Eksodo 14:4 - Mawu a Mulluku

⁴ Kineeromummiha murima Farao nave aneerewaathwara Aisraelaayo. Koma kineeromugonjiha Farao ni akhotwaaye attheene wi kititimihiwe nave Aiguputo attheene eneerodduwella wi mi tti Apwiya.” Vano Aisraele yaheera ddittheddene moollikana ni mmo Apwiya yaalleellelliiwa.

Eksodo 14:4 Iomraidhean Croise

Nehemiya 9:10

Mwaheera ezizindikiro ni ddoottikhiniha ddoomuvaanyihana Farao, allupa muttekwaaye ni athu attheene a mwiillaponi mwaye vawi mwaadduwella mmo aahooselleeye makhollwaahu. Sika ekaambiiwa epillaanyu evuwalliiwa ophiyera ollello.

Eksodo 10:2

wi nyuwaano mwaalleelleke aniinyu ni edduullu ddanyu dda mmo kaweerelleemi ekuku Aiguputo vaweerani ddoottikhiniha variyari viwa. Sika attheenenyu muneerodduwella wi mi tti Apwiya.”

Eksodo 10:27

Koma Apwiya yaamummihave murima Farao nave khaawaakhullelle athwaayo wi evenyewo.

Eksodo 12:28

Yaarowa nave yaheera ddittheddene nndde Apwiya yamulamulalliiwa Mose ni Aroni.

Eksodo 14:23

Aiguputwaalle yahaathwara Aisraelaayo ophiyera ovollowana mu enyanja mulle. Akavalo attheene a Farao yaavollowa mu enyanja ni magaretaaye ni oowella va akavalo.

Eksodo 14:25

Magudumu a magaretiiwa yaaddalla ni matokwi mwawi magaretaayo yaaneeta mookatamiha. Vano Aiguputwaalle yaallota wi, “Hankoni naathawe Aisraelaalla, ekaamba yawi Apwiya ennaawanella ekhoto, ollipana ni hiyaano.”

Eksodo 14:3

Vano Farao anaaganizeke wi, ‘Aisraele aahollowa, enimoona weeteeta mwiillaponimmo ehuruwelliwa ni echipululu.’

Eksodo 14:5

Farao iiwalleeye wi Aisraele aathawa, olliye ni enduna ddaye ddittheddene, yaasintha maganizwiiwa dda Aisraelaayo. Yaallota wi, “Ethiyo hiyaano vaava neerillevo tini voowaakhullellani Aisraele wi ethawe ehiya onirumeyella?”

Eksodo 14:8

Apwiya yaamummiha murima Farao, mwene a o Iguputo nave olliye ahaathwara Aisraele ayo yavenyillewo mookotella.

Eksodo 18:11

Vano kinnadduwella wi Apwiya tti uullupalli okhwaranya milluku ddimodda ddittheddene kaambiiwa yahaavullusa Aisraele wa Aiguputo, mvo Aiguputwaayo yaanyaambusiiwa.”

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Eksodo 7:17

Sika Apwiya eneereweera ddeko wooniha wi tti Apwiya. Ngoona, kineerowashulla maaddi a m'muhinjenimmu ni ekopo eri m'mattani mwakeella nave maaddi mattheenaalla eneerotthattuwa nikhame.

Eksodo 7:3

Komathi kineeromummiha murima nave naari keereve ddoottikhiniha ni ezizindikiro ddinchichi o Iguputo,

Eksodo 7:5

Sika Aiguputo eneerodduwella wi mi tti Apwiya, kaallaka nave kaakhumiha Aisraele mwiillaponi mwiwammo.”

Eksodo 9:16

Koma kohuusungani ni okumi wi koonihe masivaaka ni ovuwiha epillaaka mu ellapo yavatthi ettheene.

Ezekiele 20:9

Koma ngaaweerille ddennddo wi nnddina naka nihivevuwe variyari va mitundu ddimodda nnddo ddakhalla nimodda ni Aisraele. Vallethi kaari koonihalle masivaaka vamiitthoni va mitundunnddo vawaalleellani Aisraele wi eneerokhuma mu ellapo ya Iguputo.

Ezekiele 28:22

Mi Apwiya Mulluku kinallota wi, ‘We Sidon kiri mudanaawo nave athu yoona nnddo kinaaweerelleemi, eneerokititimiha. Eneerodduwella wi mi tti Apwiya kuullaka ni wooniha variyari vanyu wi mi tti aweella.

Ezekiele 32:15

Eneerodduwella wi mi tti Apwiya kamutthattusa ntepe Iguputo nave koononga ellapo ettheene kiwiiphalle athu ookhalla mwemmo.

Ezekiele 38:16

Oneerowa wi ollipane ni athwaaka Aisraele wonanko ephevo yuullupalli yoohuruwella ellapo. Mallapo yaayo kineerowaambaniha ni ellapwaaka wi athu a mitundu ddimodda ekidduwelle mvo kinaawoonihelleemi weella waka va nnddo kinaaweerelleemi, we Gogi.’ ”

Ezekiele 38:23

Mmu sika kinaawoonihelleemi wi mi tti amasiva ni aweella nave kineerodduwanyeya wa athu a mitundu ddittheddene sika eneerodduwella wi mi tti Apwiya.”

Ezekiele 39:13

Athu attheene a mwiillaponimmo eneeroddivitthana nave mutteko yooyo eneerovuwana nllapo nno kinaawooniheemi ntitimiho naka. Mi Apwiya Mulluku koollota.

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Aroma 11:8

wonanko mmo mawu a Mulluku enallotelliiwa wi, “Mulluku ahaavaha murima woohiiwesesa ddeko nave ophiyera ollello ooweeriha okhalla oohiiwa ni oohoona.”

Aroma 9:17

Vawi mawu a Mulluku wa Farao eni, “Kahuuvaha omwene wi koonihe masivaaka navettho kivuwihe epillaaka oweella mwa weyaano mu ellapo yavatthi ettheene.”

Aroma 9:18

Sika vano Mulluku annamweerella echifundo arive muthu anapaalleeye omweerella. Nave annamuumiha murima arive muthu anapaalleeye omummiha.

Yoswa 11:20

Apwiya yaawummiha murima alliwaayo wi ellipane ni Aisraele wi vaweerani ddiiddo yoonongeye attheene. Nave wi yiiphiwe mooheerelliwa echifundo koma ewoononge moollikana ni mmo Apwiya yamulamulalliiwa Mose.

Oweeruza 4:7

Kineeromweeriha Sisera, oohoollella a akhoto a Yabini wi akumane ni nyuwaano omuhinjeni wa Kishoni, aakusalle magaretaaye ni akhotwaaye. Nave kineeromuvelleella m'mattani mwanyu.’ ”