullusiiwa.

Masalimo 80:1

Nyu mbusa a Israele, ngiiwani nyu oyo munaahoollella athu a Yosefe wonanko mulloko wa enkhosa, nyu oyo munakhalla va akerubi* wonanko mpandwaanyu woomwene,

Eksodo 15:16

Attheenaayo ennoova wunchichi. Ekaamba ya masivaanyu muullupalli, alliwaayo eri ellapo tuu wonanko nlluku, ophiyera athwaanyu, nyu Apwiya, eviralle, athu mwawooponlleenyu wuukaporoni.

Eksodo 15:17

Munnaavollochiha nave munnaahiya vamwaangonaanyu, vanipuroni mvo nyu Apwiya mwapangilleenyu wi mukeraattheyevo, mu enyumbaanyu eyo mwayimakelleenyu.

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Eksodo 6:6

Sika weyaano waalleelle Aisraele mawaaka awi, ‘Mi tti Apwiya. Nave kineerewuukhumihani mu okaporo m'mattani mwa Aiguputo nave kineerewuuvullusani o mutteko wa kalavulagaga. Nave kineerowoopollani ni nnatta naka namasiva ni ollaka wawoopiha.

Yesaya 51:10

Ethiyo khe nyuwaano mummihalle Enyanja Yuullupalli, maaddi oowallamellesesa. Ethiyo khe nyuwaano mwapangille ettilla vamaaddini, wi alle mwaavullusalleenyu ellapuwe vawumma?

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Yeremiya 2:6

Kheyaapwathille dda mi Apwiya naari kaakhumihalle o Iguputo ni waahoollella mu echipululu, mu ellapo yawumma ni yookateyakateya, mu ellapo yeettalla ni yeepiphi yinchichi, mu ellapo yoohivireya ni muthu, nko ohinakhalla muthu.

Aefeso 2:4

Koma echifundo ya Mulluku tti yawaata nave echikondaaye va hiyaano tti yuullupalli,

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.