Eksodo 13:2 - Mawu a Mulluku

² “Waavelleelle anamwani aallopwana awaamba attheene wa miyaano. Variyari va Aisraele, arive mwaana aamullopwana awaamba a muthu apaalle a enama, tti aaka.”

Eksodo 13:2 Iomraidhean Croise

Nehemiya 10:36

Nineerowaanattho o enyumba ya Mullukwaahu, wa allupa mukutho enarumeyella wenko, mwaana aamullopwana awaamba ni asaana awaamba a eng'ombe, enkhosa ni epuri ddahu moollikana ni nnddo ddilembiwe m'malamuloni.

Nehemiya 10:37

Nave nineerowaana wa allupa mukutho, mu ezipinda ddoosungellamo ddeko mu enyumba ya Mullukwaahu, othu wawoottowa wawaamba navettho emphaso ddahu ddimodda monga ezipaso dda orive muteekho, vinyo ni makhura. Nineerovelleellattho wa Alevi, emodda yaneekhumi ya ddeko dda m'matani mwahu vawi Alevi sika enatthukumaniha ddeko ddittheddene ddaneekhumi mu ezigawo ddahu ddittheddene.

Eksodo 13:1

Apwiya yaallota wa Mose wi,

Eksodo 22:28

“Ohimullotelleke epewe Mulluku nave ohimutembeleleke muthu oyo anaahoollella athwaawo.

Eksodo 23:19

“Oweekena ddeko ddaphaama wunchichi dda ddoohata ddawo ddawaamba dda m'matani mwawo, onipuroni na mallapello na Apwiya Mullukwaawo. “Ohaapeyeke enama ya musaana a epuri apaalle a enkhosa voopharihellani mutteko mukaka wa amennya.

Eksodo 4:22

Nave wamulleelle Farao wi mi Apwiya kinallota wi, ‘Israele tti mwanaka aamullopwana awaamba.’

Ezekiele 16:20

“Wahaakusa anaawo aallopwana ni aatthiyana ayo kuuyarenlleemi waavelleella o mafano wonanko mukutho. Ethiyo oraruwa wawonko khawuukwakhwanne

Ezekiele 16:21

onawiipheewe anaaka wi waavelleelle o mafanwaawo?

Levitiko 27:26

“Koma vihikhalle muthu anaamuvelleelle musaana awaamba a enama. Vawi ovenyera khalle musaanooyo tti Apwiya. Naari eri eng'ombe apaalle enkhosa apaalle epuri, yeeyo tti ya Apwiya.

Numeri 18:15

“Erive yawaamba, khaya tti muthu apaalle enama nnddo enavelleelliiwa wa Apwiya, ekhalle yaanyu. Koma mwaana aamullopwana mumoopolleke navettho mwaana a enama ooripihiwa mumoopolleke.

Numeri 3:12

“Mwa Aisraele kohaapatula Alevi munipuroni mwa arive mwaana aamullopwana awaamba, oyo anamalliha onamwalli wa mennya. Alevaayo tti aaka,

Numeri 3:13

vawi anamwani attheene aallopwana awaamba tti aaka. Va nllapo nne kawiiphalleemi anamwani aallopwana attheene awaamba a Aiguputo, kahiitthoollella anamwani aallopwana attheene awaamba a Aisraele, anamwani a athu ni a enama ddene. Attheene tti aaka nave mi tti Apwiya.”

Luka 2:23

Vawi moolembiwa m'malamuloni a Apwiya wi, “Arive mwaana aamullopwana, awaamba, avelleelliwe wa Apwiya.”

Deuteronomo 15:19

“Asaana aallopwana attheene awaamba a eziweto mwaapatulelle wa Apwiya Mullukwaanyu. Eng'ombe ddenndda muhiddipharihe mutteko nave enkhosannddo muhiddicheme obweya.

Aheberi 12:23

Moophiya o ehakallallello nko otthukumanne anamwani awaamba a Mulluku ayo manddiniiwa yalembiwe oddullu. Moophiya wa Mulluku aweeruza athu attheene nave wa minepa dda athu oolungama, ayo Mulluku aweerilleeye okhalla aphaama wunchichi.