Eksodo 13:10 - Mawu a Mulluku

¹⁰ Musungeke ehakallallo yeella va enthawi yawi ddiidda muyakha ni muyakha.

Eksodo 13:10 Iomraidhean Croise

Eksodo 12:14

Munuupuwelleke nllapo nenna mvo munaakhallekeenyu ni ehakallallo yookititimihana miyaano, Apwiya. Mibado ddanyu ddittheddene ddisungeke nllaponna wi nikhalle lamulo wa enthawi yoohimalla.”

Eksodo 12:17

Ehakallallo ya Buledi Oohikhalla ni Yisiti yeella muyisungeke kaambiiwa nllapo nenna tti nawuupuwella okhumihiwa wa malloko mattheene ovenyera mu ellapo ya Iguputo. Mibado ddanyu ddittheddene ddisungeke nllaponna wi nikhalle lamulo wa enthawi yoohimalla.

Eksodo 12:42

Mahiiyu mattheene Apwiya kheyaakonille, waakhumiha Aisraelaayo mu ellapo ya Iguputo. Sika mahiiyu yaalla mibado ddittheddene dda Aisraele ddihikoneke, ddeereke mutetho yoolla mowaatitimiha Apwiya.

Eksodo 13:5

Apwiya yaallupella wa makhollwaanyu wi eneerewuuvahani ellapo ya Akanani, Ahiti, Aamori, Ahivi ni Ayebusi. Ellapo yeeyo tti yooddalla ni mukaka ni enwi. Yuuvollochihani mu ellapo yeeyo, musungeke ehakallallo yeella mu mweeri yoolla.

Eksodo 23:15

Okhalleke ni nllapo na Ehakallallo ya Buledi Oohikhalla ni Yisiti. Wonanko mmo kuulamulelleemi, omucheke buledi oohikhalla ni yisiti mallapo matthanu ni meelli mu mweeri wa Abibu, ekaamba yawi mweeri yooyo waavenyawo o Iguputo. Arive muthu ahiphiyeke vakhuviru ni miyaano ari mattave.

Levitiko 23:6

Nave va nllapo na 15 na mweeri yooyo tti nllapo nawaamba Ehakallallo ya Buledi Oohikhalla ni Yisiti, nowaariiha Apwiya. Va mallapo matthanu ni meelli mumucheke buledi oohikhalla ni yisiti.