Eksodo 13:9 - Mawu a Mulluku

⁹ Ehakallallo yeella enaakhalle wonanko echizindikiro yoomakiwa va nnatta nanyu apaalle yawuupusella yoomakiwa vayuuchini vanyu wi malamulo a Apwiya khewa evenyaka vayanoni vanyu kaambiiwa olliye ahuukhumihani o Iguputo ni nnatta naye namasiva.

Eksodo 13:9 Iomraidhean Croise

Nehemiya 1:10

Alliwa tti oorumeyellaanyu nave tti athwaanyu ayo mwawooponlleenyu ni masivaanyu muullupalli ni nnatta nanyu neekophollo.

Masalimo 136:11

Yahaakhumiha Aisraele variyari viwa, echikondiiwa yoohisintheya tti ya enthawi yoohimalla.

Masalimo 136:12

Yahaakhumiha ni nnattanatta ni muwono woottaphurusa, echikondiiwa yoohisintheya tti ya enthawi yoohimalla.

Masalimo 89:13

Nyuwaano mookhalla ni muwono wamasiva, nnatta nanyu tti na ekophollo, nnattanatta nanyu tti noopambana.

Eksodo 12:14

Munuupuwelleke nllapo nenna mvo munaakhallekeenyu ni ehakallallo yookititimihana miyaano, Apwiya. Mibado ddanyu ddittheddene ddisungeke nllaponna wi nikhalle lamulo wa enthawi yoohimalla.”

Eksodo 12:41

Va nllapo nenno mvo miyakha 430 ddamalliiwa, malloko mattheene a athu a Apwiya yaavenyawo o Iguputo.

Eksodo 13:14

Muhoollo, aniinyu yuukohani wi, ‘Ethiyo ddenndda ddinattaphullella tini?’ Vano nyuwaano muwaakhulle wi, ‘Apwiya yaanikhumiha o Iguputo, mu ellapo ya okaporo ni nnatta niwa namasiva.

Eksodo 13:16

Yeella enaakhalle yawuupusella, wonanko echizindikiro yoomakiwa va nnatta nanyu apaalle vayuuchini vanyu kaambiiwa Apwiya yaanikhumiha o Iguputo ni nnatta niwa namasiva.”

Eksodo 13:3

Vano Mose ahaalleella athu wi, “Muupuwelleke nllapo nno mwakhumalleenyu o Iguputo, mu ellapo ya okaporo kaambiiwa Apwiya yahuukhumihani ni nnatta niwa namasiva. Muhiche erive ello yookhalla ni yisiti.

Eksodo 3:20

Sika miyaano kineerophariha mutteko masivaaka nave kineeromullaka Iguputo ni ddoottikhiniha nnddo kinaaweereemi wenko. Ddennddo ddeereya, aneerowaakhullellani wi muvenyewo.

Eksodo 7:4

Faraooyo khawiiwellellani. Vano kineeromullaka Iguputo vaweerani mitteko dda masiva nave kineerewaahoollella malloko a athwaaka, Aisraele, waakhumiha o Iguputo.

Miyambo 1:9

Ddiri wonanko enduwira yamalluwa yooreera omuruni wawo. Ddiri wonanko ogufu wa munikohini mwawo.

Miyambo 3:21

Mwanaka, oyisunge ezeru m'murimani mwawo nave oganizeke phaama, ehuuthawe vamiitthoni vawo.

Miyambo 7:23

ophiyera nivaka nimuhomille ohapaaye. Annakhalla wonanko epallame enathamakella munikwekweni oohidduwella wi eneerokhwellamo.

Nchipo na Solomoni 8:6

Okiwanddeellelle enthawi ddittheddene, wonanko ebangili m'muwononi mwawo. Vawi echikondi tti yamasiva wonanko okhwa, ehache tti yawoopiha wonanko mahame. Echikondi ennasherima wonanko munllo, ennaviha wunchichi wonanko munllo wawoopiha.

Yesaya 27:1

Nllapo nenno Apwiya enaapharihe mutteko nsupada niwa nawiisha, nuullupalli ni namasiva, omullaka Leviyatani,* enowa yoothawa, yoonyimphireya nave eneerewiiphattho enama yawoopiha ya mu enyanja.

Yesaya 40:10

Ddawoona, Apwiya Mulluku enimawa wi elamulelle mwamasiva, olamulello ori m'mattani mwiwa. Enawa ni mallivellwiiwa, aahoolliha yoothuviiwa.

Yesaya 44:5

Mmodda aneerollota wi, ‘Miyaano kiri a Apwiya,’ mmoddattho aneeroddeesa a athu a Yakobo, mmoddattho aneerolemba va nnatta naye wi, ‘A Apwiya,’ aneerewiiromolla a athu a Israele.”

Yesaya 49:16

We Yerusalemu, kohuulemba m'mattani mwaka, esiri ddawo kinnaddoona erive enthawi.

Yesaya 51:9

Nyu Apwiya, venyani, venyani, llipani murima! Venyani wonanko mu mallapo akhalle, enthawi ya mibado ddakhalle. Ethiyo khe nyuwaano mwamuphanddephanndde Rahabu oyo ahomille enama yawoopiha ya mu enyanja?

Yesaya 59:21

Kineerokeraatthiha echipangano ni nyuwaano ovenyera ollello ophiyera wa enthawi yoohimalla. Munepaaka oyo ori mwa nyuwaano navettho mawaaka ayo kaahiyalleemi muwano mwanyu, kheddiwa ddivenya muwano mwanyu apaalle mwa aniinyu apaalle mwa edduullu ddanyu wa enthawi yoohimalla.”

Yeremiya 22:24

Apwiya enallota wi, “Kinallupella vamiitthoni vaka wi we Yehoyakini mwaana a Yehoyakimu mwene a o Yuda naari waariki wonanko emphete ya onnattanatta waka, keerewuurulla kuutathille.

Daniele 9:15

“Nyu Apwiya Mullukwaahu, mwahaakhumiha athwaanyu o Iguputo ni nnatta nanyu namasiva nave nnddina nanyu tti noovuwa ophiyera ollello. Koma hiyaano noochimwa, noheera ddoonanara.

Yowele 2:11

Apwiya ennakhuwella milloko ddiwa ddakhoto, oowiiwellellaayo tti amasiva nave ooheerengeya. Nllapo na Apwiya tti nuullupalli nave nawoopiha. Ethiyo ttaani anaavulluwe?

Numeri 15:39

Manyenje yaayo mwawoona muupuwelleke malamulo mattheene a Apwiya wi muwiiwellelleke nave muhinathwaraka ddoopaalla dda murimaanyu apaalle dda miitthwaanyu nnddo ddinaweerihani wi muhiroromelleyeke.

Mateyu 23:5

Enneera erive ello wi athu ewoone. Ennaddimakellella vayuuchini ni vamuwononi mahutta anttapara uullupalli a mawu a Mulluku. Nave ennarekamihattho manyenje a malayiiwa.

Aroma 10:8

Mawu a Mulluku enallotiiwa eni, “Othenga wa Mulluku ori vakhuviru ni nyuwaano, vayanoni vanyu navettho m'murimani mwanyu.” Olla sika othenga wa echikhulupililo ninallalleyeehu.

Deuteronomo 30:14

Koma Othenga wa Mulluku murina vaava vawi ori muwano mwanyu ni m'murimani mwanyu wi ttuuwora owuthwara.

Deuteronomo 5:15

Nave wuupuwelleke wi waari kaporo o Iguputo ni wi Apwiya Mullukwaawo yahuukhumihawo ni muwono wa masiva muullupalli. Ella sika ekaambiiwa Apwiya Mullukwaawo yuulamulelliiwa wi osungeke nllapo na Sabata.

Deuteronomo 6:21

Vano nyuwaano mwaalleelleke wi, ‘Hiyaano naari akaporo a Farao o Iguputo koma Apwiya yaanivullusa ni muwonwiiwa wamasiviiwa muullupalli.

Deuteronomo 6:6

Mwaasungeke phaama m'murimani mwanyu malamulo kinawinnyeemini ollellwaalla.

Deuteronomo 6:8

Nave mwaamakellelleke wonanko echizindikiro va miwono ddanyu nave mwaahiyeke variyari va eyuuchi.

Yawuupullulla 18:8

Ekaamba ya yeella millilli ddineerommorella va nllapo nimodda, ereta winlla ni ettalla. Nave aneerewoosiwa ni munllo, kaambiiwa Apwiya Mulluku, ayo enamweeruza olliyooyo, tti amasiva.”

Oweeruza 2:12

Alliwaayo yahaahiya Apwiya Mulluku a makhollwiiwa ayo yaakhumihalle mu ellapo ya Aiguputo. Yaathwara milluku ddimodda dda athu oowaapheella nave yaanaddillapella. Nave yahaashiha murima Apwiya.