Eksodo 12:8 - Mawu a Mulluku

⁸ Eyoose enameeyo mahiiyu vaavo nave eyiche ni buledi oohikhalla ni yisiti ni matthaapa amakukhu oowaawa.

Eksodo 12:8 Iomraidhean Croise

2 Epilli 35:13

Vano yaamoosa mwaanaankhosa moothwara mutethwiiwa nave yahaapeya ddoovelleella ddaweella mwiipallini, muminoni ni muziwayani nave yaaddikawa mwawaakuva wa athu attheene.

Masalimo 22:14

Okumaaka wootathiya wonanko maaddi, makhuvaaka mattheene aheengereya, murimaaka tti wonanko nimphora nittotthowille.

Eksodo 1:14

Okumi wa Aisraele waari wookatamiha ekaamba ya mutteko woovoreya wawoopa enjerwa navettho mitteko ddoohiyanahiyana dda m'matani. Yaanaawatihera mwa ekuku ophara mitteko ddittheddene ddootopiha.

Eksodo 12:9

Muhiiyiche ekitthi apaalle yawaapeya koma muyoose ettheene ni murwiiweene, meto ni dda m'mirimani ddittheddene.

Eksodo 13:3

Vano Mose ahaalleella athu wi, “Muupuwelleke nllapo nno mwakhumalleenyu o Iguputo, mu ellapo ya okaporo kaambiiwa Apwiya yahuukhumihani ni nnatta niwa namasiva. Muhiche erive ello yookhalla ni yisiti.

Eksodo 13:7

Mumucheke buledi oohikhalla ni yisiti wa mallapo matthanu ni meelli. Vihikhalle buledi ookhalla ni yisiti apaalle yisiti mu echigawaanyu ettheeneeyo.

Eksodo 23:18

“Waavelleellaka mukutho wa enama wa miyaano, ohivelleelleke ni buledi ookhalla ni yisiti nave makhura a enama yoovelleella va nllapo naka na ehakallallo ehisungiwe ophiyera ohinase.

Eksodo 34:25

“Mwaavelleellaka mukutho wa enama wa miyaano, muhivelleelleke ni buledi ookhalla ni yisiti. Erive enama yaawiiphella mukutho wa Paska, muhiyisunge ophiyera ohinase.

Yesaya 53:10

Komave Apwiya yaapaalla wi emunyenye ni omuhoosa. Olliye aavelleella okumaaye wi okhalle mukutho wookhululukella machimo. Sika aneerewoona edduullu ddaye, aneerokhalla ni okumi woorekama, opaalla wa Apwiya oneereweereya mwa olliye.

Amosi 4:5

Velleellani wa Mulluku mikutho ddanyu ddoothokoza, mwiitukhullekena ddoovelleella ddanyu ddoopaalla vawi nndda sika munakondeenyu, nyu Aisraele. Mi Apwiya Mulluku koollota.”

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Mateyu 16:12

Vano oohudderaalle yahiiwesesa wi khaalleelle ddawi echenjerekena yisiti koma echenjerekena ehuddiho yawoottha ya Afarisi ni Asaduki eyo yaari wonanko yisiti.

Mateyu 26:26

Yesu ni oohudderaaye yachiiwa Yesu aamukusa buledi avekella omuthokoza Mulluku. Vano aamumeyameya buledooyo aavaha oohudderaaye, allota wi, “Kusani, chani, olla sika mwiillaaka.”

Agalatiya 5:9

Athu ennallota wi, “Yisiti ooyeva annamufufumiha buledi muttheene.”

Deuteronomo 16:7

Mwaapeyeke enameeyo ni oyichella va nipuro noollapellavo nimoddanno nave muhokollweelleke o misasa ddanyu osaka wene.

1 Atesalonika 1:6

Mwaanittakihera hiyaano ni Apwiya. Nave naari mwahoosiwe wunchichi, mwahaakhella othenga ni ohakallalla woovenyera wa Munepa Waweella.