Eksodo 14:19 - Mawu a Mulluku

¹⁹ Vano mungelo a Mulluku, oyo aahoollella Aisraelaalle aaya akhalla otulli wiwa. Nave opoto amurapo oyo akhallesa vahoollo viwoolle, aaya akhallattho mutulli mwiwa.

Eksodo 14:19 Iomraidhean Croise

Masalimo 77:20

Mwahaahoollella athwaanyu wonanko enkhosa oweella mwa Mose ni Aroni.

Masalimo 78:53

Ahaahoollella phaama wawi kheyoova, enyanja yahaamirya adaniiwa.

Eksodo 14:20

Opoto amurapo aari variyari va Aiguputo ni Aisraele. Vano opoto amurapo aawiiha epiphi wa Aiguputo nave aawiiha owala wa Aisraele, mwawi milloko miillinnddo kheddaawaatamanne mahiiyu mattheene.

Eksodo 14:24

Vano ohinase, oyaaka ni osa, Apwiya yaariiwa mu opoto amurapo ni amunllo, enaaweha akhoto a Aiguputo nave enaaweeriha akhotwaayo wi epaneye.

Eksodo 32:34

Vano khawe waahoollelle athu onipuroni nko kuulleelleemi. Upuwella wi mungelwaaka sika anuuhoollelle koma nllapo ninimawa nno kinawaallakeemi ekaamba ya machimwiiwa.”

Yesaya 52:12

Koma olendoolla khamutimulla mwawaakuva, khamutimulla moothawa. Apwiya eneeteke vahoollo vanyu, Mulluku a Israele aneereke wuutetezani otulli wanyu.

Yesaya 58:8

“Mweera ddenndda muneerowala wonanko ohinase nave makhwataanyu eneerovolla mwawaakuva. Echilungamwaanyu eneerewuuhoollellani nave ntitimiho na Apwiya nineerewuutetezani mutulli mwanyu.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Hoseya 12:13

Apwiya yahaakhumiha Aisraele o ellapo ya Iguputo oweella mwa namallotella. Nave yaasungeya mwa anamallotellaayo.

Mika 2:13

Oyo anaphovolla esiri annahoollella nave attheene ennakhumella vaavo. Mweniiwa, Apwiya mwaneeniiwa, sika anaakhalle awaamba nave eneerewaahoollella.

Zekariya 12:8

Nllapo nenno Apwiya eneerewaateteza ookhalla o Yerusalemu mwawi athu oofooka wunchichi mwa alliwa enaakhalle amasiva wonanko Davide. Sika nibanja na Davide ninaakhalle noolamulella wonanko Mulluku, wonanko mungelo a Apwiya awaahoollella.

Numeri 20:16

Nikhuwenlle wa Apwiya yaaniiwa, emurumiha mungelo oyo anikhumihalle mu ellapo ya Iguputo. Vano niri wuno o Kadeshi, muzinda oyo ori m'malireni ni echigawaanyu.