Eksodo 14:21 - Mawu a Mulluku

²¹ Sika Mose aatthoonyiha nnatta naye vanyanjani nave Apwiya yahoopiha ephevo yuullupalli yoovenyera wookhuma nndduwa, eyo yoopille mahiiyu mattheene nave yahummiha enyanjeeyo. Maaddaayo yaakawaneya

Eksodo 14:21 Iomraidhean Croise

Genesis 8:1

Vano Mulluku aamuupuwella Nowa ni enama ddittheddene ddamuhakani ni eziweto nnddo ddaari ni olliye muchombonimmo. Aalamula ephevo wi yoope va ellapo yavatthi, enthawi yeeyo maaddi yahaamba owelleella.

2 Mamwene 2:8

Vano Eliya aakusa mukanjwaaye awupinda aawashullana maaddi. Vaavo maaddaayo yaakawaneya, nngu ni nngu, ophiyera anamallotella eellaayo yaallapuwa vawumma.

Nehemiya 9:11

Mwaayikawa enyanjeeyo variyari alliwaayo yoonaka wi ellapuwe vawumma nave mwahaavokhella m'maaddini oowallamella ayo yaathwara nave yaapwina wonanko nlluku.

Yobu 26:12

Ni masivaaye aamaalliha enyanja, ni ezeru ddaye aamoononga Rahabu.

Yobu 38:24

Ethiyo eri wuuwi ettilla yooyeella onakawiwa owala apaalle nipuro onamwariwa ephevo ya wookhuma nndduwa?

Masalimo 136:13

Yaakawa variyari Enyanja Yoofiira, echikondiiwa yoohisintheya tti ya enthawi yoohimalla.

Masalimo 148:8

nyu munllo ni marallalla, nyu nakhuttu ni mirapo, nyu ephevo ddawoopiha ddawiiwellella malamulwiiwa,

Masalimo 66:6

Aatthattusa enyanja wi ekhalle yawumma navettho Athu yaallapuwa muhinje yeetaka vatthi, sika ekaambiiwa nahakallanlleehuna olliye.

Masalimo 74:13

Mwaayikawa Enyanja Yoofiira ni masivaanyu, mwaanyenya miru dda enama ddawoopiha ddam'maaddini.

Masalimo 78:13

Aayiikawa enyanja wi alliwa evirevo, ahiimesa maaddi wonanko esiri.

Eksodo 14:16

Tukhullella ekopwaaweeyo muddullu nave oyitthoonyihelle vanyanjani nave maaddi eneerokawaneya wi Aisraele ellapuwe vawumma.

Eksodo 14:20

Opoto amurapo aari variyari va Aiguputo ni Aisraele. Vano opoto amurapo aawiiha epiphi wa Aiguputo nave aawiiha owala wa Aisraele, mwawi milloko miillinnddo kheddaawaatamanne mahiiyu mattheene.

Eksodo 15:8

Mwaaviddeellelleenyu maaddaalle, yahuukellana vanipuroni nimodda, maaddi oothamaka yahiimella wonanko esiri, embali yoowallamella ya enyanja yaari yoollipa.

Eksodo 7:19

Apwiya yaamulamulattho Mose wi, “Mulleelle Aroni wi, ‘Kusa ekopwaawo, oyitthoonyihelle omaaddini mattheene a mu Iguputommu wonanko mihinje, mitthipidda, matokwi ni mathiyeene. Nave maaddi a mwiillaponi mutthemwene eneerotthattuwa nikhame nave mwiillaponi mutthemwenemmo munaakhalle nikhameve naari ni muddoorikellamo maaddi ddene, dda miteekho ni dda malluku.’ ”

Yesaya 23:11

Apwiya aattaphurusa nnatta niwa otthoonya enyanja nave yohaatikha moomwene. Yohaalamula a o Kanani wi ekumulle mipanda ddiwa.

Yesaya 43:16

Khalle Apwiya yaapanga musewu va enyanja, ettilla variyari va maaddi amasiva.

Yesaya 44:27

Miyaano sika kinalleella Enyanja Yuullupalli wi, ‘Umma nave mihinje ddawottho kineeroddummiha.’

Yesaya 50:2

Ethiyo kaambiiwa tini kawiilleemi koma oohimphwanya muthu apaalle kiithanilleemi koma oohaakhulliwa? Ethiyo muwonwaaka tti wookhuveya wi khowora woopolla apaalle nginna masiva oovullusella? Ngoona ni ohumullulla wakeve kinnummiha enyanja, mihinje ddinnatthattuwa echipululu. Ekaamba yoorama maaddi, ehomba ddinnunkha ni okhwa ni nthona.

Yesaya 51:10

Ethiyo khe nyuwaano mummihalle Enyanja Yuullupalli, maaddi oowallamellesesa. Ethiyo khe nyuwaano mwapangille ettilla vamaaddini, wi alle mwaavullusalleenyu ellapuwe vawumma?

Yesaya 51:15

“Mi sika Apwiya Mullukwaanyu, oyo anaviddulla enyanja wi mafundiiwa onyakulla, nnddina naka tti Apwiya Amasiva Mattheene.

Yesaya 63:12

Ethiyo ttaani oyo eerille ddeko ddoottikhiniha ni masivaaye muullupalli oweella mwa Mose? Ahaakawa maaddi a mu enyanja athwaaye yoonaka wi nnddina naye nititimihiwe wa enthawi yoohimalla.”

Yesaya 63:13

Ethiyo ttaani aweetihalle va enyanja yoowelleella nave wonanko kavalo aweeta muchipululuni oohikwakwatuwa?

Habakuku 3:8

Nyu Apwiya, ethiyo ddaari mihinje dduushihalleni murima apaalle enyanja yaweerihalleni onanariwa? Mwaawella va akavalwaanyu, va magaretaanyu oovullusa.

Mitteko 7:36

Ahaahoollella athu okhuma mu Iguputo vaweerani ezizindikiro ni ddoottikhiniha mu Iguputo navettho va Enyanja Yoofiira nave muchipululuni wa miyakha 40.

Yoswa 2:10

Nohiiwa mmo Apwiya yawelleellihelliiwa Enyanja Yoofiira nyu mwaphiyeenyu, mukhumaka mu ellapo ya Iguputo ni nnddo mwaweerelleenyu mamwene meelli Aamori, Sihoni ni Ogi, wookhuma nndduwa okhopella wa Yordani, ayo mwawoonongilleenyu.

Yoswa 3:17

Enthawi ettheeneeyo allupa mukutho ootukhulla nibokosi na echipangano na Apwiyanne yaari yiimenlle vawumma variyaririyari va muhinje wa Yordanoolle ophiyera athu attheene ellapuwalle.

Yoswa 4:23

Apwiya Mullukwaanyu sika awummihalle maaddi a m'muhinjenimmu wi nyuwaano mullapuwe vawumma wonanko mmo ummihelleeye Enyanja Yoofiira, ophiyera attheene naallapuwa.