Eksodo 14:27 - Mawu a Mulluku

²⁷ Nave aatthoonyihella nnatta naye onyanjani nave oyaaka ni osa, maaddaayo yaari ehokollweellaka m'mapuroni mwiwa. Aiguputo yaheeseesa wi ethawe koma Apwiya yahaahokollosa ni waakakhella munyanjanimmo.

Eksodo 14:27 Iomraidhean Croise

Nehemiya 9:11

Mwaayikawa enyanjeeyo variyari alliwaayo yoonaka wi ellapuwe vawumma nave mwahaavokhella m'maaddini oowallamella ayo yaathwara nave yaapwina wonanko nlluku.

Masalimo 106:11

Maaddi yahaamirya adaniiwa attheene, khaahaanllevo naari mmodda.

Masalimo 136:15

Koma ahaamiryiha Farao ni akhotwaaye mu Enyanja Yoofiira, echikondiiwa yoohisintheya tti ya enthawi yoohimalla.

Masalimo 78:53

Ahaahoollella phaama wawi kheyoova, enyanja yahaamirya adaniiwa.

Yesaya 10:26

Mi Apwiya Amasiva Mattheene kineerewaawashulla wonanko mmo kaawashullelleemi Amidiyani o nlluku na Orebu. Kineerewaatukhullella ekopwaaka wonanko mmo kaallakelleemi Aiguputo va enyanja valle.

Deuteronomo 11:4

Mwahoona nnddo yeerilliiwa voollipanani ni akhoto a o Iguputo navettho ni akavalwiiwa ni magaretiiwa mvo alliwa yawiikariiwani nyuwaano. Mwahoonattho mmo Apwiya yalamulelliiwa maaddi a Enyanja Yoofiira wi yaamirye ni owiipha attheene.

Aheberi 11:29

Ekaamba ya echikhulupililo, Aisraele yaallapuwa vatthi vawumma mu enyanja yoofiira. Koma a Aiguputo voopaallani waattakiha Aisraelaalle, yaavuhellelliwa ni maaddi.

Yoswa 24:7

Vano yinllelle wa miyaano, kaahiya murapo wooripa variyari va nyuwaano ni Aiguputo nave enyanja yahaamirya. Mwahoona ni miitthwaanyu nnddo kaweerelleemi Aiguputo nave mwaakhalla enthawi yoorekama muchipululuni.

Yoswa 4:18

Allupa mukuthwaalle yanyinganlliiwa mutunda mukhwipi mwa muhinje, muhinjooyo wahaamba weetattho ophiyera waasefukella wonanko mallapo mararu evirallaalle.