Eksodo 14:25 - Mawu a Mulluku

²⁵ Magudumu a magaretiiwa yaaddalla ni matokwi mwawi magaretaayo yaaneeta mookatamiha. Vano Aiguputwaalle yaallota wi, “Hankoni naathawe Aisraelaalla, ekaamba yawi Apwiya ennaawanella ekhoto, ollipana ni hiyaano.”

Eksodo 14:25 Iomraidhean Croise

2 Epilli 20:29

Nave moomwene mattheene yaamoova Mulluku yiiwalliiwa wi Apwiya yahaawanella ekhoto wa adaniiwa a o Israele.

Nehemiya 4:14

Koma kaaweha, kivenya nave killota wa athu oolamulella, owaahoollella ni athu amodda attheene wi, “Muhiwooveke. Upuwellani wi Apwiya tti uullupalli ni awoopiha navettho ennaawanella ekhoto abalaanyu, aniinyu, awarinyu ni enyumba ddanyu.”

Nehemiya 6:16

Nave adanaahu yiiwalle yeella, mitundu ddittheddene ddoonaapheella, kaawiithaniha allupa mukutho nave kahaallupelliha vawi yaadduwella wi muttekoolla wakwakhwanihiwe ni okavihera wa Mullukwaahu.

Nehemiya 9:11

Mwaayikawa enyanjeeyo variyari alliwaayo yoonaka wi ellapuwe vawumma nave mwahaavokhella m'maaddini oowallamella ayo yaathwara nave yaapwina wonanko nlluku.

Yobu 11:20

Koma oonanara oneeromwaramwara miittho mohalleella, kheyoona woothawella, etiyerellwiiwa tti okhwa.”

Yobu 20:24

Athawa nsupada namukoko, anaahomiwe ni mpaamba wamukuwa.

Yobu 27:22

Ennamoopa moohimmorella ethakaraka olliye vaweeseesani othawa mwawaakuva.

Masalimo 35:1

Nyu Apwiya, mullipanena athu oollipana ni miyaano, muwane ni athu oowana ni miyaano.

Masalimo 46:9

Ennamalliha ekhoto va ellapo yavatthi ettheene. Enninttaka muura, ennakotholla nivaka, ennaahella munllo magareta akhoto.

Masalimo 68:12

“Mamwene a milloko dda akhoto enimathawa, ddawoona enimathawa, vano atthiyana oohalla vaatte ennakawana ddawaakha okhotoni.

Masalimo 76:6

Nyu Mulluku a Yakobo, mwaahumullullalleenyu attheene oowella va akavalo ni akavalwiiweene yaakhwa.

Eksodo 14:14

Apwiya sika enuuwanelleni ekhoto nave nyuwaano khemweeravo ello.”

Eksodo 14:18

Aiguputwaayo eneerodduwella wi mi tti Apwiya, yaawoonaka mmo kinaamugonjihelleemi Farao ni magaretaaye ni oowella va akavalo.”

Eksodo 14:4

Kineeromummiha murima Farao nave aneerewaathwara Aisraelaayo. Koma kineeromugonjiha Farao ni akhotwaaye attheene wi kititimihiwe nave Aiguputo attheene eneerodduwella wi mi tti Apwiya.” Vano Aisraele yaheera ddittheddene moollikana ni mmo Apwiya yaalleellelliiwa.

Eksodo 15:3

Apwiya tti mullupa akhoto, Apwiya sika nnddina niwa.”

Yesaya 31:4

Apwiya yaakilleella wi, “Wonanko mukango apaalle musote wa mukango onathurumelliiwa waphara enama, mwawi abusa khewora owiikariha naari ewoopopihe apaalle ekhuwe mwawiidde, emoddamoddave yeeyo khayiivo enaavaanyihe Apwiya Amasiva Mattheene oteteza mwaango wa Ziyoni ni mwanamwaangwiiwa.

Yeremiya 51:21

Ni weyaano kinnaaphwinyaphwinya akavalo ni oowellavwiiwa. Ni weyaano kinnaaphwinyaphwinya magareta ni aweetihiiwa.

Amosi 1:14

Sika kineerorumiha munllo va esiri dda wa Raba, munllooyo oneeroshellelliha mipanda ddiwa ddoollipa. Vineerokhalla okhuwa va nllapo na ekhotonno, ekhotweeyo enaakhalle wonanko namangalle.

Amosi 5:19

Onaakhalle wonanko muthu anathawa mukango nave akumana ni echimbalangondo apaalle wonanko muthu avollowille mpa ahameella esiri ni nnatta naye nave allumiwa enowa.

Amosi 9:1

Vano kaawoona Apwiya yiimenlle vakhwipi va nikuwa nave yaallota wi, “Morihani muru wa apoto a enyumba ya Apwiya wi matthipellwiiwa etikheye. Mwaamorihelle vamiruni va athu. Attheene ayo enaahalle kineerowiipha ni nsupada, khakhallavo naari mmodda anaathawe, khaphwanyeya naari mmodda anaavulluwe.”

Deuteronomo 1:30

Apwiya Mullukwaanyu ayo enuuhoollellani nyuwaano eneerowana ekhoto munipuroni mwanyu wonanko moonelleenyu o Iguputo wulle

Deuteronomo 3:22

Muhoove kaambiiwa Apwiya Mullukwaahu sika enaaniwanelle ekhoto.

Deuteronomo 32:31

Vawi naari adaniiwa ennadduwellattho wi milluku ddiwa kheddinallikana ni Mulluku a Israele.

Yoswa 10:14

Ovenyera khalle, khaniivo nllapo wonanko nenna nno Apwiya yamwiiwellelliiwa muthu vawi yahaawanella ekhoto Aisraele.

Oweeruza 4:15

Vano Apwiya yaamwaapheelliha muru Sisera ni magaretaaye mattheene ni akhotwaaye attheene. Baraki ni akhotwaaye yaanaathwara vatulli ewiiphaka athu anchichi. Sisera aakittha vagaretanaaye anathawa eetaka vatthi.